دخول

تخيل لو البنت هي التخطب الشب

تخيلوا يا شباب لا سمح الله ان البنات هم اللي يخطبون...

تخيل معي الموقف
يعني تتفاجأ في يوم وانت قاعد تقرا كتاب رومانسي وأنواع الأحلام الورديه (يااي) و سرحان في فارسة احلامك على الحصان الابيض..

الا و امك داخله عليك و توها يايه من جـاي الضحى و تقولك: يا ولدي ودي اكلمك في موضوع. .

ترد انت بكل خوف : خير يمه؟ ....

تقول امك: ترى يارتنا ام خالد تبي تخطبك لبنتها. وانت ماشالله كبرت و احلويت وكلن يبيك. ها شرايك؟؟

تنزل انت راسك في الارض و تلعب بصبعك في شعرك (او شنبك) و ترد و انت مستحي و خدودك حمره (هذا اذا كنت محلق اللحيه) و تقول: ....

الراي رايك والشور شورك يايمه..

تقول امك: انا بصراحه ما اشوف في البنت شي. .


ماشالله عليها محترمه و وظيفتها زينه و راتبها ممتاز و من عايله محترمه و من البيت للمسجد و من المسجد للبيت ..

ولا عندها سوالف السفر و الخرابيط و ما تشرب ولاتدخن و لا تروح شقق بنات. يعني بنت ما عليها...

تقول انت : بس يا يمه اهيا ما شافتني من اول انا دايما متلطم بشماغي

والله عيب بس بكمل

تقول امك: اهيا شافتك و انت نازل من باص المدرسه بس ..و سألت عنك و قالو لها خوش ولد مهو راعي سوق و كوفي شوب و ما يطلع الا مع ابوه.

و تراها هي و امها جايين يوم الخميس علشان يشوفونك..

تسال انت: اوكي يا يمه ابوي ويش رايه؟

تقول امك: ابوك ما يدري خليه حايس في المطبخ الله يعينه..

تقول انت :اللي تشوفينه يمه. .وتطلع امك من الغرفه

وتنط انت قدام المرايه و تاخذ نص لفه يمين و نص لفه شمال تشوف جسمك و تمشط شعرك و شنبك بدلع

و تقول : اه اخيرا حسَت و خطبتني.

و قبل يوم الخميس تروح انت لكوافيير و تكون مسوي حجز و تقعد و تصبغ شعرك (هاي لايت) و تزين حواجبك و تطلع مثل القمر


وتيي البيت و تلبس الثوب اللي فصلته عند المصمم( عبده شولق) لثياب الاعراس الحفلات واللي فيه فتحه من عند الساق و فتحه في الظهر وسيور و ذاك المكياج وذاك العطر اللي يشق الخشم و تنزل للصاله

ويقولك ابوك : يالله دخل العصير على خطيبتك ترى امك ذبحتنا تسال عنك

تقول انت بكل خجل: واي واي يا يبه انا استحي

ابوك يقولك وهو يطق على كتفك و يضحك يا ولد روح لعروسك

تقول انت: يا يبه دايما تحرجني انت واي واي

و تاخذ صينيه العصير و تدخل المجلس اللي فيه البنت بكل نعومه ورقه ودلع وأدب و تقول بصوت ناعم: احم احم الس سسسلام عليكم

ترد هي بعد ما وقفت و عليكم السلام

و تقولها تفضلي....

تقول هي: ايش الاحلى العصير الاحمر و لا الاصفر؟ تبي تلطف الجو معاك ...تتلصق

تقول انت: كله حلو

تقول هي: اكيد كله حلو لانك انت اللي مسويه

و تحط الصينيه بسرعه و يدك على فمك و تضحك و تروح داخل بسرعه

ياربييييييييييييييه

الا اخوانك ينطرونك و يقولون: ها شلون شكلها شقالتلك

تقول انت: واي واي تهبل تهبل حلوه و دمها خفيف و ذوق

الا ابوك من المطبخ يغطرف (يزغرط بالمصري)


لللللللوووولللللوووووشششششششش مبروك يا ولدي

الا بدخلة اختك العربجيه من بره و حاطه عبايتها على كتفها و تقول : خير وشفيكم !!

يقوله ابوك : قصري صوتك في وحده داخل جايه خطبت اخوك ..
تقول اختك: اهيا وين شافت اخوي علشان تخطبه هاه؟؟؟؟ و تعطيك كف و تصرخ والله لاوريها شغلها ...

الا بدخلة امك و تسطر اختك كف و تطلع اختك بالسياره و تفحط و تروح للاستراحة البنات <..تخيلوا عاد

و تمر الايام و انت تجهز ثوب العرس و الكوشه و بيت الزوجيه و خلال هالفترة تمرك زوجتك بالسياره تتمشون و تحاول انها تمسك ايدك و انت مستحي

واييي يوم العرس و تقعد انت في الكوشه و كل الشباب حواليك يرقصون و يغنون على انغام طيران فرقة الشاطئ للرجال و طبعا مافيه زبيده او صيته او العنود وساره

وشوي الا العفسه قايمه : ترى العروس جايه

و ينطون الريايل و الشباب كلن يلبس شماغه و يتلطم ..

و تدخل العروس مع امها و خواتها (خواتها يتيميلحون جدام الشباب ) و تقعد العروس يمك و ترفع الطرحه و تقولك: الله صاير مثل القمر

ثم تلف وجهك وانت مستحي وبعد فتره الا انت تصرخ في الليل وتعبان ويودونك المستشفي

و تاخذها زوجتك فرصه و تسافر مع البنات و يهيصون قبل ما تخلص مده شفائك الله يساعدك

و ترجع لبيتك تربي عيالك و تطبخ الغدا لزوجتك

وتتصايحون ساعات و تنام و دمعتك على شنبك :

ويزيد حدة الخلاف و تاخذ شماغك و عيالك و تروح لبيت اهلك

لو كان صدق كذا كان فل_ـة



منقول

مع تحياتي

حكيم الزمن

ههه ...الله لا يحطنا بهيك موقف والله بخزي الواحد ... الحمد لله انا احنا اللي بنخطب البنات ... احمدوا ربكم يا شباب .
اي هيك كتير والله مش لهادرجه المبالغه............. عمري بحياتي ما شفت زي هيك قصه ........ززاصلا من سابع المستحيلات انو يكون هيك طبعا في ناس..........وشكرا كتير..........زطبعا هادي القصه للفكاهههههه بس مو اكتر
هه لالا هذي مبالغ فيها كثييير ،، بس بجد في الهند البنت تروح تخطب الشاب ،، وأهل العريس يطلبوا مهر ،،
ههههه . حلوة بس ما بتمناها لحد
ههههه حلوة
كان الموضوع في البدايه ممتع بعدين باخ وصار بارد
و لله الموضوع كتير فاني بيضحك يا لطيف لو كان صح شو فيه احرااااااااااااااااج يا لهوي الصبايا يخطبو الشباب شو با يخة ههه بس عن جد الموضوع بيضحك

الرجال قوامون على النساء ، المرأة جوهرة في بيتها

نرجوا الاستفاده من الجميع

هل توجد فتاه تقبل هذا

مواضيع مقترحة


الأصــول الـحـقـيـقـيـة لـهـؤلا الـفـنـانـيـن الــعــرب
اي مكان او اي زمان ماذا تريد ان تفعل
الحب في المسلسلات الاردنية... يا سيدي عالحب
أمثال انترنتيه
شهر ميلادك يحدد صفاتك .. ادخل لتعرف نفسك اكثر!
شوفو الصورة دى وقولو رايكم
استخدم التطبيق