دخول

في اشي اسمه صداقة، ولا كلها مصالح متبادله؟

كثير بسأل حالي شو ممكن الواحد يجبره انو يخون صاحبه ويغدر فيه؟ هل هن البنات ولا المصاري والمخدرات، ولا كذبه ممكن يكذبها واحد ويدمر صحبة دامت سنين، والمفترض انها تدود وتدوم وتدوم

على كل حال قصه هزتني وخلتني اوقف افكر كثير بكل اللي بعتبرهم اصدقائي، شب صديقي كان بعرف شب ثاني، وهو صحبه معه من خمسة عشر سنة، يعني بالنسبه اله هو صديق الطفوله، الشب هداك رن عصاحبي مره وحكاله في شحنة خلويات، وممكن نستفيد من هاي الشحنة بتجاره أنا وياك، بدي منك 1000 دينار، وانا بحط الف وبنتاجر، صاحبي عشانه بيثق بالشب وافق، وأعطى الشب المصاري تاني يوم، الغريب إنو الشب صار بعد هيك يوعد صاحبي ويحكيله اليوم وبكره ببيع الخلويات، وبعد فترة حكى لصاحبي انه باع الخلويات والمصاري موجودين عند دار اخته، بس دار اخته نزلوا على العقبه، وبدهم يومين ليرجعوا وخلصوا اليومين، وبعدين صار يقول انه امخبي المصاري عنده في البيت، لكن اخوه مدمن مخدرات، وسرق المصاري وصرفهم، وصاحبي عشان قلبه طيب وبحكم الصداقه اللي بينهم صدق القصة.

لكن شاءت حكمة ربنا أنو صاحبي يعرف عن طريق الصدفة إنو كل قصة الخلويات هي فيلم عشان صاحبه ياخد مبلغ 1000 دينار، وانه اخته لاهي متزوجة ولا اشي، واخوه شب محترم ولا ماخد المصاري ولا مدمن ولا اشي، بالعكس هو بصرف على اخوه، وبعد السؤال تبين انوالفيلم كالتالي: الشب صديق صاحبي طلع مدمن على المسكرات واحتاج مبلغ 100 دينار، فتداين من اول صاحب اله ،على اساس انه هناك تجاره وراح يرجعهم 200 بعد اسبوع، وبعد ما تورط وزاد الحاح الشب على المصاري، وطلبه للمبلغ مع الارباح، اضطر انه يتداين من صديق اخر عشان يسد الصديق الاول، وتداين 200 دينار على اساس نفس الكذبة، انه هناك تجاره وانه حيرجع الـ200 دينار 300 دينار، وهكذا لف على كل الاصحاب وهودخل هاي الدوامة وماعرف يطلع منها، وتبين فيما بعد انه عليه ديون 3000 دينار بالإضافه الى الارباح الوهمية، اللي اوهم اصحابه فيها، عشان ياخد منهم هاي المبالغ، يعني الدوامة ابتدأت بـ100 دينار عشان شراء مسكرات، وطبعا كان كل مبلغ يوقع في ايده يصرفو على الصياعة وبنات الليل، وبطاقات الشحن، والمسكرات، وكانت نهايته انه خسر جميع اصدقاؤه حتى الاهل، وبما انه امه وابوه متوفيين ماكان حد يقدر يتحمله غير اخوه الكبير!

وبنرجع للقصه مع صديقي وكلمته اللي ضلت ترن في داني، لما حكالي يا صاحبي بدي اسألك سؤال: هل فعلا في اشي اسمه صداقة، ولا كلها مصالح متبادله؟ !!!!

منقول / وليد

اكيد في صداقة

مواضيع مقترحة


ماذا تفعل عندما تقف وجها لوجه أمام شخص دمر جزء كبير من حياتك؟
من اي شجره انت؟؟
قصه من قرءها له 240 حسنه
بدء محاكمة الضابط وأمين الشرطة المتهمين بتعذيب «عماد الكبير»
حــيــن يــمــوت الـــضـمـيـر
هكذا تتحطـــــــــــــم القلوب..!
استخدم التطبيق