ماهو اصعب يوم فى حياتك ؟؟

بسم الله الرحمن الرحيم

الى كل الاعضاء المتميزين وغير المتميزين المشهورين واللى مش مشهورين القدامى والجداد النايمين والصاحيين القاعدين والواقفين ...

مش هقولك قول /ى موقف صعب فى حياتك لان المواقف كتير ...المره دى هقولك قول يوم عدى عليك/ى كان صعب جداااااا افتكر/ى يوم عشت فيه لحظات صعبه ......

قول بكل صراحه لا داعى للحرج .

انا عن نفسى كان اصعب يوم فى حياتى يوم مكنت رايح اكشف للجيش الكشف الطبى ده كان اصعب يوم فى حياتى صحيت من بعد الفجر ومرجعتش البيت غير على المغرب كان يوم شاق جداااا عليه وبجد ده اصعب يوم فى حياتى ..

قولولى باه وانتم .......ايه اصعب يوم فى حياتكم

تحياتى .....................محموود

يكفى ان أقولك أن أصعب يوم ممكن يمر على حياة الانسان لما يكون مع أنسان بيحبه ويكون حاسس أنها أخر اللحظات الى هو موجود فيها فالحياة احساس بالعجز أنك تحس بيه وهو بيفارق الحياة ولازم تتماسك وتدعى له وتحاول انك تغلب الشيطان علشان ميضعفكش ويخليك تعمل اى حاجة غير الى اوصانا بيها الرسول عليه الصلاة والسلام أظن لما تحضر موقف مفارقة الروح للجسم دا مفيش أصعب منه

عيشتنى لحظات صعبة من تانى لكن بشكرك علشان خلتنى اتذكرها بالدعاء رغم انى مش نسياها

ربنا يرحمها ويرحم موتى المسلمين جميعآ

مشاعر والله لو اعرف انك هتفتكرى يوم زى ده يوم فراق حد مهم بالنسبالك انتى مش موضحه مين هو مكنتش كتبت الموضوع ده عشان شكلك بجد متاثره جدااااا بيها …عموما اعذرينى وربنا يرحمها يارب ويرحم موتى المسلمين كلهم …تحياتى اليكى بكل تقدير واحترام

أحب أوضح سبب تعليقى على موضوعك أن ممكن نتشارك المواقف الى بتمر بينا فحياتنا لان فى اوقات بنحس ان الموقف صعب علينا ومش بنحب نتكلم عنه لكن لما نتكلم حقيقى بنحس بالراحة اننا خرجنا الى جوانا واشكرك على ردك يا محمود و دا موقف حتلاقى كتير اوى من البشر بيمر بيه والمهم بجد الثبات فالمواقف الى زى دى لان الانسان بيكون موجود فحضور الملائكة وكلنا عرفين دا فلازم فعلا اننا نثبت على إيمانا دا الاختبار الحقيقى الى بيفرق من أنسان لانسان

والى انا اتكلمت عنها هى عمتى رحمها الله وغفر لها

ويا رب يغفر لموتى المسلمين ويرحمهم

اللهم تقبل دعائنا وصالح أعمالنا

اصعب يوم بحياتى يا محمود بقضيه كل سنه لحظه سفر حبيبى عنى …