حدا عندو مغامرات في المدارس يحكيلنا عنها؟

هيّ سنة وحدة بس اللي دخلت فيها مدرسة حكومية في الأردن، الله لا يعيد هديك الأيام، أول ما دخلتها فكرتها سجن أو مركز تأهيل.. المهم بدي أحكي شوية مواقف بسيطة شفتها في هاي المدرسة الحكومية:

1-مرة كان عنا امتحان في الحصة الأخيرة، طول الوقت والاستاذ يستعجل فينا ويحكيلنا يلا عندي نقلة، انا ما كنت فاهم شو قصدو لحد ما عرفت إنو عندو بَكَم - بيك أب بوصل فيه كم غنمة.. قصدي كم طالب على بيوتهم بـ 10 ليرات في الشهر، يعني استاذ وسوّاق بنفس الوقت.

2-بأول يوم إلي في المدرسة شفت زلمة متشعبط على ماسورة المي وبصلّح المايكروفون تبع الاذاعة ، انا والله فكّرتو الفرّاش، بس للأسف طلع المدير تبع المدرسة، يعني مدير وكهربجي بنفس الوقت، وشكلو كان يحب يحضر ماوكلي وهوه صغير.

3-مرة كنا قاعدين في الصف، وكنّا بنستنى الأستاذ الجديد لييجي، المهم اجى هالأستاذ، لسه أول مرة نشوفه، دخل عالصف بسرعة شلح الجاكيت رماه عالأرض وطلع برا الصف، احنا استغربنا وطلعنا نشوف شو في، لقيناه نازل خبط بطالب من تبعون صف عاشر، وكان منهمك بالخبط، بعديها ما رجعنا شفناه، يعني أستاذ وجاكي شان بنفس الوقت.

4-أول ما يرن جرس الحصة الأخيرة (الترويحة)، بتصير مظاهرة في المدرسة، وكل الطلاب على كلمة وحدة هييييه هييييه، ولاد بطلعو من الباب وولاد بنطو من الشبابيك واللي بنط من السور، يعني طلاب مدرسة وقوات خاصة بنفس الوقت.

5-يا ويله ويا سواد ليله ازا بيجي طالب جديد على المدرسة ويكون هاد الطالب من احدى الدول العربية الشقيقة، لإنو احنا شعب بحترم الشعوب الأخرى، فهاد الطالب الجديد بس رح يصير هبيلة الصف، ورح تنمحي شخصيته، وينتهي كيانه وتتغير هويته، ويصير بشبهنا.

6-أمّا لما ييجي وقت الفرصة، بتجمّعوا الطلاب عند شباك المقصف، وبتصير المجزرة، إزا دخلت تشتري شي، يا رح توقع نضارتك، يا رح تضيع كندرتك، وإزا دخلت تدوّر عليها، رح تضيع كندرتك التانية، أصلاً فش داعي تشتري من المقصف بلاش تفقد أشياء تانية.

-في النهاية، تحياتي الحارة لوزارة المدارس على هالرمية السودة، وشكراً لاهتمامها بتعليم الطلاب فنون القتال، ولتعيينها أساتذة أصحاب سوابق.

**حدا عندو مغامرات في المدارس يحكيلنا عنها؟

رايق وفايق

منقووووووول

هههههه تحشيش هالمواقف احنا كانت عنا معلمة العربي بصف سابع مهسترة كانت يحرام ترجع عبيتها مجنونة فوق هبلها
هههههه تحشيش هالمواقف احنا كانت عنا معلمة العربي بصف سابع مهسترة كانت يحرام ترجع عبيتها مجنونة فوق هبلها


المغامرة كانت انا كنا ننزل نشتري بدون ما نقولها شيبس و عصير و فستق و اللي بدك اياه من المقصف و ازا كانت الحصة الاخيرة كان فيه بنات بطلعو يشترو عصير متلج من الدكان اللي جنب المدرسة و احنا عشان مدرستنا مش مختلطة كانو مرات ييجو الولاد عشان يناقلو الدروج و سبحان الله كل البنات بتأزم معهم و بيصيرو كلهم بدهم ينزلو على الحمام

و طبعا غير الاعراس و الحفلات اللي بنعملها بين الحصص

اما المقص على رأيك مجزرة اللي بتنتف شعرها واللي بينمزع مريولها و الرواح كمان مجزرة الله يعين البنات الصغار

اما الحصص المملة اللي كانت اكتر اشي التلاوة و المهني كنا نعد بالمهني كلنا الشلة على طاولة واحدة و نبدا نديون او نغني او نحل واجب الاجتماعيات اللي حصته بعد المهني بس الله يشهد علي انا دايما كنت حالة واعطي دفتري ل مروة و شروق ينقلو

