دخول

اللقاء الاول لما شاب يتعرف على بنت

مشهد بنشوفه كثير : مشهد اللقاء الاول لما شاب يتعرف على بنت ...

الشب لما يكون عنده لقاء أول مع بنت بصحى بدري عشان يلحق موعده الساعه اربعه , بيروح بحلق لحيته عند ابو صطيف الحلاق ، وبيخليه يعمل له خيط وينعّم له الرقبه , وبعدين بيطلع عند صاحبه المعروف انه وضعه المادي جيد.بيفوت على غرفته وطبعا صاحبه بيكون لسه صاحي من النوم ولابس شبّاح وشورت وشعره منكوش لكن بصحى عشان يجهّز صاحبه للقاء الاول... !!! بيفتح له الخزانه عشان ينقي منها لبسه مرتبه . بروح الشب بينقي قميص فايع وبنطلون جينز ازرق مكوي وجاكيت بدله فايع. ولأنه نمره رجل صاحبه اصغر من نمرته, بيضطر الشب يجيب لصاحبه كندرة اخوه الكبير البوز رفيع , بس بيحكيله : من شان الله دير بالك عليها ما تفضحني وأوعك تغبرها ،

وبعدين بيفوت على الحمام وبيغسل شعره.... وبيحط واكس على شعره وبيخليه واقف ... وبيلبس الأواعي الفايعين وصاحبه طبعا بيسرق له عطر ابوه الشانيل عشان يرش منه رشتين وبعدين بتداين من صاحبه عشرين دينار لزوم الطلعه وبيطلع. طبعا وهو نازل الدرج من بيت صاحبه, صاحبه بيوصي فيه وصايا اللقاء الاول : بدي ياك اسد من اولها .

بيطلع الشب وبيمر على صاحبه الثاني ويبستلف منه سياره كيا سيفيا نمره بيضه, على اساس انها سيارته, وبيمر على دكانة ابو حسن عشان يستعمل المغسله ويتمضمض مي وبيشتري لأول مره بحياته علكه ستميرول وبكيت دخان مربورو, وبيمر على صاحبه رامي لينك عشان يشحد منه تلفون همر بدل تلفونه 3310 لمده ساعتين.

وبياخد البنت على الموعد وبيكون بكوفي شوب في الرابيه, طبعا اول مره هو بيفوته.. وبيدخل بيسلم على الجرسون مباوسه على اساس انه زبون دائم في المحل قدام البنت اللي بتكون ماشيه جنبه ومش مصدقه انها تعرفت على شب جنتل وزوء مثله.

وبعد القاء الاول بيرجع كل شي متل ما كان ... وفي اللقاء الثاني بيطلع معها على منتزه عام وبشتريلها بعشر قروش ترمس وبيقعدو تحت شجره وبيحكيلها إنه باع السياره والخلوي, وان أواعيه مبهدلين عشان مروّح من الشغل وان أبوه بالمستشفى واضطر يدفع كل المصاري الي معاه لأبوه المريض !!

وبياخد منها خمسه وثلاثين قرش عشان يروّح عالبيت عشان مصاريه وقعو منه في السرفيس..
وكمّل الحكاية من عندك!!!!!!!!!
يعني الشب بكون لابس قميص صاحبه السيارة ممكن اما القميص لا
نورمينا؟؟!!!! بعمان كل شي بصير, يعني حتى ولاعة الدخان بكون ماخذها من صاحبه.
تكملة الموضوع البنت ببترك لانها فكرت فلس بعد ما كان جنتل وشاب احلامها بدور على غير بترجع القصة تنعاد من جديد
ههههه والله شباب فافي
rabna ehdy
يعني هيك ما بنعمل ثقة خالص.
ههههه بس انت نسيت حاجه البنت كمان بتعمل نفس الحوار وبتروح لصاحبتها وبتظبط نفسها وخلاص لما بيخدوا على بعض كل واحد بينكشف على حقيقته لغاية ما يحبوا بعض وعاوزين يتجوزا بس طبعا الظروف لا تسمح والنهايه انهم بيتفرقوا عن بعض لما يتخنقوا من كتر المشاكل
طب وليه كل ده ماكل واحد ينقى البنت اللى فى مستواه بدل اللى بيحصل واكيد هى هتقدر ظروفوه
كله فى الهجايص
بدك الصراحة انا هاي قراتها بجريدة اسرار بتعرفوها صح بس حلوة كتييييييييير
والله هاي القصص غريبة ما بعرف ليش الواحد بيعمل هيك يعني لازم يبقى بطبيعته على شان تكون الامور موضحـــة من البدايــــة وإذا حصل نصيب ميكونش في كذب من الاول .. تسلم على الموضوع
لو في اتباع لتربية الاسلام ما بيصير هيك قصص!!!
!!!!!!!!!!!!!!
المشكلة الواكس الي بحوطو يوم الديت بضل بعديه بشهر :)
ههه حتي لو نقي كل واحد بنت من مستواه بيحاول يظهر أنو أحسن وفوق أل بتتخيل هي.
مش كل الشباب واحد. بعدين انا بلاحظ انو البنات بحبو العرط اكتر من الشباب يعني.
ههه موضوع غريب بس حلو
ه حلوة حلوة
والله يا حبيبي مش كل الشباب زي هيك في شباب عندهم نظرتهم الخاصة وهاد النوع اللي حكيت عنهم انا ما شفت ناس زي هيك

مواضيع مقترحة


مـــتــــفــــرقــــات
قاعدة ستغير حياتك
اجبر بخاطرى واضحك فى سرك!
لااااااا يفوووتكم مدري رياضيات يغاااازل حبيبته لووووووول
عشرة نساء لا ينساهن الرجل .. هل أنتي منهم ؟!
مستواك التعليمي ونجاحك
استخدم التطبيق