دار مسنين

اوف هى هتفضل عندنا لحد امته مش ليها بيتها
عاوز ايه يا صلاح دى امى هقول لها امشى
انا مش عارف اخد راحتى فبيتى هى ليها بيتها محدش قلها تروح تديه لابنها وتفضل كل يومين تنط لنا
يااااه عليك اسلوبك وحش اوى يعنى لو دى والدتك هترضى انى اتكلم كدا عليها
بقلك ايه دا بيتى وانا عاوز ارتاح فيه وحاسس انها مقيدانى فبيتى
حاضر يا صلاح هقوم اطرد امى من البيت علشان تاخد راحتك
يابنتى بلاش تعملى مشاكل مع جوزك الى بيقوله حقه ومعاه حق انا ليا بيتى والمثل بيقول من خرج من دراه اتقل مقداره
ياماما انتى بتقولى ايه بس دا بيتى وانا حرة وانتى امى ليكى كل الحق عليا تعبتى علشانى وراعتينى يعنى لما ربنا يكرمنى بطفل لما يكبر هيعمل فيا دا استغفر الله العظيم يبقا مش عوزة ولاد يرمونى
يا بنتى محدش رمانى بس هى دى الحياة
هتفضلى مبوزة كدا
يووووة سبنى فحالى هى قالت هتروح عند اختك كام يوم ومقعدتش يومين على بعض انا نفسى نبقا لوحدنا
متنسيش ان دا بيتها
يعنى ايه كلامك دا بيتها ومش بيتى صح انا الى غلطانة انى وافقت اسكن مع والدتك ماما كان معها حق انى مش هحس انه بيتى ابدا خلاص خليه ليها تشبع بيه وانا هروح عند اهلى ولما تعمل لى بيت ابقا تعالى خدنى
اهدى بس استغفر الله ليه العصبية انا مش قصدى انه مش بيتك بس هو بيتكم انتم الاتنين ومينفعش لا اقولك امشى ولا اقول لها
يعنى حرام انى عاوزة البيت لينا لوحدنا علشان نقدر نبقا على راحتنا ومش خايفين حد يضايق
يا حبيبتى انا فهمتك على ظروفى وانتى وافقتى عليها
كنت فكراها هتسيب لنا البيت
تسيب لنا بيتها الى عاشت فيه عمرها كله وتروح فين
اى مكان ما دور المسنين مليه الدنيا وهى معاها معاش حلو يعيشها مرتاحة تروح تعيش فدار منهم على الاقل تلاقى حد من سنها تكلمه وتعيش وياه
انتى اتجننتى عوزانى ارمى امى فدار مسنين
يوووة مقلتش ترميها بس دا التصرف الصح لا اختك طاقت انها تعيش معاها اكتر من يومين ولا انا كمان شوف لك حل وزى ما قلت لك بيتى لوحدى يا كل واحد فينا يروح لحاله
ماما عندك يا ثناء
لا يا محمد من ساعة ما مشيت من عندى مجتش ليه فى حاجة اصلها من اول اليوم خرجت ولحد دلوقتى مرجعتش
ايه مرجعتش هتكون راحت فين
مش عارف مش عارف اومال بتصل اشوفها عندك ليه
انت زعلتها ولا ايه يا محمد
ابدا هزعلها ليه بس
طيب هتكون راحت فين
مش عارف وقلقان
ارتحتى اهى سابت لك البيت علشان يبقا بيتك
وانا مالى هوا نا طردتها هى الى مشيت براحتها
بس احترمى غيبتها انتى ايه مفيش عندك قلب لو والدتك هترضيلها انى اتصرف معاها بالشكل دا ترضى اقول انها متدخلش البيت هنا
ايه دا بيتى
اخرسى دا مش بيتك دا بيت امى ولحد ما امى ترجع تتفضلى تروحى بيت اهلك يا ترضى تعيشى وياها بما يرضى الله يا تخليكى فبيتكم
رايحة فين
