تعالوا اضحكوا : في صخرة وقعت من فوق بناية وفي تحت البناية لوح بللور ما انكسر ليش ؟

في صخرة وقعت من فوق بناية وفي تحت البناية لوح بللور ما انكسر ليش ؟

لأنو ما وقعت عليه

-طيب في جيجة كانت عم تقطع الشارع وفجأة ماتت ليش؟

الصخرة وقعت عليها

- طيب ليش الحمصي بيحط جنبه كاسة الشاي قبل ما ينام ؟

لأنو الشاي منبه

-طيب فهمنا, ليش بيحط كاسة قهوة جنب الشاي ؟

مشان إذا ما رن الشاي

-طيب ليش يحط جنبه كاستين مي وحدة فاضية ووحدة مليانة ؟

لأنو بيصير يشرب وبيصير ما يشرب

-وليش بيحط سكر على الكرسي قبل ما يقعد؟

مشان تصير القعدة حلوة

-شي أبيض طاير في السماء وبيقول مياو – شو هو؟

قطة بيضاء مرفوسة

-طيب شي أسود طاير في السماء وبيقول مياو--شو هو؟

غراب عم يتبايخ

-طيب في شي بني طاير في السماء ومابيقول شي –شو هو ؟

حذاء الرجل اللي رفس القطة

-طيب شي أسود طاير في السماء ومابيقول شي---شو هو؟

غراب عاقل وما بيحب البياخة

-شي أزرق طاير في السماء—شو هو؟

دبانة لابسة بنطلون جينز

-طيب شي أسود وفيه خط أحمر وطاير في السماء من الشرق للغرب –شو هو؟

دبانة لابسة فستان سوارية وحاطة حمرة ورايحة ع عرس وحدة رفيقتها

-طيب شي أسود وفيه خط أحمر وطاير في السماء من الغرب للشرق -شو هو؟

نفس الدبانة بس كني نسيانة شي و رجعت ع البيت مشان تاخدو

- نقطة سوداء على الحيط شو هية؟

دبانة

-نقطتين سوداوين على الحيط شو هنن ؟

فيشة كهربا

-ثلاث نقط سود على الحيط أشو هنن؟

فيشة ودبانة

- خمسين نقطة سوداء على الحيط أش بيصيروا؟

ما بيصيرو شي بس يمكن دهان الحيط عم يقّشر

شي ماشي على الارض وبيعمل زززززززززز- أشو هو ؟

صرصور راكب بسكليت

طيب ناس دخلوا بيت فعرفوا إنو فيها صراصير – هاااهااا شلون عرفوا بقا ؟

شافو البسكليتات مصفوفة جنب السيفون

- بتقدر تقلي فرقين بين الليمون والزيتون؟

1- فيه ليمونادة بس ما في زيتونادة

2- بتقدرتقول: الناس لامونى, بس ما بتقدر تقول: الناس زاتونى

-بتقدر تقلى 4 فروق بين البطة والوزة؟

1- تقدر تحلق شعرك زلبطة بس ما بتقدر تحلق زلوزة

2- في رحالة اسمو ابن بطوطة بس مافي رحالة اسمو ابن وزوزة

3- كلنا بنتغطى بالشتا ببطانية و ما بنتغطا بشي اسمو وزانية

4-هي الوزة كانت بطة من زمان بس الشيطان وز في عقلا فصارت وزة

- بتقدر تقلي 5 فروق بين الفيل والنملة؟

1- أجر الفيل ممكن تنمل لكن أجر النملة مستحيل تفيل

2- البيت ممكن يكون فيو نملية بس مو معقول يكون فيو فيلية

3- تقدر تاكل سمك فيليه بس ما بتقدر تاكل سمك نمليه

4- كل واحد ألو بروفيل بس مالو برونملة

5-you can feel but you can`t namla

- شو الفرق بين الفيل والبرغوت؟

الفيل ممكن يتملى براغيت بس البرغوت مو معقول يتملى فيلة

Love Is All There Is

But ...

~ Rosemary ~

ههه حلوين منك روز … شكرا ياقمر

يقطع شرك يا روز ايش جا على بالك بهالوقت!!! هههههه

فايقة و رايقة والله يا روان … يا رب على طول … ه

ههههه ثانكس كتير رووز :slight_smile: يسعد مساكي

هههههه… الله عليكي ياقمر والله دمك شربات بالمصري ههه

ابيخ من هيك…ما في روزا…هههههه

\"\" ابيخ من هيك.....ما في روزا...هههههه\"\"



وانا بايد كلام منى ههه لا بمزح في منهم بايخ ومنهم ماشي حالو خ خ خ خ .............

شكرا لمروركم جميعا يا حلوين ويا عسولين ويا امامير ويا فايقين ويا رايقين ويا مزوقين …بالنسبة لزناخة النكت انا قلت انها زنخة مشان احفظ خط الرجعه خخخخخ…انا مبسوطة انهم فرفشوكم شوي …مع حبي واحترامي للجميع …روزماري

عجبتني تبع الدهان المقشر!!! يسلمو روز في منهم كتير مهضوم

ههههه…بايخين بس بضحكو ههه…ومنك حلويين…يسلمووووووو…

وععععععععععععععع يايخين<<