(حــنــظـــلــة) كان حلم طفولتي وفضولي الوحيد أن أرى وجهه منذ صغري

حنظلة يُعرّف بنفسه...


عزيزي القارئ اسمح لي ان اقدم لك نفسي .. انا وأعوذ بالله من كلمة أنا ..
اسمي : حنظلة ، اسم أبي مش ضروري ، امي .. اسمها نكبة وأختي الصغيرة فاطمة ..
نمرة رجلي :ما بعرف لاني دايماًً حافي ..
تاريخ الولادة : ولدت في (5 حزيران 67)
جنسيتي: انا مش فلسطيني مش أردني مش كويتي مش لبناني مش مصري مش حدا .. الخ ،باختصار معيش هوية ولا ناوي اتجنس .. محسوبك انسان عربي وبس ..

التقيت بالصدفة بالرسام ناجي .... كاره فنه لانه مش عارف يرسم .. وشرحلي السبب .. وكيف كل ما رسم عن بلد .. السفارة بتحتج ..الارشاد والانباء ( الرقابة) بتنذر ..
قلي الناس كلها اوادم .. صاروا ملايكة .. وآل ما في أحسن من هيك .. وبهالحالة .. بدي ارسم بدي اعيش .. وناوي يشوف شغلة غير هالشغلة ..
قلتله انت شخص جبان وبتهرب من المعركة .. وقسيت عليه بالكلام ، وبعدما طيبت خاطرو .. وعرفتو على نفسي واني انسان عربي واعي بعرف كل اللغات وبحكي كل اللهجات معاشر كل الناس المليح والعاطل والادمي والازعر .. كل الانواع .. اللي بيشتغلوا مزبوط واللي هيك وهيك .. وقلتله اني مستعد ارسم عنه الكاريكاتير . كل يوم وفهمته اني ما بخاف من حدا غير من الله واللي بدوا يزعل يروح يبلط البحر .. وقلتلو عن اللي بيفكروا بالكنديشن والسيارة وشو يطبخوا اكتر من مابفكروا بفلسطين ..

وياعزيزي القارئ .. انا اسف لاني طولت عليك .. وما تظن اني قلتلك هالشي عشان اعبي هالمساحة .. واني بالاصالة عن نفسي وبالنيابة عن صديقي الرسام اشكرك على طول .. وبس ..


بس بتعرف يا نبيل … انت كبير وعلى راسي يا مان

والله عراسي

تعرف يا نبيل لو ناجي العلي عايش لهسه كان ما رسم حنظله داير وجه وبس كان رسمو ميت وانا عندي كم كاريكاتور من تاليفي اتبعت اسلوب ناجي العلي فيهم يسلمو يا نبيل

على راسي

الله يبااارك فيك وشخصية حنظله كتير بحبحها وبحب تعبيرها الغريب … انو داير ضهرو للعالم وما بدو شي من العرب النايمين…
وتحياات للفنان نور الشريف لما عمل دور ناجي العلي في فيلم…
يسلمو على الموضوع يا نبيل

ييا الله شو حلو
عنجد موضوع كتير حلو وكلمات حلوة_____ مشكور نبيل كتير

بس الفلم تبع نور الشريف ما غطى حيات ناجي العلي انا سويت بحث لناجي العلي وعارف السيره تبعتو كامله كمان شكر لنبيل

ولايهمك حبيبي تسلم لزوقك الكبير ناجي العلي ما حدن راح يجي بعديه استحاله شو ماكان ، ناجي انسان عظيم ورائع بمعنى الكلمة وكتير بحبه وبعشقه من وانا صغير عندي هوس فيه مش طبيعي
الف شكر الك

ناجي العلي أسطورة

انا اتحداك يا نبيل اذا عندك هوس بناجي العلي قدي

مواضيع مقترحة


نانسي عجرم والعجوز
ملح وجرح لا يلتقيان
قلوب فاي قلب انت
خمس مواد
ســـؤال عــلــى الــطــائــر ؟
حقنا فـي المياه..أو ترشيده ؟