القمر والمريخ للبيع

القمر والمريخ للبيع ::

لو عرض عليك شراء ارض في القمر او المريخ والعيش هناك هل توافق؟

سخرية أردنية ::
وفي استفتاء للرأي قمنا به لمعرفة آراء الأردنيين لمسنا عدم اهتمام بالموضوع فلم تأخذ الأغلبية هذا الأمر بجدية، وسخر البعض منه، واخترنا لكم من هذا الاستفتاء:

* فكرة كتير حلوة .. تغيير جو .. تغيير وجوه.. وممكن ازا قدرنا نروح هناك إنو نلاقي حياة أحسن من اللي هون، وبعتقد إنو الروحة على القمر والبعد عن الأرض باللي فيها محرزة إنو ندفع كل شي عنا، خصوصا لو كنت على القمر مع الشخص اللي بحبه. (شيرين ).


* قطعة أرض على الأرض أحسن من عشرة على القمر، يعني عصفور باليد ولا عشرة على الشجرة ورزق الهبل على المجانين، بس إزا بيعطوني الجنسية الأمريكية بشتري. (حسام

* الموضوع لزيز جدا ولو صحلي بشتري وببيع كمان، مش معقول تصحلي فرصة أشتري أرض على القمر وأتركها. بالرغم من إنو التربة على القمر مش صالحة لإشي بس بكفي إنو اسمو قمر. (مشهر)

* بس أقدر أشتري على الأرض متر مربع أكيد رح أشتري أمتار على القمر، أنا بحب أعيش بالواقع، ولو كان مر إلا إنو أنا يا دوب أقدر أكمل لعشرة الشهر براتبي فأكيد أكيد ما رح أقدر أفكر بامتلاك عصفور على الارض، وبما إنو البنزين كل يوم عم بشبط بأسعاره للقمر فمش متخيلة مين التكسي اللي حيمشي بالتسعيرة للقمر. (غادة

* والله إشي كتير حلو، أي إشي بعيد عن الأرض صبابا.. رح نتريح من أجار الدار والكهربا والميه وصوت الدوشة، بس بدي قطعة 15 رقم الحوض 36. (فلسطين ).

* كتير حلو فياعة والله، شو حلو عن جد بتحكي؟ أول مرة أعرف.. الواحد زهق هاي الحياة الروتينية فرصة أحكي لأهلي بلكي اشترولنا هناك. (أحمد

* مش عارفين نعيش على الأرض كيف بدنا نعيش على القمر، واللي بطلع من داره قل مقداره (عماد ).

* احجزلنا بالله دونم هون ودونم هون، والله رح يصير بكرة السكن كله فوق والفقير بس اللي رح يضل هون على الأرض. (زكريا

* الفكرة بصراحة كتير غبية ومش واقعية، وبعدين مافي غلاف جوي على القمر وأصلا ما بزبط نحط غلاف، وما بحط مبلغ ولو كان بسيط جدا على اشي مستحيل ومن وحي الخيال ويمكن لو حطيت هاد المبلغ على اشي موضوع على الأرض وبالواقع، يمكن أستفيد منه، أفضل من إنو أحطه على إشي بالخيال. (سامر).

* في هذا الموضوع استخفاف، فقد خلق الله الأرض لنسكن فيها فقال الله تعالى هو الذي جعل لكم الأرض ذلولا فامشوا في مناكبها وكلوا من رزقه واليه النشور من سورة الملك، والشمس والقمر كواكب لتنير حياة البشر على كوكب الأرض، ألا يكفي الناس محاولتهم في تغيير ملامحهم بعمليات التجميل المنتشرة، ليبدأوا بتغيير طبيعة الكون التي خلقها الله ثابتة ومحدده، وحسب اعتقادي فان هذه الفكرة هي لمجرد إبعاد فكر الناس عن مشاكل اكبر وأمور تهمنا بصورة اكبر. (الدكتور محمد ).

* الموضوع جميل جداً، فبعد ألاف السنين أو ربما مئات السنين قد تكتظ الأرض بالبشر ونحتاج لكوكب أخر، وفي هذا الوقت سيرتفع سعر الدونم ويصبح بالآلاف وعندها ستكون قد امتلكت جزء بالآلاف بحفنة من الدولارات، ووقتها قد تجد أحفادك يشكرونك على هذه المبادرة الجميلة. (نادية ).


لم تكن تلك دعوة للشراء ولا دعوة للبيع، بل هو رجاء يرجوه المنطق لتحسين طريقة تفكيرنا بأمور قد نشعر بأنها تافهة لأننا ننظر إليها من جانب واحد، أو أننا لا ننظر إليها من أي جانب، بل نحكم عليها من ظاهرها، دون تفحص باطنها الذي قد يغير نظرتنا إلى الأمور.

علما بأن الموضوعمنقولـــــــــــــــــــــعناسرار المجتمعللعلم فقط

مواضيع مقترحة


نكت نكت مرة واحد عجلاتى قعد على قهوة طلب كاوتشينو
كيف تسوق سيارتك في عمان
سوبر ماركت
التماسيح!
غريبــــه هذي الدنيـــا
ثـــرثـــرة لا أكـــثـــر