الثقوب السوداء..!

كانت و لا زالت من أحد أكثر المواضيع التي تثير شغف علماء و هواة الفلك........
نبدأ الحكاية من الأول......
من الغريب ان النجوم ليها دورة حياة زي الإنسان بالضبط...
تولد و تعيش حياتها.. و تأتي مرحلة الشباب اللي هي أشد توهج للنجم...
و بعد كده تموت...
على عكس الاعتقاد القديم ان الكون أزلي الوجود .. سبحان من له الدوام......
النجم يولد من حاجة اسمها سحابة كونية غالبيتها غاز هيدروجين و هيليوم..
السحابة دي تدور بسرعة عالية حول مركز معين فيها ( غير معروف السبب بتاع الدوران ده لغاية دلوقتي )...
و هي بتدور تبدأ في الانكماش و تنكمش و تنكمش و مع الانكماش ده الحرارة بتزيد و يبدأ ولادة النجم اللي غالبا بيبقى على شكل كره...
طب ليه مش مربع.. مستطيل...؟!! علشان كل السحابة بتنكمش على نقطة واحدة... يعني نقطة مركز الجذب ده هيجذب كل حاجة حوليه بنفس المقدار من الشمال و اليمين و فوق و تحت..
فهتتوزع المادة على شكل كرة بعد الانكماش.......
و بعد كده تبدأ تكبر من تاني و تكبر علشان الحرارة العالية جدا دي عملت ضغط كبييييير... زي أي حاجة لما تسخن تتمدد.......
و بعد كده هترجع تنكمش تاني بس بقوة أكبر و يحصل انفجار كبيييييييييير جدا بعد كده يبدأ ينكمش تاني و تاني....
بسبب الجاذبية بتاعته......و بعد كده بقى ( مش هبرجع يتمدد تاني... مش حكاية بقى ) مصيره يتوقف على حسب كتلته.......
يعني لو كتلته قد قول مرتين او تلات مرات كتلة الشمس بتاعتنا دي........ هيتحول لحاجة اسمها نجم نيوتروني.....
و اسمه كده... علشان كل المادة اللي فيه انسحقت انسحاق شديد.. لدرجة ان مفيش غير نيوترونات بس موجوده ...سبحان الله.......
لكن بقى و هي دي الحكاية الكبيرة ... لو كتلته كبيييرة يعني أكبر من خمس قول ست مرات كتلة الشمس..... و فيه علماء بيقولو 10 مرات...... هيتحول لحاجة اسمها ثقب أسود..
اللي بنسمع عنه كتييييير في الجرايد و التلفزيون... حكايته ايه ده كمان بقى؟؟؟؟؟؟ هنشوف .....

