دخول

( انا بحكي نفرض إذا جبنا اقل الاسعار)

خلينا نفرض انك بدك تنجن وقررت تتجوز, وبدك اتجمع قرشين عشان تتجوز وما بدك تستاجر بيت, بدك تشتري بيت.. فخلينا نحسبها مع بعض, جاهزين؟

انبلش من المدرسه, فلو قلنا انك شب دريس وانجحت بالتوجيهي من اول مرة حيكون عمرك 18 سنه ونفرض مثلا انك عطول دخلت جامعه، خلينا نحلم شوي ونقول انك دخلت بجامعه حكوميه وبتخصص خلينا نحكي تخصص مناسب وقعدت تدرس اربع سنوات ابتتخرج وانته عمرك 22 سنه هاد في حالة كنت طالب نجيب وابتحضر كل المحاضرات واتخرجت على اربع سنوات بالضبط يعني ما عدت ولا فصل , بدك تتخرج ودور على شغل خلينا كمان مرة نحلم ونقول انك القيت شغل عطول طبعا بدك سنه تدريب وبعدين ثلاث شهور للتثبيت هي صار عمرك 23.ونفرض مثلا حظك كويس وصرت تاخد راتب 200 دينار يا نيالك يا عم خلينا انشوف ال200 دينار هدول شو بستناهم

شيل منهم 30 دينار أجار طريق و30 دينار دخان إذا بتدخن بكيت في اليوم, اذا كنت بتدخن اصلا. وإذا افترضنا انك بدك تطلع طلعه وحده مع الشباب طول الشهر بدك 10 دنانير. وخلينا نفرض كمان انو ابوك عايش ربنا يخليلك اياه ومش بحاجه اتساعد اهلك بمصاري وخلينا انشيل كمان 14 دينار بطاقه خلوي في الشهر هاد في حاله انك ما بدك اتسولف مع بنات وبدك تمشي على الصراط المستقيم وبدك ارخص بنطلون جينز 6 دنانير وارخص كندرة الله يرفع مقامكم بدك 10 دنانير بصفي من الراتب 100 دينار واذا قررت اتجمع مصاري عشان تتجوز بدك اقل اشي 2000 دينار مهر هاد انته وحظك وبدك 1000 دينار ذهب و3000 دينار اثاث هاد اثاث رفع عتب يعني وبدك 2000 دينار مصاريف خطبه وحفله للشباب وعرس ( انا بحكي نفرض إذا جبنا اقل الاسعار) ومصاريف فجائيه 1000 دينار وبدك تشتري ارخص بيت خلينا نحلم ونقول انك القيت بيت بعشرين الف بصير المجموع 29000 دينار مصاريف جيزه وبيت فقط لا غير !!!

وحكينا انك بتوفر من راتبك 100 دينار والسنه فيها 12 شهر يعني بتوفر بالسنه 1200 دينار يعني بدك 24 سنه وشهرين عشان اتجمع هاد المبلغ يعني بصير عمرك 47 سنه وشهرين فكرك بكون فيك حيل اتخلف ؟

منقول /وليد

مواضيع مقترحة


سبب مقنع للانتحار
قصه أثرت بى لآبعد حد
نجا طفل يمني
سوزوكي يذهب إلى مدرسة أمريكية!
كيف تعرف اسم امك من عدد حروف اسمك
أبشر بالزيادة يا من تغتاب الناس
استخدم التطبيق