دوار عبدون وما ادراك

قصة حقيقية صارت معــي
الو هاي كييفك .. اسمع انا عال 9 بكون على باب بلوفيج ..

اوو طب رهيب ,اوكي و انا عال 9 بكون هناك ..

وانا و مواعيدي الدقيقة كنت هناك عال 9 ..

الو ولك وينك انا صرت هناك ..

يييي سوري اسمع رح اظطر اتأخر عليك شوي ..

قديش يعني شوي ؟؟

يعني شي نص ساعة ..

ابااااااااااااااااي .. شو بدي اساوي بهال 3 ساعات اللي رح استناهم

طبعاً الدنيا كانت شوب ( اول مرّة بتشوّب بالصيف ).. و العالم رايحة جاي زي النمل .. و انا قلت ما الي اللا ارخي داني عالآخر . و اتسلى عالرايحين و الجايين.. و اسمع اغاني ابو التويوتا .. اللي نازل يلفلف من قدامي..


.. هي صيده .. بنتين طقع ماشين

: يي ما ابرد وجهوا قرفني و هو بيحكي..
: اه كان هوه ولا التاني زيد .. بتعرفي انا عمري مش تالعة معاهم مره تانيه..
: لاولك حرام زيد لزليز ..

زيد زيد و ركضت لعنده عالمرسيدس الكشف ( و انا بقووول ليش لزيز ).. زيد اعتيني سي دي (بوند) يا يا ..

و ابو التويوتا بلفلف..

ايوااااااااااا في موضوع اهم

: ولك ايش ريحتك اليوم
: ( تو وان تو )
: عنشد عنشد رهيبه ..
: أه حبيبتي انا اسلاً بعرفش اتلع من البيت ازا مش حاتت ريحة ( ولك يرحم غنماتو جدك )

و ابو التويوتا لساته بلف ..

: ولك حازم شو بتسوي هون ؟؟!!
: طارق!! .. ولك والله زمان عنك ..(طارق صاحبي الي سنتين و نص مش شايفه ) مواح مواح مممممممواح
: شو حازم كيف سيارتك !!! ( ولك قلي كيف حالك)
: والله هيها عايشه ( انتا كيفك ) ؟؟
: والله انا بعت البي ام و هلأ بدي اجيب امبريزا ..
: طيب طارق خلينا نشوفك ( احلق لأرفشك )..
: اوكي سيا مان.. ( جرافه مان تسحبك)

و ابو التويوتا .. برضو بلفلف ..

طا طا طا طااااااااااا ..
بي ام دبليوا 740 موديل السنة .. نمرتها عراقيه .. واحد قد الحيط نزل منها .. يا ارض اشتدي ما حدا قدي .. خطوة خطوتين رصيف دج طح و يتعرقل.



و ابو التويوتا وقف شوي .. و قعد يضحك .. و راح يكمل لفلفه ..


دم دم دم.. شبين اللهم لا حسد ..
: يا زلمه شو هاظ كل المحلات (كوبلز اونلي )
: يا زلمة و عرظ اختي اشي بنرفز ..
: يعني مبين علينا مش خرج مشاكل ( آه كثير واظح )

و ابو التويوتا صار يسلم عليّ قد ما لفلف ..

انا قرفت .. لأ لأ هي بنتين شقف ..

: يي ما دل حدا ما سألني من وين جايبيتوا هالبنتلون ..
: اه هو سحيح من وين جبتيه انتي
: ولك من زارا منتي كنتي معي ..
: ييي هادا هوه !!! ( شو هوه ؟؟ )

و ينك يا بو التويوتا .. اه هيو اجا ..


الو ..ولك مشان القرود وين صرتي هلأ؟؟؟

يي اسمع اسمع تعاللي على سيفوي المطار ..

و اخيرا !! طيب هيني جاي ..

شغل امشي ..

انزل اطلع ..

قربت عالأشارة ..


واللا ابو التويوتا .. يقطعها حمرا !!!

سارقها مش عارف من مين هي القصة

اسمع,,,,,,,,,,,,,, قصتك من الاخر.