هادا كله بصف سابع ها ... و احنا كنا تلت شعب الخمس دقايق بنقضيها صلة رحم و تنقل بين الشعب يا اما عند صف تامن ج او عاشر

نهفات المعلمات : معلمة الدين بس و الله انا بحبها بس يعني ...... كانت اول ما تدخل على الصف يلا يا بنات خمس د قائق تسبيح و تقضيهم جنب الشباك الله اعلم ليش و بس تبدا بشرح الدرس بتبدا تتاوب و تسطل

العلوم ....... حدا معو تباشير مش طباشير و يا حرام مفكرة حالها بالعشرينات و لا عمرنا شفنا عنيها بدون كحلة و شدو

معلمة الاجتماعيات ملقبة ب بيدابول السبب انها دايما بتكون لابس بنطلون اسود مع جاكيت مختلف كل يو م مرة احمر مرة اصفر مرة برتقالي

بكفي هالقد صرت عامله موضوع لاني

ههههه عنجد تحشيش .. كلشي ولا المدارس بس مع انها حياة صعبة بس والله حلوة وايامها ما بتنعاد .. بصراحة انا ما بزكر شي غير اني كتير مشكلجية حتى اني انفصلت من مدرستي الأديمة وطلعوني على مدرسة جديدة كلها قوانين علشان اهدى ههه( والباقي حدث ولا حرج )

