دخول

مدائن مضلمة

مدائن مظلمة

مدائن مظلمة ضجّت زفير(ن) مع غياب الن_ـــور

فحيح الآه (ف) الحسره .. خناجــــر و الطعن أســــراب

غياهب و الصبح يشهق .. غصب عنه رحل مجبـــور

تلفّظ آخــــر أنفاســــه .. تهشّــم و اغْدرت أنيـــــاب

زمان(ن) يصرخ ابغصّه .. يلملم ما بقى و يثـــــــور

و لا باقي سوى جار(ن) عشق نار(ن) وسطــــــها ذاب

( لغة ممجوجة(ن) عرجا و إسم المبتدأ مكســـور )

زأيـــــر الصدق قــــد عرّا ملامــــــح من وجـــهْ كـــــذّاب

تموت الأرض و العزّة .. تموت تموت يا المبــــــذور

بريق العز في وجهك قتيل(ن) و اندفن (ف) تــراب

أنادي و انكسر صوتي و شفت العز بكى مقهور

أنادي و انتحر عرقي و حزني في ضلوعــــــي شـــــاب

إذا قلبك بكى الأقصى حنين(ن) تنفعل و تثـور

صراخ المــجد في ذاتك جــريح(ن) في شريعةْ غــــاب

و اذا ثارت بك العزّة يقولوا مـارق(ن) مأج_ور

صـدر حكم(ن) بإعدامك لتهمه اسمها .. ( إرهـــــاب )

تبي تغرس غصن أخضــــر و تجني من أراضي بـــور

تجي تكذب على نفسك و عرقــوب(ن) من الأصحــــاب

تبي تغزو فكر أخرس و سيفك في الوغى مبتور

تبي تلغي ألف فكرة و عندك (مـ) الرجــــال أذنـــاب

تبي طيرك يجيك يحن و بيتك في الخلا مهجــور

تبي يسكن قفــص صدرك و عنده للهجـــر أسبــــاب

نعم أول بنيـــــنا العز و لا عشنا ظـــلام قبـــــور

شربنا المـــجد و رهامـــه .. عدونا يرتجف و يهـــــاب

نعم أول زمان العــــز عدونا مـــا قــــرب محظـــــور

و إذا جينا نمر صوبــه صدى خوف(ن) يســـد أبــــواب

هنــا الإسلام و العزة .. هنــا ربي وضع دست_ـور

هنــا محمـــــد أجـــل صلّى صلاتـــه في وســـط محـــــراب

هنا التوبه هنا الكوثر.. هنا قاف(ن) بعدها الطور

هنـــا خالد رفع سيفه .. هنــــا عز(ن) لبنت حجـــــاب

مدائن و الصبح ينعــي كرامـــةْ فارس(ن) مأســور

تغربـل في مطـــر جاحــد و يرســــم للظلام أهـــــداب

بقايا آخــــــر أحلامـــــه شظايا مـــــــن كسر بلـــــّور

نقش حلمه على نهد الكرامــــه و انتثر و ارتــــاب

مدائن و الشتا ينهش عظم طفل(ن) ينادي النــور

ينادي عزّة الفارس .. ينـــادي و الطعــــن أســـراب

مواضيع مقترحة


قصيدة عندي لفراقكم آلام
كنت عارفه
أحــلام الــقــبــور!
ساعة الصفر .. نزار قباني
ادمنتك ياحبيبي
معانى جميلة
استخدم التطبيق