خلي ابتسامتك بوجهك وقول لحالك شو يعني

شو يعني.....

شو يعني لما تقعد 10 سنين مش لاقي شغل ومشحتف على شغله وبتصحا مع الديك تقدم طلبات وتلبس وتشخص وتعبي حالك عطر وتحمل وراقك وأنت متفائل وابتسامتك معبيه وجهك وطالع من باص ونازل من سرفيس والشفير هاد بتخوت عليك وهاد بقولك شو مفكر حالك عريس، وعاملينك مضحكه بس أنت ولا على بالك مطنش مهو الشغل بده تعب، وتسحب حالك وتطلع للمدير وأنت بتتخيل انه حيستقبلك بابتسامه اعرض من وجهه ويمكن يقعدك محله ويقولك شوف عمي المهم كفاءتك لا واسطة ولا ما يحزنون المهم انك زلمه وقد حالك وتبلش الأحلام وتلاقي حالك صرت مشتغل وخاطب ومتزوج ومخلف كمان كل هاد وأنت لسه ما توظفت بس انتا متفائل، وفجأة تروح تلاقي وحده مو مبين وجهها هو وجه ولا علبه بوية من كتر المكياج وشعرها منكوش على الموضة وتنورتها يا دوب شبر ونص والعلكة بتمها مترين وبلوزتها الله عليم كانت عندها من أول ابتدائي، بس برضو ضليت متفائل لأنو اكيد أنت إلي حتتوظف، وتفوت حضرتها للمدير قبلك وما تلاقي إلا صوت الضحكات معبي الشركة الله عليم كباريه مو هيك، وتطلع السكرتيرة وتقول شباب شكرا لجيتكم بس الوظيفة انشغلت، عادي لا تنصدم ما عليك خلي ابتسامتك بوجهك وقول لحالك شو يعني.

مواضيع مقترحة


المولود الوحيد الذي ولد داخل الكعبة!
مكتوب على المرايا مخصص للصبايا ـــ السيارات في الاردن
يوميّـات اتنين مخطـوبين .الجـزء الثـاني عشر والأخيـر
جبولها عريس
حب آيـه اللي أنتا جاي تقول علية(ارجو ما تزعلو شباب) حوار مفتوح للرد
مهندس تونسي يبتكر جهازا لتوحيد رؤية هلال رمضان