دوللي شاهين: لا أحد يستطيع رؤية الأندروير بتاعي

اشعلت دوللى شاهين النار بعد ان هاجمت نبيه الوحش المحامى بضراوة ، ودافعت عن نفسها مثل قطة شرسة بأظافر ، بعد ان اتهمها منير الوحش ( المحامى الشهير برفع قضايا كثيرة على الفنانات ) بأنها ارتكبت افعال فاضحة فى حفل بمدرسة ابتدائية خاصة ، ووصل الامر الى حد ان يذكر الوحش ان ملابسها كانت فاضحة لدرجة أن الاندر وير الخاص بالمطربة كان ظاهر للمتفرجين !!!
اتصلت دوللى شاهين ببرنامج 90 دقيقة وقالت الآتى :
أفتكر إنى غصب عنه حد محترم ،وولا هو ولا غيره يقدر يشوف الاندر وير بتاعى ....ازاى يقدر يسمح لنفسه إنه يكذب ويقول كلام ماحصلش ؟
هو شكله معتمد على المجلات الصفرا واخباره هناك دايماً ، وليس عنده معلومات وهو لم ير اى شئ بعينه ..
وهو أنا طلعت اغنى ضد الدين علشان يقول انى باهز ثوابت الاسلام ولا بازدرى الاديان ؟ واضح انه بيعمل لنفسه دعاية وبيتكلم عن حفلة نظمها طلبة محترمين ، والحفلة اتعملت وما اتلغتش زى ماقال ،وكان على رأس الحاضرين عميد المدرسة ،والصور اللى بيقول ان الاولاد ظاهرين فيها وبيتحرشوا بيا ده كلام فارغ ماحصلش ...

بينما قال نجيب جبرائيل نائب رئيس مجلس امناء مدرسة كوليدج دي لاسال : المحامى لم يقدم دليل او مستند او صورة تفيد او تثبت هذه الادعاءات التى اساءت الى سمعة المدرسة ، ولهذا تقدمنا ببلاغ الى النائب العام ضد نبيه الوحش الذى تعود رفع مثل هذه القضايا وواضح انه مش لاقى قضية يرفعها ..

الأحد, 26 ابريل, 2009 10:58