زي صاحبنا ابو سمره

كنا نحضر مسلسل كرتون واحنا صغار اسمه ( مخلص صديق الحيوان ) في حلقه من هاد الكرتون مستحيل انساها كانت عن (الحصان الاسود) قصة الحلقه : حصان اسود حر اصيل كل الصيادين عملو المستحيل عشان يروضوه وما قدرو عشان الحصان الاسود الله يخليلو شبابه كان سريع زي البرق ومافي ولا حصان او بغل بقدر يلحقو ولا حد قدر يركب على ضهرو وكان يقدر ينط من جبل لجبل ( العين تحرسه ) وكان يضل داير على حل شعرو بالصحرى ومبسوط وفايع لحاله وحر طليق مافي اشي رابطه.
الصيادين حاولوا بكل الاساليب يمسكوه ما قدرو غير بأسلوب واحد جابولو حصانه ( فرس) بس حصانه شقفه بتجنن ولونها بيج وعليها عيون واسعات!!! حصانه واقفه صح !!! صاحبنا الحصان الاسود شاف هالشوفه وخف عقله وراح بده يزبط الحصانه ( الفرس ) ألا طلعت مقلب وكان فخ من الصيادين وقدرو يمسكوه ومش بس هيك حطو الحديد في رجليه عشان ما يقدر يتحرك.
الحصان الاسود لما حس بهاد الذل صار يمشي مع الصيادين وشاف الحصانه (الفرس) وصار يقول في عقله : ملعون ابوكي كله من تحت راسك كنت مرتاح انتي الي دمرتيني وخليتي زي هلأشكال ( قصده على الصيادين ) تذلني وتركب على ظهري!!!
الحصان الاسود ما قدر يصبر على هاد الذل لأنه مش متعود فلما شاف وادي صار يركض لجهة الوادي ورجليه مربطين بالحديد وراح نط !!!! وانتحر !!!!
يا شباب حلو الواحد تكون في انسانه في حياته تحبه وتخاف عليه وتهتم بكل اشي بحياته ( طبعا بطريق مشروعه) ويتجوزو ويخلفو صبيان وبنات ويعيشو حياة (العائله السعيده) لكن اذا كانت هاي الانسانه راح ادمر حياتي وتخلي الناس تذلني وتركب ظهري فبلاش منها بالمره !!
اذا كانت في انسانه في حياتك وقف مع نفسك دقيقه وحاسب نفسك وشوف هاي ( الحصانه ) بتقدمك خطوه لقدام ولا بترجعك خمسين خطوه للورا ؟؟؟؟ فقط دقيقه اقعد مع نفسك دقيقه وحده وفكر بعقلك مش بقلبك وبكل صراحه وما تخدع نفسك .
وياما شفنا شباب ضيعو حياتهم وادمر مستقبلهم عشان اختارو ( حصانه) غلط وكانت نهايتهم زي صاحبنا ابو سمره (الحصان الاسود)
حبيبي ابو حميد// وليد//

مواضيع مقترحة


المراحيض ..هدية بريطانيا للعالم الثالث في عيد الميلاد
واحد اهبل
الموقع الجغرافي لموقع دي ون جي
وين كنت امس الساعهــــــ؟
حقائق ولكن
العلاج الصحيح لحب الشباب