اللي بيسمع كلام مراته.. بنقوله شاطر"

من الأمثال السائدة والمتعارف عليها أكل الرجال على قد فعالها ولكن للأطفال رأي آخر فترى الطفلة دلال فراس الهزايمة 5 سنوات ونصف إن أكل الرجال .... كثير، ونقول أيضا خبي قرشك الأبيض ليومك الأسود ولكن وجهة نظرها ببراءة الأطفال التي تحكمها خبي قرشك الأبيض... لبكرة، وقد قمنا أيضا بسؤال مجموعه أخرى من الأطفال تتراوح أعمارهم بين الرابعة والخامسة عن أمثلة شائعة طالبين منهم إكمالها بطريقتهم العفوية, فخرجنا بأمثله جديدة طريفة وتستحق وقفة تأمل:
الطفلة دلع فراس الهزايمه قامت بإكمال الأمثال بهذه الطريقة إن غاب القط.. العب فطبول حط راسك بين الروس.. تحت التراب اللي بتجيب البنت.. بتجيب بيبي تاني
الطفل طارق رائد: مخك في راسك بصير.. فيك جنون اللي بياكل على ضرسه.. بيعبي بطنه أكل ومرعى.. وبروح ينام
الطفلة حنين عبد الوهاب: إذا انضرب رفيقك قدامك شمر ساعدك.. وشد حيلك أكثر من القرد.. بكسر رأسه قطع الأعناق ولا قطع.. الأيدي
هذه الفئة من الأطفال أعطتنا ردودا منطقية وأجابت بكل براءة, بعكس بعض الأطفال الذين يتضح أنهم متأثرون جدا بما تبثه القنوات من عنف وما يشاهدونه من أخبار حروب يعيشونها, وألعاب القتل وتسجيل الأهداف بالكمبيوتر وغيره أو قد تكون طريقة التربية المتبع بها أسلوب التخويف هي السبب, فنجدهم يستخدمون كلمات معينه مثل دم مات حريقه سكين وكأنهم يرضعون العنف منذ ولادتهم بطريقة غير مباشرة لا يتعمدها الأهل ولا المجتمع، ما يدق ناقوس الخطر في جيل ينشأ في الوقت الذي تقوم فيه حملات توعية لمكافحة العنف في الأسرة والمجتمع الأردني..!! ومن هذه الأمثلة:
الطفل أيوب ب: دق المي بتصير.. دم من طلع من داره.. بيصير حريقه ما بحك جسمك.. بصير ينزل دم وأيضا الطفل عبد الوهاب ع: بطيختين بإيد.. مع السكين طنجره ولاقت.. حيه جواتها لو كان فيه خير ما رماه.. ومات
وهناك مجموعه من البنات نجد أن ما يؤثر عليهن بشكل كبير هو كلمات الزواج والعريس والبنت والخلفة وكأن غريزتها تحكمها منذ طفولتها وتتأثر ببعض الأغاني والفنانات وأمثلة على ذلك الطفلة: سجى ق ظل راجل.. ولا الزلام العروسة للعريس.. يتجوزوا وبصيروا يرقصوا اطعم الفم.. بيستحي جوزها
والطفلة ابتسام محمد علي: الزواج أوله عسل ووسطه كسل.. وأخره بنت بوس ايد حماتك بتحبك.. مره ما بتحبها اللي بيسمع كلام مراته.. بنقوله شاطر
في حين تعددت أجوبة بقية الأطفال كل طفل حسب شخصيته وما يشعر به ومنهم :
محمد فراس الهزايمه اكبر منك بيوم.. بضله اكبر قيل للحرامي احلف يمين قال.. بديش القرد في عين أمه.. بيوجعلها عينها
طلال رمزي: ضربني وبكى وسبقني.. وصار يبكي كلمة يا ريت ما بتعمر.. عماره رجعت حليمة.. تشرب الشاي
ملك إبراهيم اعمل معروف.. وارمي حالك خليه في القلب يسطح ولا يطلع للناس.. ويضحكوا، أعطي خبزك للخباز.. يعملك سندويشة
مؤمن علي: العين ما بتعلو على.. الشام كلام الليل.. بنمحي بالمحايه ألف كلمة جبان ولا.. حمار
يزن محمود اللي بخاف من.. الله ما بروح عالنار بكره بدوب الثلج.. وبتصير برد اللي بيته من زجاج.. بنكسر بسرعة
محمود احمد العلم في الصغر.. بصير يعرف يقرا خير تفعل.. بتروح الجنة أنا واخوي على ابن عمي وأنا وابن عمي.. بناكل
عرين خالد من حفر حفرة لأخيه.. بتطلعلو حيه إلي بياكل على ضرسه.. بينكسر إذا حضر الماء.. بنشربه
في حين كانت هناك فئة من الأطفال شعرنا أنها بحاجه إلى التحفيز والدعم المعنوي فكلما كانوا يعطونا رداً على المثل، كانوا يترقبون ردود فعلنا للتأكيد على صحة إجاباتهم فكانت ترتسم على وجوههم ابتسامة تدل على النصر ويبدأون بالقول لبقية زملائهم: أنا عرفت أجاوبهم كلهم أنا بعرف كتير أشياء وشاطر كتير وكأنهم يفتقدون إلى الكلمات الايجابية والتحفيز، فقد يكون الأهل أو المعلمين ينسون أنهم يتعاملون مع أطفال تؤثر عليهم بشكل كبير الكلمة الحلوة, ويسعدهم المديح والهدية الرمزية فكل هذه الأشياء قد تساعد في تكوين شخصية الطفل وتقويتها.

