الملك الغبي وبناته

الملك الغبي وبناته



كان يا ما كان في قديم الزمان. ملك غبي عنده بنتين حب في يوم من الأيام انه يختبر حبهم اله. جاب الكبيرة (وجه البكسة). وقالها: يابا قديش بتحبي أبوكي الملك البنت من غير تفكير : بحبك قد ما السمك بحب البحر، الملك فكر وقال في باله: ايهو السمك بقدر يعيش بدون بحر. وقال إلها : أنا كنت عارف انك بتحبيني بس مش لهدرجة . وقام اعطاها قصر كبير ومجوهرات

بعدين جاب البنت الصغيرة وسألها نفس السؤال . قامت جاوبته : بحبك قد ما الدقة بتحب الشطة

الزلمة زعل وعصب وقام لفحها كف وزتها برة القصر . البنت دارت بالحواري. لغاية ما ربنا حن عليها و أجاها مزارع مسكين حبها وحبته وراحوا سكنوا بالكوخ تبعه .ودارت الأيام ما بين بعاد وخصام وفي يوم من الأيام كان الملك قاعد بتصيد بالغابة ونسي حاله وضاع بالغابة ضل الملك يمشي لغاية ما لقي هالكوخ قال يلا بفوت برتاح. دق على الباب فتحلوا صاحب البيت وهو مش عارفه. دخلوا جوا. وصار يحكي مع الزلمة. مرته مش خافي عليها الصوت. قام الزلمة بيقول للمرة اذبحيلنا جاجتين. المرة مين طبعا ؟؟؟ واضحة بنت الملك المقصوفة بدت تشتغل بالجاجات وخطر على بالها فكرة. نادت جوزها وقالتله خود شوية الدقة هاي مع صحن زيت سلكو فيهم لغاية ما يخلص الأكل .

والله الزلمة عجبته الفكرة وقام حط الزيت والدقة قدام الملك وقاله: اتفضل يا عمي على بين ما يجهز الأكل . الملك ميت جوع. ما بلع أول لقمة ولا صار بده يستفرغ

وصاح بالزلمة : ولكو شو هاظ دقة من غير شطة ؟؟؟

وفجأة اتذكر بنته الصغيرة وصار يعيّط زي الهبايل . قاله الزلمة: ول، شو مالك يا زلمة. كل هاظ مشان شوية دقة هسة الجاج بخلص…قلعطتني… راح الملك حكى للزلمة القصة . وهو خلص من هون نطت البنت وقالت : بخخخ ،،، عرفت قديش بحبك يا اهبل ؟

وهيك عرف الملك قديش بتحبه بنته . وجابتله دقة بشطة . طبعا ما أكل منها ولا لقمة لأنه نزل بالجاج جرد







حلوة ( بخخخخ عرفت قديش بحبك يااهبل ) هههههه

هههههه يا اهبل ، جامده موت

ههههه حلوة

جميلة …