كلمات لا تستعمل الا في الاردن

كلمات لا تستعمل الا في الاردن
فكح : ومعناه مزط او هرب

تلولحي يا دالية : تقال للشخص النحيف جدا وبترخرخ لدرجة الهبل

حيد عن الراس وإذرب : بلهجة اهل اربد والمعنى وفي مقوله اخرى حيد عن الراس واذر ، وتقال في الطوش او الخناقات.( انه يعني ما تعمل عمل كبير تندم عليه) ولكان حاول توجع بشكل غير مباشر
يعني لا تضرب واحد على راسه تنبلي فيه

إحفظ هالّلطش : يقولها من أدى خدمة لحدا ومحملوا جميلة عليها

طقع - بكسر القاف : يقال انها كلمة دخيلة وأصبحت متداولة ومنشؤها الزرقا(مجمع الباصات ) وبالأخص
من شوفيرية السرافيس الكوستر وتعني اشي روعة ومنيح جثير

فايـع/ فايـعة : وتقال للبنت والولد اللي ماشيين عل الموظة أو على حل شعرهم أو شايفين حالهم -
للتوضيح يعني من مناطق عمان الغربية وبالأخص عبدون وأخواتها

هاك : يعني خذ او القف.. بس من غير نفس

بتتخوث يا ملوّث : تقال لمن يحاول أن يخفف دمه وبتهبّل وهو فيش أزنخ من دمّو

يلعن روما : مسبة قاسية جدا تقال عند الغضب


مشرّت - بكسر الرا وفتح الشين : تقال عادة للظاربة فيوزاته او ولا حبة

مطنجر : يقال انها من اصل طنجرة وتقال للشخص اللي مثل اللوح ومش عارف إشي

الشنتير : تقال للشخص اللي حجمه كبير وعالفاظي

فستق فاظي : تقال للشخص اللي بحكي كتير وما بعمل اشي

سحنة : معناها ملامح وجه الواحد ... ويا محلا هالسحن

يسنحك : معذرة ...... ما زال البحث جاري عن معناها

كزدر : تعال نتمشى وتستعمل في المناطق الأقل حظا

منغنغ- الله يطعمنا : معناها معاه فلوس كثيرة وجيبته مليانة مصاري

هذا وما زال البحث جاريا عن العديد من المصلحات الاخرى



ملطوش من مكان بعيد مع خالص تحياتي
____
الحكي مش زي الخراف
مزمبر ما كتبتها ؟؟؟؟ ليش
كلهم بعرفهم وبحكيهم الا مزمبر من وين جبتها هاي؟؟؟؟؟؟؟؟؟
ولك بسكوتة ما تعيدي مزمبر عيب
مزمبر معناتها انو بطل يحكي كتتتتتير على كل اشي بقعد يحكي نص ساعه بس انتا نيتك عاطله
اما الفاظ يا ريتك زدتهم شوي بس حلوين كتير وخاصة هاي مطنجر
من متى مزمبر معناها بطل انا بعرف معناها مزنبر

مواضيع مقترحة


اتخيل العضو الي قبلك نايم كيف رح تصحيه ؟؟(لعبة )
^(الألوان)^
احسن غذاء(سبحان الله )
أنا لا أحب أن أكون في سكره الا اذا كانت شفتيك ألخمره
حلو ورايق لما تكون مروشن
كل الشكر للادارة