خبرنا يا زين خبرية

ببساطة ، لو قُدِرَ لنا نحن الاعضاء أن نكون في جلسة واحدة ،
وكان مطلوباً من كل عضو الاجابه او الحديث عن اهم خبر او اجمل خبر او اغرب حدث تعرض له شخصياً ، أو سمع عنه ،،،،،، .

الخبر يومي ، وأياً كان ...
ما يهمنا ان يتحدث الجميع وبصورة تلقائية بسيطة ، لتكوين صورة عامة لما يحدث حولنا جميعاً .

بالعامية : اي خبر ،أي نهفة ،أي معلومة بس تكون حقيقية ،،،،،،،، بإختصار ، أي إشي!!!!

اولا موضوعك بيعقد … ممممممم شو بدي اخبركم **اليوم زي كل يوم ما في دراسة عطلة الربييييييييييييييييييي… احلى عطلة بالسنة كلها ببمووووووووت فيها انا و بس بدي اقول لامي كل عام و انتب بخييييييييير و اشتاتلك كتييييييييييييييييييييي… … تحياتي

دايما متميزة يا دعاء …اليوم صحيت متكسر لانه امبارح نمت على 5:30 الصبح ، روحت مسطل على الجمرك داومت ساعتين واخدت مغادرة على 12 لنهاية الدوام عشان اروح اناااااااام مش قادر افتح ، وصلت البيت لقيت البيت عنا متل الأحوال المدنية صغار مع كبار وطولوا ولحد الأن ما نمت بعدني صامد وشامخ

انا اليوم صحيت كرهانة الدنيا… و كان عندي اجتماع من ال 9:30 ل 11:00 و خلال الاجتماع سمعنا صوت عجقة برا و شرطة و اسعاف… طلع في حادث سيارة فايتة تحت باص و الي بتسوق مغمى عليها و الناس بتركض و شوفير الباص مرعوب.

اليوم ضغط شغل مش طبيعي كان فظيع ، المهم روحنا مهلوكين انا وصاحبي ميتين عطش وميتين من الجوع شغلنا هالسيارة وروحنا على جبل عمان الدوار التالت انا بموت على اشي اسمه جبل عمان او اللويبدة بحبهم كتير ، المهم ميلنا على مطعم ريم ونزلنا 26 سنوديشة شاورما ، أكيد راح تحكوا عنا طالعين من فاجعة تسونامي ، بس والله مطعم ريم سندويشاته مسخوطة كتير صغيرة عينة اكلناهم واحنا بسيارة وكلنا 3 طبعاً تعب مع جوع ونعس ونكملها بشاورما شو بصير فينا كارثة صرنا احنا التلاتة لايمكن الأتصال به وهات اللي يخلينا نروح من التعب

محلات الألبسة الأيام هاي عاملين تخفيضات على الألبسة الشتوية خصوصا انه نهاية موسم

حكيت بنفسي خليني اروح اشتري جاكيت جلد عشان البسها السنة الجاية والسبب قلة لفلوس لأنه لو بدي اشتري جاكيت منيحة بدها تكلفني 40 دينار أقل إشي

دخلت على المحل الأول بسألة عن جاكيت عارضها بحكيلي 28 دينار ... بصراحة جفلت بحكيلة ليش والتنزيلات وين الي بتحكوا عنها ؟؟؟

برد علي شو بحكي هادي الجاكيت ثمنها 60 دينار وعاملين خصم 55% على جميع الألبسة الشتوية ؟

حكيتله السلام عليكم

رحت على محل ثاني بسألة عن نفس الجاكيت عشان شفتها معروضة عنده كمان هوه بحكيلي 20 دينار مع الخصم

طبعا انا طفران وما معي هيك مبلغ قلتله لا بدي انشف ريقي ولا ريقك ، آخر سعر الها شو رح يكون ؟؟

صار بدو يحكي ويلف ويدور بحكيلة حكيتلك ما بدي أنشف ريقي هات آخر سعر يا بشتري يا بطلع من المحل

الا هوه بحكيلي 12 دينار ، وبالفعل اشتريتها وضليت ركاض على البيت.

بس وين المحل الأول ووين المحل الثانيز

بعد ما روحت على البيت صرت احكي بنفسي طيب ليش ما رحت على محل ثالث لو رحت على محل ثالث ممكن آخذها بـ 5 دنانير وضحكت على نفسي