دخول

دائما بتشوف بنتين حاطين روسهم بروس بعض وبحكو ... شو بحكو البنات

البنات .. وما ادراك ما البنات ....
دائما بتشوف بنتين حاطين روسهم بروس بعض وبحكو ...

ايش بحكو ... خراف بنات

صار عندي فضول كبير أعرف شو هو خراف البنات اللي بشغلهم لاربع ساعات
بالجامعه .... وت وت وت وت .... ايش بتحكو .. والله خراف بنات

بالجلسات العائلية ... وحده واختها او سلفتها او مرت اخوها نازلين سواليف
وناسيين العالم حواليهم ... بتحسهم بدهم يحلو مشكلة الشرق الاوسط ...
عن ايش بتحكو يا صبايا ؟؟؟ م الك دخل خراف بنات ؟؟

هسا خراف البنات بيصير من وراه مشاكل كثير ... كيف ؟
دلال بتحكي لابتسام انها زعلانه من هيام لانه ما عزمتها ع خطبة اخوها ...

ابتسام بتحكي لرجاء انه دلال حكتلها انه هيام حقيره ليش ما عزمتها
رجاء بتنقل الخبر لهناء انه دلال بتحكي عن هيام حقيره وبدهاش صحبتها بعد اليوم
هناء بنيه صافيه بتحكي لسلام انه دلال حكت عن هيام انه
ابصر كيف جوزها طايقها هالمخلوقه الحقيره المنحطه اللي ما بتسوى شلن ...
وانه جوزها بلعب بذيله من وراها ....
سلام بتنقل الحكي لهيام ( الحقيره)) انه دلال شنعت فيها ...
هيام بدورها ما بتقصر ... بتمسك شل دلال من فوووووووق لتحت بتوصل لسابع جد الها

طبعا كل هذا الحديث يدور في اطار خراف بنات

عداك عن الفستان الاحمر مش لابق على سوزان السمرا
وسوسن طلعت زي الدبه بالفستان الاسود بعرس ابن ابو مهنا
وكوثر لابسه طوق من سنة جدتي ايام ما كانت الكازيه نشل ...
وهلم جرا ....

وهذا كله خراف بنات

النا الله بس .. اذا بليتم فاستتروا

منقول

بللا شو مو كل اصابعك واحد انا ما بعمل هيك انا بحكي امور اهم ما رح اقلكم شو هيه هه
بالله عليك هدا اللي طلع معك ؟؟ شو هالفضول ؟؟ طب انتو الشباب شو بتحكو ؟؟ اكيد عن البنت هاي وهديك..... ههههه

مواضيع مقترحة


اعرف الطيور من شكل رجليها!
الصادقون في عواطفهم .. لا يبالون بالمظاهر
موضوع مهم جدا
طنش تعش تنتعش
هذا هو الحب ! وهذا هو الاعجاب!
صور ترفيهيه هههه .. ما رح تندموو ادخلوو
استخدم التطبيق