رايح على مكة مول

في يوم ماطر .. كان سوما ودودو قاعدين في أحد الكوفي شوبات في مكةمول .. بأرجلو وكل بنات الكوفي شوب بغمزولهم وبسبلو عيونهم ( قلة ادب .. مش مربين).
اتصلوا بنسيم .. وقالوا له ييجي ( وكان برغدان ) .. وما صدق على الله حدا يعبره، ركب الباص واجا
المهم هداك اليوم كان ممنوع دخول الشباب عالمول ..يعني الدخول بس للعائلات (( والواصلين زيهم ))، اجا نسيم بدو يدخل والسكيوريتي يمسكه :-
السكيوريتي : وين رايح ؟ اليوم عائلات.
نسيم : بدي ادخل أأرجل. (يعني يشرب أرجيلة).
السكيورتي : بالله علييييييك ! .. روح من هون بلاش ما أمزعك كف .

نسيم هون سحب حاله بالعقل وحكا معهم تلفون، رن على دودو .. دودو طنشه، رن على سوما .. اول مرة طنشه ... تاني مرة طنشه .. تالت مره طنشه .. رابع مرة رد عليه.

نسيم : ألوووه ... مش راضيين يدخلوني .
سوما: مين الكلب الي مش راضي يدخلك؟؟ (( بعصبية مصطنعه ))
نسيم : السيكوريتي .. وهيو جنبي
سوما : هاتو احكي معو
( نسيم يُعطي الموبايل للسكيوريتي )
سوما : الو يا حيوان .. دخّل الشب .

طووط طووط طوووط ( سوما سكّر الخط بوجه السيكيوريتي ).

السكيوريتي عيونه كبرو .. وطلع منهم نار.. الدخنة طلعت من راسه ..الموبايل داب بأيده ..وصار حجم السكيورتي اكبر بــ 4 أضعاف من حجمه الاصلي.. ومسك نسيم من رقبته.. ونزل فيه خبط .. نزل فيه خبط
ونزل فيه بوكسات .. نزل فيه بوكساااات، ومسكه ورماه عالارض ونط عليه وثبّتو ، وأجو باقي رجال السكيوريتي بدال ما يدافعوا عن نسيم .. صارو يعدّو للثلاثة (( زي المصارعه )) ، واحد .. تنييييين .. تلاااااته.

نسيم صار ينادي يا شرطة يا شرطة ..واجولك 5 شرطة (( حامد , سويلم , عوّاد , هزاع وجبر )) ..
ويمسكولك نسيم وينزلولك فيه خبط وقتل .... من غير ما يعرفو ايش في .. وقيّدوه ورموه بالسيارة ..
وهاد يوم وهداك يوم .. ونسيم ما شفناه.

(ويقال وعلى ذمة الراوي انه الان في غوانتنامو .. وفي رواية اخرى أنه في مقاطعة نفيناهو).

ولكن وصلتنا مؤخراً أنباء تفيد بأنه يتدرب في كازية بنزين استعداداً للانتقام من أعز أصدقائه: سوما و دودو.
المفروض المولات دايما يكونو للعائلات زهئونا الشباب
ه تسلم حلوة كثييييييير
حلو كتيييييير بحب النهفات الاردنية .. مشكور
تسلم حلوة كتير بما انك عبق الجنان بتحبي النهفات الاردنية هاد بيدل انك مو من الاردن يعني انتي من وين عشان نصير نجيب نهفات عليكم ..
ههههه يالله مشان يحرمو الشباب يفوتو مكة مول وغيرهم ههه عجبتني كتيييير
ان صرة واصلك بخبطك زيهم عاملي حالك زعرنجي
هههههه تحشيش عن جد هالأدة بعملو بالشباب عشان يدخلوهم عالمول الله يعينكم ...شو بدهم بهالمرمطة
ايش ؟؟؟؟؟؟؟ مالك انت يا اخ مضحك كتير
المفروض المولات دايما يكونو للعائلات زهئونا الشباب

انا نفسي اعرف انتي ليش شايفة حالك وماخدة بحالك مقلب تانيا اصلا مكة مول صار يسمو نور مول عشان كل الاردن فيها كبار وصغار وما في هدء بالمرة وتالتا مشكور توب ع الاسفين من الاخر
ه بجد فدو نهفة هههههه
عنجد انا مش شايف حالي انا كمان حابيب اتعرف عليكوم والله انا من فلسطين
حلوة
هو حلو بسص زنخ بنفس الوقت
حريقة طقع عجبتني كتير

مواضيع مقترحة


طرائف اللغة العربية
تحشيشششش
الطلاق المبكر من اسبابه الخلفي
لعبة جديدة ... ماهي أمنيتك ؟
أمنيات أردني
هل دمعة الشخص أمام الأخرين تقلل من شخصيته؟