دخول

ازاى تكون رخم وفى نفس الوقت تكون محبوب

اذاي تكون انسان رخم و غلس و الناس تحبك اكتر طبعا حب من نوع اخر اذاي تكون انسان غلس و رخم اتحدا حد يقرا الكلام دا و ما يضحكش أنا فى الموضوع ده هاديلكم شويه نصايح غاليه علشان تتعلموا الغلاسه يا مرعبين يلا بينا كده نعرف ازاى نغلس على خلق الله . • قول نكته طويله و لما تيجى عند آخر سطر و هو السطر المهم اللى فيه الأفيه و أعمل نفسك نسيته ، ولو حد غلس قوله : و الله كانت نكته جامده بس الظاهر أنى نسيتها . • و أنت فى حمام عام ، و اللى فى الحمام اللى جنبك عمل صوت معين .. قول بصوت عالى : الله يخرب بيت الأكل فى الشارع . • هات بخاخه مطهر ديتول و أمشى ورا شخص ما فى اى حته ، و كل ما الشخص ده يمسك حاجه و يسيبها ... تروح راششها بالمطهر على طول . • و أنت بتتكلم فى موضوع أقطع كلامك و أدى انطباع أنك هاتكمل ... و ماتكملش ...بس خلاص كده . • لما حد يشكى لك من حاجه قوله أنا عندى مشاكل أكتر منك . • فى مطعم .. بص للشخص اللى قاعد على ترابيزه جنبك و أنت ماسك لقمه فى ايدك و قوله ممكن الطحينه بتاعتك ثوانى ؟ . • كل ما حد يقولك حاجه عيدها بصيغه سؤال ، مثلا هايقولك مش أنا اتجوزت قوله أتجوزت؟! هايقولك اه الشهر اللى فات قوله الشهر اللى فات؟! ..... و هكذا . • و أنت واقف بتتكلم مع حد برق عينيك فجأه و أسأله سمعت؟! هيسألك سمعت ايه؟! قوله ولا حاجه ... خلاص راحت . • بعد عشر دقايق ، اعمل نفس الحركه تانى . • و انت بتتكلم مع شخص ما ، ماتبصش فى وشه أبدا . • و انت بتتكلم مع شخص ما ، افضل مركز فى وشه اوى . • طول ما أنت قاعد مع زمايلك فى الشغل ، صفر موسيقى نشيد بلادى بلادى . • علق فانوس كبير فى الشارع و حبال زينه ، بشرط ميكونش فى رمضان !!! . • أتكلم مع الناس بصوت الروبوت . • أستلف قلم من حد ، وحط القلم فى بقك ، و أعمل نفسك بتفكر و منهمك و أنت عمال تعضعض فى القلم !!! . • و أنت فى المول ، ماتمشيش عادى ، لأ .. افضل نط لحد ماتوصل للمكان اللى رايحه . • فى المترو امضغ لبانه بصوت عالى و انت واقف جنب حد بيقرا مجله او جرنان ، و أنت بتقرا معاه طبعا . • اعزم ناس فى حفلات ناس تانيه عيد ميلاد او خطوبه او فرح ... . • هات علبه مناديل ورق و أنت داخل السينما و طول ما أنت قاعد افضل نف . • سيب اشاره العربيه الشمال شغاله لمده 5 كيلو متر من غير ماتلف .. و بعدين اطفيها فجأه و كمل طوالى !!! . • أول ماتشوف كيس كاتشب واقع عالأرض دوس عليه برجلك جامد و قول للى معاك أنا كنت بشوفه فاضى و لا مليان !!! . • فى حفله عيد ميلادك أطلب من ال D.jأنو يشغل أغنيه بعينها 18 مره ورا بعض .. أنا بحب الأغنيه دى اوى يا جماعة !! . • لو واقف جنب حد بيعد فلوس و فى وسط ما هوا بيعد قول اى رقم عشوائى 862 . • العب فى الوان التليفزيون لحد ما الصوره تبقى بنفسجى ، وتبقى الناس كلها لونها بنفسجى ، و اعزم اصحابك عالماتش عندك فى البيت .. و لو حد اعترض ، قوله أنا شايف ان ده لون الحياه الحقيقى !!! . • و أنت ماشى فى حته اى حاجه تقابلك طبل عليها . • البس جراب زى الجراب اللى بيتحط فيه المسدس .. بس حط فيه الريموت كنترول . • غير القناه قبل نهايه الفيلم او الماتش او المسلسل بخمس دقايق . • أضحك لواحده ماتعرفهاش فى الشارع وقولها بصوت عالى ازيك .. عامله ايه؟!!! . أتمنى ان النصايح الغاليه دى تكون عجبتكم و ان شاء الله اشوف ردودكم الحلوه . بس بشرط ... من غير غلاسه

مواضيع مقترحة


نصائح لرفع الضغط.!
نكت طقع طقع
نكت نكت سالوة جحاا:عندك كام سنه؟ قالهم:40. سالوة بعد10سنين :عندك كام سنه ؟ قالهم:40.سالوه اذاى بتقول ان عندك 40سنه وانت قلت كدة من عشر سنين؟ قالهم:اصل كلمة الراجل واحدة :)
النت ومشاكله
لمذاكرة أفضل $$$$$
واعدها على النت ولما التقاها وجد أنها زوجته!
استخدم التطبيق