دخول

قاموس أردني ــ اردني

فكح : ومعناه مزط او هرب

تلولحي يا دالية : تقال للشخص النحيف جدا وبترخرخ لدرجة الهبل

حيد عن الراس وإذرب : بلهجة اهل اربد والمعنى وفي مقوله اخرى حيد عن الراس واذر ، وتقال في الطوش او الخناقات.( انه يعني ما تعمل عمل كبير تندم عليه) ولكان حاول توجع بشكل غير مباشر
يعني لا تضرب واحد على راسه تنبلي فيه

إحفظ هالّلطش : يقولها من أدى خدمة لحدا ومحملوا جميلة عليها

طقع - بكسر القاف : يقال انها كلمة دخيلة وأصبحت متداولة ومنشؤها الزرقا(مجمع الباصات ) وبالأخص
من شوفيرية السرافيس الكوستر وتعني اشي روعة ومنيح جثير

فايـع/ فايـعة : وتقال للبنت والولد اللي ماشيين عل الموظة أو على حل شعرهم أو شايفين حالهم -
للتوضيح يعني من مناطق عمان الغربية وبالأخص عبدون وأخواتها

هاك : يعني خذ او القف.. بس من غير نفس

بتتخوث يا ملوّث : تقال لمن يحاول أن يخفف دمه وبتهبّل وهو فيش أزنخ من دمّو

يلعن روما : مسبة قاسية جدا تقال عند الغضب


مشرّت - بكسر الرا وفتح الشين : تقال عادة للظاربة فيوزاته او ولا حبة

مطنجر : يقال انها من اصل طنجرة وتقال للشخص اللي مثل اللوح ومش عارف إشي

الشنتير : تقال للشخص اللي حجمه كبير وعالفاظي

فستق فاظي : تقال للشخص اللي بحكي كتير وما بعمل اشي

سحنة : معناها ملامح وجه الواحد ... ويا محلا هالسحن

يسنحك : معذرة ...... ما زال البحث جاري عن معناها

كزدر : تعال نتمشى وتستعمل في المناطق الأقل حظا

منغنغ- الله يطعمنا : معناها معاه فلوس كثيرة وجيبته مليانة مصاري

ماكل متبل وبتهبل
هذا وما زال البحث جاريا عن العديد من المصلحات الاخرى

منقول

كتكوت لطشها من هادا القاموس ونزلها موضوع
هاي منغنغ اول مرة بسمعها و مطنجر هههههه و الله طلعت المصطلحات الاردنية بضحك
العنوان أحلى شي اردني- اردني و الموضوع طقع
ليش هيك الخط بحوووووووول عمل خير كتكوت........

مواضيع مقترحة


موضة الاهداء
انواع الاحساس
اصنام محركه وتلبس ثياب
رقصه للعرسان!
المرأة تخطب الرجل وإذا رفض يدفع غرامة قدرها مع السنة والأشهر والأسبوع
اتحدى الجميع ((قطعة ترجمة)) و لا حتى الخواجة يقدر عليها
استخدم التطبيق