دخول

سهرة تـ حشيش من الاخر!

حكيت مع أصحابي زيد وعامر واحمد ومحمد وخبرتهم إني عازمهم بالليل على قعدة تحشيش عندي في البيت وخبرتهم إني اشتريت حشيش معتبر عشان نسهر سهرة مزاج وبالفعل في المسا اجو أصحابي عندي وقعدتهم في غرفتي على الأرض وطلعت عشان أجيب الحشيش وبعد دقيقة دخلت على أصحابي وأنا معي الحشيش سدر كبير مليان خس وجرجير وبقدونس وضلينا ناكل حشيش لما صار الواحد يمائي زي الخروف !!!

انتشرت في الفترة الأخيرة بصورة كبيرة جلسات المخدرات والحشيش مش الحشيش الخس والجرجير والبقدونس لكن الحشيش المخدرات وحبوب الصليبا وأنواع كثيرة بين الشباب. أنا بعرف ان كل ممنوع مرغوب لكن إذا كان الممنوع هاد راح يدمر حياتي فبلاش من هاي الرغبة نهائي: هل يوجد عاقل في الدنيا ببيع حياته ومستقبله عشان انبساط مدة ساعه !!!؟؟

والمصيبه الاكبر انه جميع الافلام العربيه الحديثه لازم يكون بطل الفلم قاعد بشرب حشيش مع اصحابه وطبعا بكون سكران عشان حبيبته تركته وحبت شب ثاني من الشباب الي بحملو الموبايل ابو كميرا !!!! وطبعا بيظهر مشهد القعده على انه رائع و حل للنكد والدمار الي بمر فيه بطل الفلم !!!

التقيت مع شاب مدمن على الإبر وحكالي انه أصحابه هم السبب. لكن السبب الحقيقي هو نفسه مش أصحابه. عشان أصحابك مدمنين تصير مثلهم؟؟ طيب ليش مش العكس.. أنت غير مدمن إذا ليش ما هم يبطلوا مدمنين؟؟ لكن هاد ضعف في الشخصية فيحاول يملي هاد الضعف بالمخدرات!!

يا شباب, المخدرات ما بتحل مشاكل, هي بتوهمكم انكم مبسوطين لكن لما يروح مفعولها, بتكتشفوا ان المشاكل بدل ما تنحل, زادت وكبرت, وفوق هدا كله, صار في مشكلة أكبر وهي تدبير ثمن المخدرات اللي تورطتوا فيها ولازم تدبروها بأي طريقة وثمن.. وكم سمعنا عن شباب زي الورد مدوا ايديهم على ذهب امهم وتحويشه عمر ابوهم عشان قعدة حشيش او انبساط ومزاج لساعات معدوده

اتقوا الله في صحتكم وأسرتكم ومالكم واتجهوا لحل مشاكلكم بطرق واقعية بتجيب نتيجة حتى ولو بعد حين
الله يحميكم ويحمينا من كل مكروه

تمت سرقة هذا الموضوع بجدارة بس محمود مايزعل مني /وليد

مواضيع مقترحة


حرامي ابن حلال
اكتب شيء تفتقده في حياتك؟
من أروع القصص الحقيقية
مـــن أجــمــل الأقــــوال
عبارات ومعاني
انا متزوجة بس انا وزوجي زي المخطوبين
استخدم التطبيق