انواع البنات في الماسنجر

انواع البنات في الماسنجر


المصلحجية !!
ماتسلم عليك إلا مرة في الشهر !!
تدخل عليك فجأه وتحط لك ورده مع انها كل يوم متواجده وساكته !!
وتستخدم مشغول أو بالخارج وإذا إحتاجت مساعدة تجيك وتسلم عليك وتقول وينك من زمان ماشفتك ؟! شدعوه ماتسال عليّ ؟
ترى أختي كل يوم تفتح ماسنجري وأوصيها تبلغك السلام لأني مشغووولة مره في الدراسة < لووووول حلوه الترقيعه
وبعد ماتخلص مصلحتها تقولك عن اذنك بروح اكمل مذاكره واختي بتجلس مكاني لاتكلمها بليز هههههههههآآي





الرسميـة !!
ترتب المجموعات الى قسم العائله و قسم الزملاء فقط طبعاً مافيه قسم أصدقاء !!
واغلب كلامها مثل / احترم نفسك ،، رجاء هذي امور خاصة فيني ..
ولما تسألها أخبارك ؟
ترد أنا بخير وتسكت .. واذا سلمت عليها ترد وعليكم وتسكت..
ولما تعطيها اهداء تقولك وش معنا أنا بالذات ؟!
وأغلب وقتها تقرأ مواضيع في المنتديات في قسم الرأي والرأي الآخر ،، وتعشق برنامج الاتجاه المعاكس ..





الهبلــة !!
هذي كل سوالفها ضحك وكل شوي تكتب نكته وتضحك لحالها !! وضحكتها طويله تقريباً ثلاث سطور ههههههههههآآي
وأغلب كلامها بالصور ،، تستخدم كل صور الماسنجر وغلطاتها الاملائية كثيرة ..
وتحب شيء اسمه محادثات جماعية < تحشر كل اللي بمسنجرها في محادثه وحده
وتتكلم عن ثلاثة مواضيع في وقت واحد..
وتقرأ العناوين الرئيسية في الجريدة وتجي تسأل عنها < ينقالها متابعة الاحداث العالمية خخخخخخ ..
وكل شوي تغير الصورة الجانبية ،، والنك ،، ولون الخط





الدفشــة !!
تغيب أيام طويلة مدري وين تروح وترجع فجأة .. وكلماتها مثل ،، أخبار أمك عساها طيبة ؟ يادلخ ،، انقلع ،، ضف وجهك ،، أبي فزعه ،، لاتزعل من اوخيتك تراني امزح !!
ودايم تطيح الميانi وثقافتها ماتتعدى المتوسطة وتفكيرها في البر والتفحيط والددسن ..
وتمووت في اغاني خالد عبدالرحمن ..
وماتعرف من العطورات غير دهن العود أبوعشره ..
ولو كلمتها عن ماركة قوتشي او ديور بتقولك مقاطعة الامريكان وضحكتها ((هع هع هع ))
وتكتب بلون أسود لانها ماتعرف تغير الألوان هع .





البطّــــة !!
طباخة ممتازة وتحب تسولف عن الأكل ودايم جوعانه ونقطة ضعفها الجالكسي جواهر ..
وقبل موعد العشا بساعة يكون مزاجها متعكر ودايخه و تسولف من غير نفس ..
ولما ينادونها للعشا تقفل الماسنجر بسرعة البرق ..
وعادة يكون نكها فراولة الرياض أو شوكولاته أنيقة أو برتقاله مخصرة..
ودائماً تتكلم عن تجاربها الفاشلة في الريجيم ..
مستحيل تشوفها في النهار لان الجو حار أوقاتها من العصر و طالع ..
دمها خفيف ومرهفة المشاعر وأقل موقف ممكن يبكيها ..





البريئــة !!
عمرها يكبر وعقلها مايتغير مازالت طفله وعلى نياتها .. تثق في كل الناس وبسرعة تتأثر .. وكل يوم تسألك كم عمرك ؟؟
تعشق سبيس تون وبينك بانثر و تحب تسولف عن الأزياء والتسريحات .. تتواجد في العصر و المغرب لأنها تنام بدري ..
ماعدا يوم الخميس طبعاً هع
شعارها الدنيا حلوة .. أحياناً تجيك سكتة قلبية من غبائها ومع ذلك هي الأولى في المدرسة !!
لو بلغتها بأسرارك بتفضحك في كل المنتديات..
تخاف من الأرنب والقطوه و أي شي يمشي على أربع رجـول ..





الشينـــة !!
اسمها الحقيقي نوره أو حصه او فاطمه أو عنبره أو رقيه .. ويعايرونها في البيت أم ضرس أو الحولا أو البطه أو أم جبهة ..
وتجي الماسنجر تتميلح وتقول إسمي الجوهره أو مشاعل أو فاتن أو شهد أو ريم ..
ودايم تنتقد و مايعجبها العجب .. وإذا شافتك مشغول أنواع الهواش والشتايم !!
وإذا عطيتها وجه أنواع الصفط والركب تحتار كيف ترضيها .. تعطيها اغنية تقولك ماحب الاغاني .. تعطيها كرت تقولك انا مو بزره قدامك .. كل شي يضايقها وكل شي يزعلها..
تكره إليسا ونانسي وتموت في الطقاقات .. ماتعرف تجامل ولاتمدح إلا نفسها ..
دايم توصف نفسها بالجمال والرشاقة ..تختار أسماء مثل الدلوعة .. الفاتنة .. الماسة .. أميرة خخخخخخخخخخخخخخ

هههههه،ام بسام حبيبتي انا ما لقيت حالي ولا فمجموعة.بس يسلمو كثيييييييير حلوين

هههههه يسلموووووووو