ليرة و 65 قرش (شامل الاكل و الترويحة)

(( نسيم ))، شاب ذو اصولٍ بربرية، يعيش في الغابات و يتكاثر بالدبش، و يتحرك بالبرايز، وأحيانا الشلونة بتشغله.

هذا الصديق اثار مشكلة كبيرة بين العلماء حول طبيعة جسمه، و قد اجمعوا على انه مكوّن من 7 آلاف حبة Ligo صناعة محلية على يد طفل مقطوع له 3 اصابع، مشان هيك جاي بالغلط.

المهم ما علينا من كتر الكلام خلينا نشوف شو صار بأول لقاء بين نسيم و الاصدقاء سوما و دودو.

اتفقوا يتقابلوا بالمقر الرئيسي ( سابقاً ) و هوه ( تكّة مول )، في هذه الأثناء كان الصديقان سوما و دودو بستنوا نسيم لييجي، و راحوا بدري نص ساعة على اللقاء من كتر اللهفة و كانوا بتخيلوا شو هالشب الفايع اللي رح يصير صاحبهم و اللي نيالهم فيه لإنه صورته بتوحي انو شب لو مشي في عبدون بتصير مظاهرات و حالات انتحار بين البنات، و لو مشي في شارع الجامعة بتتوقف المحاضرات و البنات برمو حالهم في الشوارع و الدنيا بتقلب ديسكو.

المهم، اجا نسيم و مع جيته اختفت غيمة تخيلات سوما و دودو و تبددت أحلامهم الوردية باقتناء صديق حلو مش صبي كازية.

حاولوا يتأقلموا معه، و بعد ما سلموا عليه و دخلوا عالمول مشان يتعشوا ،(طبعاً طبيعة عزايم الشباب امريكية يعني كل واحد بدفع عن حالو)، المهم دودو طلب أكل و سوما طلب أكل، و اجا نسيم بدو يطلب و الشب ما معه إلا ليرة و 65 قرش (شامل الاكل و الترويحة)، شاف سوما ودودو طلبوا من الـ BK صار بدو يطلب زيهم، و دار الحوار التالي بين نسيم والبنت اللي على الكاشير:


البنت: مسا الخير سو بتحب تتلب ؟
نسيم: بالله هاظ هو مطعم البيكيت ؟
البنت: ههههه يا الله شو خفيف .. شفاف انتا على فكرة .. أزدك الـ BK.
نسيم: آآآه هاظكو بعرفو بس بمزح.
البنت: حكيتلك انك خفيف، سو بتحب تتلب ؟
نسيم: اعطيني واحد همبرغر.
البنت: هاااااااع هااااااااع مش Gادرة .. ولك صلااااااح ولك هَنااااااااء ولك نسريييييين تعالو شوفو هالخفيف هاااااد.

اجا تدخّل سريع من سوما و صلّح الوضع عالسريع و رجع على طاولته.

المهم، البنت طالت الفاتورة ونسيم اعطاها ليرة (طبعا الشب مفكر حالو في رغدان بطلب سندويشة فلافل و شاي و بستنى يرجعلو باقي من الليرة).
البنت: لاااااااا قَلبَت زناخة هيك.
نسيم: شو ؟ و الله الليرة مو مزورة ها ها ها .
البنت: شو بتتخوت عليي ؟ بتعطيني ليرة على وجبة Whopper ؟ و الله لو طلبت بكيت كتشب و محرمتين وحبة بندورة بطلع حسابك أكتر من ليرة، أحكيلك إشي ؟ تعال ابزء بخلئتي ازا بدي ادل اشتغل هون دئيئة وحدة .. أرف يئرف هيك ناس.

البنت شلحت المريول تاع الشغل ورمته بوجه نسيم، وضلّت طالعة من المول، شباب المطعم لحقوا وراها يراضوها بس للأسف لقوها رامية حالها تحت تريللا .. الله يرحمها.

بهالوقت كان سوما ودودو ميتين من الضحك عاللي بصير. هون عرف دودو وسوما شخصية نسيم، وعرفوا كيف يتعاملوا معه، ومشان هيك عملوا فيه 356 مقلب بس.

مواضيع مقترحة


هل انتابتك رغبة في الإنتقام ؟
من هنا وهناك .. دروس وعبر .. كلمات من جمان
النملة
الغلاسه على حق
مصطلحات أردنية عجيبة
وحده قالت لجوزها اليوم الخميس وبدي صوتي يوصل للسماء قلها بسيطه إنتي طالق