همشى هسيب لك بيتك ترتاح فيه وتاخد كل راحتك واروح ادور على امى الى طردتها من بيت بنتها وشوف انت عاوز ايه واعمله والدتك بتيجى هنا كل يوم وتاخد راحتها وبشيلها على راسى لانها جزء منك وبحبها انما امى لا ازاى دايما مبوز فوشها ومكشر وتعلى فصوتك انا ماشية ادور عليها وربنا يهديك
ايه يا ثناء محدش دلك على حاجة
لا يا محمد انا خايفة اوى خلاص
يبقا لازم نروح نقدم بلاغ ونشوف يمكن ربنا يسهل وحد يدلنا على طريق ليها
مش معقول محدش عاررف راحت فين لا حد من خالاتى ولا اى انسان
السلام عليكم منزل استاذ محمد
ايوة انا محمد
معاكم دار راعاية المسنين
ايه مسنين هى والدتى عندكم
ايوة واتصلنا علشان نبلغكم انها مريضة جدا ولازم يكون حد منكم متواجد
ماما حبيبتى كدا يا امى تمشى وتسبينا
انا قلت اخليكم تعيشوا براحتكم ياولادى انا عشت حياتى وانتم كمان لازم تعيشوها
يا ماما ايه الكلام دا بيتك موجود ولازم تنوريه واحنا الى نمشى منه مش انتى يعنى بعد عمرك دا كله انتى ووالدى ربنا يرحمه نرميكى وفضلكم بعد ربنا علينا ننساه دا يبقا جحود مننا وانتى لما تسيبنا يبقا بتقولى علينا عاقين ليكى
لا يا بنى انتم ربنا يخليكم انما دى سنة الحياة
ياماما سنة الحياة مش اننا نرميكى فدار مسنين سنة الحياة اننا نشيلك فوق رسنا ونرد لك الجميل يلا انتى مش هتقعدى هنا ولا لحظة بعد كدا
نورتى بيتك يا امى
منور بيك يا حبيبى فين مراتك
عند اهلها يا امى
لا مش عند اهلى انا ماليش الا بيتى دا وماما لو كنت قلت كلمة تضايقها تسامحنى عليها وتعذرنى
تسلمى لى يا حبيبتى دا بيتك وانا ضيفة عندك
متقوليش كدا انا فعلا غلطت ومش هرضى ان اى حد يتصرف بالشكل دا مع امى وانتى امى
مش هتروحى يا ثناء
لا يا ماما هقعد معاكى يومين كمان
لا يا بنتى لازم ترجعى بيتك
ايوة يا ثناء ماما معاها حق يلا انا هوصلك
بس يا جماعة
مافيش بس
نورتى بيتك يا ثناء
شكرا يا صلاح
ازيك يا محمد وحمدلله على سلامة ماما
الله يسلمك مراتك اهى بسلمها ليك وبلاش تزعلها تانى
حاضر رغم انها الى زعلتنى تسيب لى البيت بردوا
مش هنتكلم فالى فات نبدأ من جديد يلا سلام
هتفضلى مكشرة
مصدعة عاوز حاجة
انااسف وانتى معاكى حق وبكرة هروح معاكى واطيب خاطر مامتك ولو حابة ناخدها معانا مافيش مانع دا بيتك وبيتك ترحبى فيه بالى تحبيه
بجد كلامك دا
طبعا انتى كان معاكى حق كل شىء فالدنيا ممكن نقبله الا اننا نجحد على اهلينا والى فات دا علمنى انه ممكن فيوم يحصلنا لما نبكر فحياتنا الام والاب دول نعمه لازم نحافظ عليها

لطفتى واقع غير ما كتبتى فالنسبة القليلة من تعرف قيمة الاباء انما الحياة الان قاسية وقلوب الابناء جاحدة ما اسهل ان يتنكرون لاسرهم  شكرا لك مشاعر

الله يسمح لنا من الوالدين

رائعة جدا جدا القصة يا ايمان قلمك الذهبي دائما يغني المنتدى بكلماته الذهبية تسلمي اختي على عطر تواجدك الرائع جدا جدا

الكثير قلوبهم قاسية سردي واقع بحياتنا شكرا حبيبتي

قصة ممتازة… متكاملة… حوار وقصة… وهدف ما شاء الله عليك يا ايمان كل مرة تبهرينا

جميل جدا ما كتبتى مونا بجد ماشاء الله عليكى