هههههه كتير حلوة هاي المغامرات

ثانكس توب على الموضوع الحلو

يووه شو بدي اقلك لاقلك عن المغامرات

شو مالكم يا جماعة احكو ايش كاين يصير معكم مغامرات لا امكم و لا ابوكم ولا مدير المدرسة معكم
الشغلة الوحيدة اللي كانت حلوة في المدرسة اني قضيتها دايما مطرود على باب الصف من بره اكتر ما قعدت بدرجي عمري ما عملت مشكلة بالعكس كنت هادي كتير بس حصص الدين دايما مطرود منها مع هيك نجحت في الثقافة الاسلامية والعلوم الاسلامية غصبن عن الاساتذه
أنا السنه خلصت توجيهي ،، وكانت أحلى سنه بصراحه لأني قضيتها داير بالشوارع أنا والشباب وفي المجمعات ..... ومحسوبين طلاب توجيهي المهم من المواقف اللي صارت أنه اجا عنا مدرس في حصة عربي بدل مدرسنا لأنه مدرسنا كان غايب ،،، وهذا المدرس اللي اجانا عباره عن حيط متحرك (ضخم جدا) ، وكان في شب عنا مش مخلي مدرس من شره ، وصدفت في هالحصه انه كان قاعد أول كرسي(على غير عادته) ، بس مع ذلك ما قدر يمسك حاله ، وصار يطلع أصوات والمدرس انجن بده يعرف من وين طالع الصوت ،، بالأخير عرف انه هذا الشب هو اللي بطلع الأصوات ،، راح مسكه ولبسه بالحيط ونزل فيه خبط ، وفتح باب الصف وطلعه وضل يخبط فيه ويسحبه لعند غرفة المدير وأصر أنه ينفصل هالشب من المدرسه ، وحكى انه اذا ما انفصل .. هو (المدرس) راح يترك المدرسه.... بس الشب راح اعتذر للمدرس وترجاه لحد ما اقتنع المدرس يرجعه طبعا هذا موقف من عشرات المواقف... بكمللكم بعدين وسامحوني اذا طولت عليكم
انا كنت شقية جدا ومشاغبة فى المدرسة بس الاساتذة كانوا بيقولوا عليا هادية مش عارفة ليه وعندى مواقف كتير جدا بس هاحكى موقف واحد علشان مطولشى عليكم مرة لما كنت فى صف خامس كانت الحصة الاخيرة دايما يوم السبت بتبقى صيانة والمستر بتاع الصيانة ده مكنشى بيدينا حاجة اصلا وكان الفصل اللى جمبينا عنده الحصة الاخيرة العاب والفصل ده كان اكتر الناس اللى فيه صحابى المهم انا خرجت من الحصة بتاعة الصيانة انا وواحدة صاحبتى والمستر بتاعنا كان واقف بره الفصل عدينا عليه وقولناله مع السلامة يامستر وهو عادى خالص قلنا مع السلامة شكله مكنشى عارف ان احنا من فصله وبس نزلنا حضرنا حصة الالعاب وقعدت العب مع اصحابى اللى تحت وكنا بنحدف على بعض توب يعنى حجر صغير بس مكنشى فيه حاجة بتيجى فيا راح واحد كان اسمه عبدالله حدف عليا حجرة كبيرة جت فى دماغى واتفتحت وبقت مشكلة والمدير سألنى مين عمل كده بس صعب عليا الولد رحت قلت للمدير ده واحد من مدرسة اللى جمبنا بس كان المستر بتاعنا كان هيروح فى داهية لو كان المدير عرف انى من فصله وسيبنى انزل كده وبس
ههههه والله توب مواقف كثير الواحد شو بده يحكي تيحكي ،،،،،،،،، على العموم راح قول موقف بسيط عملته في الثانوي ،،،، كان عندنا مدرس تخيييييييين كثير للرياضيات ومدرسة حامل للكيمياء هما الاثنين التقوا عندنا في الفصل ،، وكانوا واقفين قدام بعضهم وبيحكوا والمدرس نسى الدرس وهو منسجم في الحكي ،، وبعدين طلعوا لبره ،، وانا وقفت على السبورة ( اللوحة ) ورسمت صورتهم وعملت بطن المدرس تخينه رسمت فيها ولد والمدرسة الحامل رسمت في بطنها ولد وقال يعني بيحكوا مع بعض ههههه دخلوا للفصل ثاني وشافوا الرسمه يااااحرام زعلوا هما الاثنين وتحرمنا من الدرس ويالله هيييييييييييييييييييي مبسوطين احنا البنات وروحنا على البيت الكارثة انه حرمنا من شرح ثلاث دروس كمان هههههه ..
انا بقي كنت بعشق حاجه اسمها الهروب من المدرسه......مره ضحكت علي الفراش بتاع المدرسه وقولتله في راجل برا ومعاه حلويات وكراتيه للكنتين ولو ادهالي بين حديد البوابه هتبوظ وتتهري خدت منه المفتاح بتاع البوابه ولميت كل الفصل وفتحت الباب وهربت وهربت باقي صحابي...بس البواب كان ورايا مسكني من شعري (بس مطالش مني غير التوكه)ههه....يومها فضل يجري ورايا لحد ما قربت علي البيت........(ده في ابتدائي)........في اعدادي بقي شفت مكان في سور المدرسه اقل في الطول شويه من غيره وجبنا حجاره وحطيناها وبرضو هربت وهربت معايا صحباتي....وكنت بروح البيت بابا يقولي ايه هربتي برضو؟؟؟؟؟؟؟ههه.......في ثانوي ....كنت انا وصحباتي نلم بعض من الفصول ونقعد في فصل واح ونقفليس ونقعد نغني ونرقص ومنحضرش الحصص....ومش عارفه ليه مكونتش بحب استاذ الفيزياء كان هو يدخل من الباب اكون انا برا الفصل من الشباك..يطلع يلاقيني في حوش المدرسه......لكن مدرسه الاحياء كانت هي اللي بتطلعني..زاول ما تدخل الفصل تقول السلام عليكم ورحمه الله وبركاته ...نرد السلام تروح قايله ن رانيا؟؟؟؟؟اقولها انا اهو ...تقولي براااااااااااااااااا....ههههه تانيه الوكيله بتاعه المدرسه جريت ورانا في الحوش طلعنا علي السلالم وهي ورانا نروح نازلين من السلالم التانيه وهي برضو ورانا بس في الاخر مسكتنا مدرسه التربيه الوطنيه.هههههه......قتي يا جماعه انا في الجامعه واكتر حاجه بتدايقني فيها انه مفيش بوابه مقفوله.....يعني مينفعش اهرب....ولمابحب اروح بروح من غير ما حد يجري ورايا
مرة كان في بنت عنا في الصف متزوجة والمعلمات ما بعرفو وما بدها تتأخر عن دارها ابصر كان عندها عزومة المهم كانت حصة مريبة الصف المملة ففسخت البنت بعد ما خلصت الحصة قبل الاخيرة وكتبت بدفتر الصف اسمها انها غايبة وشافتني بنت من الفتانات التلاتة في الصف وحكت للمربية قبل ما تدخل الحصة والمهم صارت قصة طويلة عريضة ووقتها ما خبينا اشي عن البنات الفتانات حتى قدام المعلمة ضربتها على ضهرها وقلت للمعلمة عزر انو هاي شقاوات وحلوة نتزكرها فضحكت المعلمة وماتو الفتانات بقهرهم والمصيبة كنا بصف التوجيهي يعني كبار الله لا يكبرهم ويوفقهم ههههه مع تحيات اخت فطومه .
مرة لقيت طالب حاطط كيس جوا درجو وبضل الطال ماسكوا وبآخر الدوام صار الطالب يعيط سألنا ليش طلع الصبح شاري حمامة من عند كشيش حمام وحطها بالكيس وماتت خنق.

هههههه والله تحشيييييش - انا ايش بدي احكي لاحكي-

hahahahaha kteer nice

مواضيع مقترحة


لمحة عن المملكة المغربية
اختاري واربحي هذه المكاسب!
مواقف طريفة
الخوف
كم لديك صديق؟؟؟؟؟؟؟؟
كــــن ... كالمـــــــــــاء