عزيزى الانسان انت حمار

(برجاء قراءة هذه الكلمات للنهاية ما تسألوش ليه لانى مش عارف بس اسمعوا كلامى وبجد والله مش هاتندموا)

عزيزى الانسان انت حمار

أيوا أيوا حمار (مش حمار يعنى .. وانما تلك الصفة التى تساوى الغباء والجهل التى نطلق عليها حمار) .. ليه حمار ؟! علشان ربنا إدانا كل حاجة .. كل حاجة ..إدانا القدرة على الحركة (مش زى الشجر) وإدانا القدرة على التفكير وعلى التحليل وعلى الاستنباط ...على التوقع إدانا القدرة على التغير إدانا القدرة على الابتكار ..

وبعدين ادانا القدرة على الابداع عالفن وعلى المزيكا وعلى النحت والرسمومش كدة وبس
، كمان خلانا نقدر نضحك .. نستمتع ..نفرح .. نتعاطف مع بعض .. نتحد .. نحب .. نتمنى .. حلو كل ده (أحنا طبعا متفقين ان كل دول ولا حتى ربع اللى ربنا اداهولنا ..ههه)

وبعدين بقى ادانا حتة أرض نعيش عليها ، حتة كوكب ..ايه ده ؟ ايه العظمة دى !

تقريبا معندهاش عيوب تذكر (وحتى العيوب ، لها أسباب مهمة جدا أى حد يقدر يكتشفها بسهولة) فالعيوب مثلا ان مش كل الارض واصلة ببعضها وان المية اكتر من الارض وان فيها صحراء كتير ..فيها زلازل وبراكين وتسونامى واعاصير . واهم عيب بقى ، ان فى حدود للى تقدر تستحمله مننا الارض . لما تكسر الحدود هاتزعلك وهى تعرف ازاى تزعلك . على فكرة رغم كل ده بردو انا شايف انها مش عيوب بس نمشيها عيوب .

ندخل على المميزات بقى ..

أنواع مناخ كتير مختلفة عن بعضها ..

أنواع معينة من الزرع لكل مناخ ..

موارد بالهبل ، حديد وفضة وخشب ودهب ونحاس وإزاز وسمك وجلد وفرو ولحمة وبيض ولبن ومية حلوة كتير جدا .

فى حواى 2000 نوع من الفاكهة على الارض ! ياجماعة ربنا خلقلنا صمغ بيطلع من الشجر ! وخلق لينل لوفة وأسفنج علشان نستحمى ! خلق لينا نحل بيطلع عسل حسب النحل اللى مطلعه كان بياكل ايه بيبقى ليه فوايد مختلفة .

ان تعدوا نعمة الله لا تحصوها .. صحيح .. فأنا مش ها أقعد أعدهم ، أدخل فى الموضوع بقى علشان مش ده الموضوع . الموضوع اسمه عزيزى البنى آدم انت حمار فاكرين ؟

حمار علشان بدل ما يخد كل ده ويعمل بيه جنة ، عمل العالم القبيح الفاسد اللى احنا عايشين فيه ده .. عالم اكتر من نص سكانه مش لاقين ياكلوا ، والباقى بيحاولوا يتصرفوا ، وشوية ضغيرين جدا كروشهم مليانة .

عمل الانسان على الارض عالم ما ينفعش من غير بوليس .. عمل عالم الحيوانات فيه أشرف من أغلب البشر .. (احكولى قصة واحدة تعرفوها عن كلب خان صاحبه . بلاش كلب حتى ، أى حاجة تانية إحكولى عن أى كائن حى غيرنا عمره خان حد . دوروا فى كل فصائل الحيوانات على الارض على كل كائن أبناء نفس العيلة ، نفس العشيرة أو نفس القبيلة حتى ، قتل الزعيم علشان يبقى هو زعيم . ورونى حيوان طاغية ، ورونى سمكة مستبدة ، ورونى أسد ولا فيل ولاحوت ديكتاتور .... مفيش ، فى احنا بس) إحنا أسياد الارض ، احنا اللى ربنا سخرها لنا . احنا ربنا كرمنا على كل حاجة وقال لقد كرمنا بنى ادم .. إحنا أسوأ ما على الارض ، أذكى كائن فى الدنيا هو أكبر عدو لنفسه .. الكائن الوحيد المبدع هو اللى قتل من جنسه ، وأول واحد قال الارض مدورة يا أغبياء صحيح عمل البنى ادم إنجازات كتير جدا عبر تاريخه ، بس دى ما تتحسبش للبنى آدم . بتتحسب لأصحابها بس ... بقية الناس لا مش بتتحسب ليهم

