دخول

ظاهرة معاكسة البنات ( التطقيس)

عزيزي القارئ نجد انه هذه الظاهرة منتشرة في الاردن ولا سيما من الاعمار التي تتراوح من 15 -20 سنة

ومن ملامح هذه الظاهرة

تجد الشباب مرمين هند مدارس البنات وطبعا اكيد بكون الشب مع شلة من صحابه وبالعادة بكونوا واقفين تحت شجرة او على رصيف بجنب عمارة بالظل عشان الشمس عشان كريم الشعر ما يسيح ولأنو طبيعة البشرة ما بتتحمل او على باب سوبر ماركت .........الخ

ولما يكون الشب طالب مدرسة بكون مهيئ نفسه للتطقيس وذلك يتطلب عدة خطوات وهي :-

· تجهيز نفسه صباحا بوضع الجل نوع بيل او كريم الشعر نوع برل كريم و وضع باقي العلية في الشنطة لأنو يمكن يكون غليهم حصة رياضة

· لبس بنطلون جينز تحت زي المدرسة

· وغالبا بكون شاحد اللبسة من صاحبه عشان تشوف حبيبة القلب

· طبعا طول الطريق بكون ماسك الموبايل اللي ماخذه من امه او لاخوه الكبير او لابوه المهم مش اله و80% منهم بلعب بالنغمات 15% منهم بعمل حالوه بحكي تلفون عاد بيكون بحكي مع موظف خدمات المشتركين و5% مركب سمعات الاذن وبسمع راديو

· كتابة 20 – 30 كرت مكتوب عليه رقم تلفونه وغالبا بكون راسم قلب حب ووعليه سهم اول حرف من اسمه والجة التانية علامة سؤال

· وغالبا بتلاقي معظمهم فايعين بتكسي وبكون معلي صوت المسجل عالأخرواللي وضعو منيح بكون سارق سيارة ابوه ومركب معه 5 شباب (صحابه) وبلم من كل واحد ربع ليرة ا حسب ما يتةوفر معهم عشان يعبي بنزين

ومن الايام التي تكثر بها هذه الظاهرة يوم الفالنتين وبتلاقيهم كل واحد لابس احمر من الجرابين لحد الطاقية وكل واحد حامل وردة حمرة

ومن الكلامات التي يستعملها اللي بطقس

· ايش يا زوؤ شو هالكسم زي دفتر الرسم

· ايش يا تئيل عبرنا

· واذا كان اسمه محمد وساكن في الاخضر غلى سبيل المثال بعرف على حاله هاي كيفيك انا حموده احلى شب بالاخضر واصغر واحد باخواني واكتر واحد بوخد مصروف طبعا نغاشة عشان تضحك حبيبة القلب

وطبعا من صور هذه الظاهرة انك تلاقي الشب معه ولد صغير او بنت صغيرة بتكون يا اخته الصغيرة او بنت اخته واحيانا بنت الجيران عشان يلفت النظر من الجنس اللطيف وعشان يسمع كم كلمة من البنات مثل :-

· ياي ما ازكاها بتعئد

· يا الله شوفو البنت الصغيرة ما احلها اكيد طالعة لأخوها

وطبعا من المخاطر اللتي تواجه المطقسين

1- دوريات الشرطة

2- ابوه

3- ابو البنت او واحد من اخوانها

4- او شيخ ساكن جنب بيتهم

ومن ايجابيات الموضوع انو الشباب بصيرو يتحمامو في اليوم مرتين وقص شعر مرتين بالاسبوع ورش العطر 3 مرات باليوم اضعف الايمان

ومن السلبيات انو بذوب البوت من كثر ما بروح بيجي على مدرسة البنات وكثرة التدخين في حالة انو بنت تنكسوا وذلك بأنها اتف بنص وجهه او تغلط عليه

اللهم اهدي شباب المسلمين واحفظهم برعايتك يا ارحم الراحمين…شو بدنا نحكي يعني ؟

هدول الشباب الدواوين الي بيعملوا هيك!!!
امين

مواضيع مقترحة


غرائب ليله الدخله حول العالم
لوكنت ممحاه ماذا ستمحي ؟؟؟
تعرف اكثر على شباب الشات
طفران وحابب تسهر ؟؟؟!( لا تفوتكوا
نشوف مين ابخل واحد فيكم
جاملني اجاملك ... صارحني احتقرررك
استخدم التطبيق