عارفين لما تجيب كورة و ترميها لفوق.. هتتطلع لفوق و ترجع تاني ؟
صح؟
هتقولو ايه الهبل ده ما كلنا عارفين كده... طيب صبركوا شوية بس ......
افرض انك رميت الكورة بقوة أكبر.. هتروح مسافة أكبرو هكذا.. لغاية ما ترميها بقوة كبييرة أكبر تكتسب بيها سرعة تقدر تهرب بيها من جاذبية الأرض و تتطلع فوق في السما.... زي الصواريخ كده.....
عمركوا شفتوا صاروخ طلع و رجع خبط الأرض..؟؟ غير الحواث طبعا......
ما علينا.........
نفس الحكاية.......
الثقب الأسود ده بقى كتلته كبييييييييرة جدا......
و الكتلة يعني حاجة بتجذب.... و كده هتبقى قوة الجذب بتاعته كبيييييييرة جدا.. لدرجة ان سرعة الضوء ذات نفسها مش هتقدر تهرب من جاذبيته....و احنا عارفين في كي جي 1 ... ان احنا بنشوف الأجسام من الضوء المنعكس منها....... طب لو مفيش ضوء منعكس؟؟؟ لأنه مش قادر يهرب من الثقب الأسود......... يبقى استحالة نشوفه........
هو ده يا سيدي الثقب الأسود بكل بساطة....
طب ما دام احنا مش شايفينه عرفنا ازاي انه موجود؟؟؟؟؟
والله بص... هو كل الدراسات الفلكية و الأبحاث بتبقى حاجات نظرية في الأول .. لأن احنا بنتعامل مع الكون..... يعني مش هنجيب نجم و ندرسه في المعمل.....فتبقى حسابات نظرية و بعد كده العملي يشتغل.......... يعني مثلا... ممكن و احنا بنرصد السما في يوم صافي كده.....
بس بتلسكوبات بره الغلاف الجوي علشان دقة الرصد..... نلاقي السما مليانة نجوم بيضاء و فيه بقعة سودة في النص كده...هتقوللي ما السماء كلها سودا يا ذكي......
يا سيدي انا قلتلك انا برصد بتلسكوب بره الغلاف الجوي...... كان فى رصد في حته صحراء كده.. و بتلسكوب حتى مش قوي....... كانت السماء كلها نقط بيضه.. يعني صعب تلاقي حتة من غير نجوم...... المهم......دي طريقة.. بس طبعا مش أكيدة..... ممكن حاجة تانية..... مكمن نلاقي جسم بيدور حولين بقعة سودة كده......
أكيد الجسم ده مش أهبل...
و لا بيعمل رياضة... أكيد في حاجة بتجذبه احنا مش شايفينها غالبا هي ثقب أسود.......
و كمان دليل عليه ان احنا نلاقي تشوه في الجسم من ناحية الثقب الأسود..........
يعني النجم بدل ما هو كورة... تلاقي انبعاج كبيير كده ناحية الثقب علشان الجذب الكبييير بتاعه........ و ممكن على فكره الثقب الأسود ده يبلع مجرة بالكامل...
و أخدين بالكوا معايا يعني مجرة بالكامل رغم ان قطره لا يزيد على 10 قول 15 كيلو!!!!!!!!! سبحان الله بجد..... عارفين كانت مرة فيه عالمة فلك بتقول.. اللي يدرس فلك أخرته يا مجنون.. يا يسجد للخالق.....!!! سبحان الله.....
فالمجرة اللي بيجذبها بالكامل دي بنلاقيها بتطلع اشعة اكس بشكل فظيع... كأنها سبحان الله بتطلب الاستغاثة... و كل ما قربت من الثقب الأسود شدة أشعة اكس تزيد لغاية ما تختفي......
و احنا نعرف ان ده ثقب اسود.........
بس يا سيدي......
اه و على فكره حكاية ان احنا نشوف الأجسام من الضوء المنعكس...... أول واحد اكتشفها العالم الكبير الحسن بن الهيثم مش نيوتن....و بالمرة بقى.... نيوتن كان حرامي كبييير فعلا.. و اكتشف حاليا انه كان سارق كتيير من مؤلفاته من كتاب الحسن بن الهيثم...... و نيوتن كان رئيس مرصد فلكي في انجلترا و كان تحت ايده عالم الرياضيات الشهير ليبنتز.. و برضه كان بياخد من ابحاث...
و حاليا بيجرى ترجمة كتاب البصريات للحسن بن الهيثم على يد دكتور مصري في امريكا لإثبات ان نيوتن كان حرامي!!!!.,,,,. و موضوع الجاذبية .. برضه.. أول من اكتشف الجاذبية كان عالم عربي... ( تقريبا البيروني مش فاكر و الله بالظبط )..... مش نيوتن..... و يرجع بس الفضل لنيوتن انه صاغها رياضيا..........شفتوا احنا كنا محترمين زماان قد ايه؟؟؟؟ و كنا فعلا اسم في العلم........
معلش عارفه اني طولت عليكم.... بس ياللا استحملوني شوية أصل لقيت الموضوع شيق شوية......

موضوعك جميل اوى,ومن النهارده انتى عالمة المنتدى

واسميكى همس البيرونى...

مشكوووووووور بجد على كلامك الح دة …انا لقيتها معلومات مفيدة وحلوة اوى وحبيت انكم تشاركونى فيها