خاطرة

اوقات بحتاج يكون ليا
حد يفهمنى يحس بيا
والاقى كتير من حواليا
وكتير منهم دارى بيا
بس مين اللى قريب ليا؟
فقلبى يقول راحتى هيا
اللى عيونك تختاره ليا
فسبت عيونى تلف الدنيا
وحيرتنى هيا التانيه
لكن لقيتها فى كل ثانيه
تعيد وتقول مره تانيه
راحتى معاه مفيش زيها
حبه هو بالناس كلها
وفرحة لقاه مليش بعدها
وقلبى يرد عليها يقول
مهما الوقت علينا يطول
هو اول حب ليا
حبه اخر حلم ليا
ايوه ماليلى قلبى بحبه
لو حب تانى هفضل أرده
وكلنا بنقول دايما بنحبه
وراحة قلوبنا بتكون فى قربه
بس بغير وغيرتى بتخلينى اتوه
لان غيرى كتير بيحبوه
ونفس مشاعرى بيبادلوه
وانا غيرتى ملهاش نهايه
بتذيد مع كل حكايه
بس برجع واعيد واقول
بحبه مهما غيرتى تطول
وحلمى انه يحبنى علاطول
فقربنى منك يارب الأديان
والهمنى حبك لآخر الزمان
وإوجد فى طريقى كل انسان
هدفه حبك يامنان