الدليل السياحي للأردن


1. كل واحد بتقابله بحكيلك انه اله ابن عم واصل بالحكومة.



2. كل مصعد كهربائي اله رائحه سامة.



3. كل واحد بتشوفه بشتكي.



4. معظم البنات شبه بعض.



5. معظم البنات بلبسوا زي بعض.



6. كل واحد بتشوفو بحكيلك انو ضيع فرصة شراء ارض فى عبدون قبل عشر سنين بخمسين دينار الدونم!!



7. كل واحد بتشوفه بحكيلك انه جده اول واحد اشترى مرسيدس بالبلد.



8. كل واحد بتشوفه بحكيلك انه كان غني بزمناته.



9. ٩٠٪ قدموا او بدهم يقدموا على جرين كارد.



10. كل الناس بتبحلق فيك بدون اي سبب محدد.



11. الشيك المؤجل صرفه لسنة يعتبر (كاش(.



12. ما حدا بعرف يحكي انجليزي صحيح بس بشكل او بأخر ما حدا برضى يحكي الا انجليزي!!!



13. كل واحد عنده قريب عايش بشيكاغو.



14. بين كل سيارة وسيارة بتشوف بي ام دبليو موديل ١٩٨٠ (زعره(.



15. حراس الديسكوات برحبوا فيك بكلمة(كوبلز… بس).



16. محلات المواد الغدائية بتبيع مزيل عرق!!!.



17. بتشوف حادث سير كل كم كيلومت!!!.



18. كل واحد بحاول يحكي انجليزي بحكي كلمة (يعني) بعد كل كلمه.



19. الواسطة هي حل لكل مشاكلك.



20. معظم اسماء العوائل بتنتهي ب(ات) او ب (هه) او ب (لى).



21. كل واحد بتشوفه بحكيلك انا مدير عام … بس مدير على شو الله اعلم.



22. كل واحد عنده مشكلة مع البنك وكل بنك معو مشكلة مع واحد.



23. اذا كنت رايح على امريكا… حط في بالك انه ١٠٠ واحد راح يتصل فيك عشان يبعت معك شنطة لقرابته.



24. بس تدخل مصلحة حكومية بتتفاجأ انه الكل قرابة الكل.



25. الناس لما تحب توقف طابور… بتقدر تشوف الناس بس صعب تشوف الطابور.



26. في وسط البلد… كل واحد بمر جنبك راح يخلعك كتف لأنك لابس غير.



27. بكل زاوية بتلاقيلك خمس او ست اشخاص متجمعين.



28. البطالة ٦٠٪.



29. اذا سألت حدا من وين شاري هاللبسه… راح يحكيلك : شارع مكه اعرف انو قصدو شارع الطلياني (الباله).



30. الساعة سبعة الصبح بتشوف كل الناس ماشية وحاملة صحون حمص وفول والساعة سبعة مسا اكياس ورق فيها برضو فلافل.



31. بتشوف شبين بتطاوشوا على بنت على اساس انه صاحبتهم … بس البنت ما بتعرفهم الأتنين.



32. كل الناس بتطلع رحلات على الغور.



33. الشباب عاملين تاتوو على ذراعاتهم( غدار يا زمن) او ( بحبك يما).



34. على الاشارة الناس بتزمرلك قبل ما تصير الاشارة خضراء.



35. اعظم اختراع اردني: موس ابو سبع طقات.



36. اشهر انواع الادمان هي: شم التنر.



37. الزبالة بتكون برة الحاويات… لانة الحاويات للبسس بس.



38. ازا رحت على مستشفى البشير… راح تعرف شو يعني ( سلخانة).



39. ازا كنت بالخدمة العسكرية مسموحلك ب ٣٥ طلقة بالسنة … ازا حبيت اكتر بتشتري على حسابك.



40. التحية المتداولة : أيش يا ابو الشباب!!!



41. ازا كانت الدنيا حر… بدل الغور بتروح على الساحة الهاشمية.



42. الشخص اللي يقوم بتفتيشك على بوابة المطار… بحكيلك: تراك حليوة.



43. لك حرية الاختيار بأن تطلب (تشيز برجر) بدون جبنة !!!



44. معظم دخل التلفزيون الاردني من اعلانات مركز ضراغمة التجاري ( قومي معي هنية … وين وين).



45. كل يوم هناك حوادث انفجارات لأسطوانات الغاز… السبب انه يتم فحص تهريب الغاز عن طريق الولاعه!!!



46. بتروح على صلاة الجمعة بكندرة جديدة … وبتروح بزنوبة.



47. عشان تصدق شهادة عليك ان تقوم بجولة مكوكية بحثا عن ١٠٠ توقيع وطابع بريد.



48. بتلف على كل محلات البلد عشان صرافة ١٠ دنانير و ما بتلاقي.



49. مطار عمان الدولي بسكر الساعة ١٠ ليلا !!!



50. ازا كنت حابب تشوف حالك زمان كيف شكلك… روح على التعبئة والتجنيد … عندهم كل صورك بالاضبارة.



51. ازا بدك تخلص من مرتك… خليها تركب انبوبة الغاز فى البيت.



52. بتشوف كندرة صغيرة معلقة على كل سلك كهرباء.



53. كل مراكز التسوق : للعائلات فقط!!! وما فيها حدا الا العزاب.



54. القوات الخاصة الاردنية (قوات الباديه) مسلحين بقنوات.



55. الشعب الاردني يعتقد ان حرس البادية بتقدر على قوات المارينز الامريكية.



56. الكل بدخن بس ماحدا بشتري دخان (شغل سلبطة).



57. تعريف النجاح بالأردن: هو ان تفوز على نسيبك بلعبة طرنيب.



58. داقق على سنانك: هو ان تفوز بلعية تريكس بعد ما تفوز بلعبة طرنيب.



59. من السهل ان تتنقل بالأردن دون مرشد سياحي لأنه لا يوجد طريق سريع الا عمان-العقبة.



60. الخلوي يحمل بالجهة اليسرى من الوسط ليوازن الميدالية الموضوعة في الجهة اليمنى.



61. الشعب الاردني الشعب الوحيد اللي شاف صدام حسين على القمر بدون منظار.



62. الاردن الدولة العربية الوحيدة …العطلة الاسبوعيه: جمعة وسبت!!!



63. اذا الشباب حابة تشوف صبايا بروحوا على عمان الغربية عشان يتفرجو على فتيانات المحلات كلها لعب بلاستك.



64. اذا زرت حدا… بسألك شو تشرب… وببعت الولد الصغير يشتريلك من الدكانه.



65. اذا الواحد ضحك كتثر بيصير يقول خير ان شاالله وكـأنه الضحك كتير معناتها مصيبة عالطريق.



66. اذا شاف الاردني اجنبي…بيصير يبحلق فيه وبفلله من فوق لتحت… واذا صحللو يحكي معاه ما بيقصر حتى لو طبّشلوا كم كلمة! الفضول بيقتله يعرف قصة حياته (اسمه وعمره وعنوانه).



67. اذا رحت زيارة عند حجات كبار- وكنت بتشتغل- اول سؤال بيسألوك اياه قديش راتبك؟.





اردن حلو بس تعليقات كتير

اهلا وسهلا بزوار الاردن الكرام…تحياتي

شكراااااا على الدليل

الاردن احلى بلد … تحياتي