الأمثال الصحيحة:
-أكل الرجال... على قد فعالها
-خبي قرشك الأبيض.... ليومك الأسود
-إن غاب القط العب.... يا فار
-حط راسك بين هالروس... وقول يا قطاع الروس
-اللي بتجيب البنت... بتجيب الصبي
-مخك في راسك... بتعرف خلاصك
-اللي بأكل على ضرسه... بينفع نفسه
-أكل ومرعى... وقلة صنعة
-إذا انضرب رفيقك قدامك شمر ساعدك... وشد حزامك
-أكثر من القرد.. ما سخط ربنا
-قطع الأعناق ولا قطع.. الأرزاق
-دق المي ... وهي مي
-من طلع من داره.. بقل مقداره
-ما بحك جسمك.. إلا ظفرك
-بطيختين بأيد.. ما بنحملوا.
-طنجره ولاقت.. غطاها
-لو كان فيه خير ما رماه.. الطير
-ظل راجل.. ولا ظل حيط
-العروسة للعريس.. والجري للمتاعيس
-اطعم الفم.. بتستحي العين
-الزواج أوله عسل ووسطه كسل.. وأخره بصل
-بوس ايد حماتك بتحبك.. مراتك
-اكبر منك بيوم.. افهم منك بسنه
-قيل للحرامي احلف يمين قال.. فرجت
-القرد في عين أمه.. غزال
-ضربني وبكى وسبقني.. واشتكى
-كلمة يا ريت ما بتعمر بيت
-رجعت حليمة.. لعادتها القديمة
-اعمل معروف.. وارميه بالبحر
-خليه في القلب يسطح ولا يطلع .... لبره يفضح
-أعطي خبزك للخباز.. لو اكل نصه
-العين ما بتعلو على.. الحاجب
-كلام الليل.. يمحيه النهار
-ألف كلمة جبان ولا.. الله يرحمه
-اللي بخاف من الله... خاف منه
-بكره بدوب الثلج.. وببان المرج
-اللي بيته من زجاج.. لا يرمي الناس بحجاره
-العلم في الصغر.. كالنقش في الحجر
-خير تفعل.. شر تلقى
-أنا واخوي على ابن عمي وأنا وابن عمي.. على الغريب
-من حفر حفرة لأخيه.. وقع فيها هو
-إذا حضر الماء.. بطل التيمم

مواضيع مقترحة


توم وجيري يقلعان عن التدخين
لعبه . (هتعمل ايه لو انت فى الموقف ده؟)
هل يستطيع الإنسان تغيير واقعه؟؟
وصلتني هذه الرسالة ومن شدة إعجابي لمحتواها أحببت أن تشاركوني ذلك الإعجـــــــــــاب
هــلــوســات تـتـحـمـل الأصــابــات!
الحياة جميلة