وعلشان تعرفوا ايه اللى اتسبب فى الكلام المحبط ده فى شكله المشجع فى مضمونه قوموا بصوا من الشباك هاتلاقوا احتباس حرارى البنى ادم اللى عامله بيخلى البرد ابرد والحر احر

ده حتى بطل يعرف يبقى صادق

وسعات بجد بيبقى غبى

اقولكم حاجة

بطل كمان يحب بجد حتى الحب مش بيعرف يحبه بقى غبى جدا فى الحب وكمان بيكدب فى الحب

لا وكمان المهم بقى مصلحته ومالوش دعوة بحد لو حتى يولع او يتحرق المهم هو .

بقينا ماشيين بمبدا نفسى ثم نفسى ثم نفسى ..... ثم الاخرين لو افتكرناهم

بجد غبى

طـظ فينا على فكرة

اخوكم كاجوو

والله معك حق يا كاجو بدل ما نشكر ربنا على النعم اللي دهالنا عمالين نفسد في الدنيا رينا يهدينا … مرسي ليك

هه يخرب عقلك يا كاجوووووووووو بس فعلا كلامك صح كل شخص دلوقتى بيفكر فى المصلحه ولو مفيش يبقى مينفعنيش هههههه بجد والله كلامك سليم …

شكرا لمروركم منى — بريميولا … بس بجد ده اللى احنا عايشينه دلوقتى

حرام عليك يا كاجو … انت كدا ظلمت الحمار معنا … الحمار بيعمل اللي عليه رايح جاي من شغله لبيته ولا عمره حود كده ولا كده ولا اخد حاجه مش بتعتوا بيرضي باللي تقدمه له ولا عمره خان ولا غدر ولا وجع حد … مش تبقي ظلمته معنا … المادة لما بتحكم الانسان كل معني بيتغير جوانا صدق حب الحياة كلها تتغير كل معني معنوي بيختفي مع ظهورها … شكرا كاجو

الحمار ماشاء الله ما في منه.طلع احسن منا

وأنت تعلم أنك محاسب فتغفل



عندما تدرك أنك أخطأت الطريق …



وقد مضى الكثير من العمر/// تحياتى عبدو يسلم فمك /// سوزى




كن في الدنيا كأنك غريب او عابر سبيل … رسولنا الكريم قال مثلي في هذه الدنيا كمثل عابر سبيل استظل بشجارة فنام تحتها فلما استيقظ تركها و رحل عنها … سميت الدنيا دنيا لانها ادنى شيء و قد قال رسولنا ايضا لو ان الدنيا تساوي عند الله جناح بعوضه لما سقى منها كافر شربة ماء … انظر قول نبينا و تدبره يا عم بخ قال : الدنيا ملعونة ملعون ما فيها الا ذكر الله … نعم عش في الدنيا راحل عنها تحصد مرضاة الله بالكلمة الحسنى و بالعمل الصالح لا تظلم أحدا واتق الله كما قال رسولنا للاعرابي قل لا اله الا الله ثم استقم و الاستقامة من التقوى و التقوى باتباع ما جاء به حبيبنا محمد صلى الله عليه وسلم قال تعالى (وان تطيعوه تهتدوا و ما على الرسول الا البلاغ المبين ) … والله المستعان … اما موضوع الحمار فقد ضرب الله فيه مثلا و بغيره من الانعام اذا فلا يجب ان نقف عند هذه التعبيرات …شكرا للموضوع أجبرني على الرد

هه كلامك 100100 يا كاجو عندك حق سكرا لموضوعك

يا كاجو ده الحمار دلوقتى ليه سعر والناس بتاكله شوف كيلو الحمار كان بيتباع بكام … ده احنا مليووووووووون طظ فينا

يا جنتل الملافظ سعد

حمار ايه بس

شكرا على موضوعك

نعم منحنا الله الكثير من المزايا التي بها فضلنا على الكثير من المخلوقات لذلك ينبغي أن نوظفها في إصلاح المجتمع و علينا أيضا أن نتبع ديننا الحنيف الذي أنزله الله رحمة لنا و للعالمين

ها ها هاااااااااااااي حتى الحمار احسن وافضل منا ايش المهزله هادي على قولة سعد الضغير : بحبك يا حمار يا للأسف قديش نطق هادي الكلمة كان صعب على لساني بس يلا اهو اطلع احسن منا وشكرا كاجو