مسلسل يومي / الحلقة الاولى

المارد الكحلي يتحدى الملل

هاظ المسلسل برعاية الشركة الشلبيه لصناعة حبوب الهلوسة
( المارد والعنود )
طبعاً المسلسل غير مقتبس من المسلسلات البدويه ولا عند الشق ولا الغدير
نبلش
أبطال المسلسل :
المارد: شب فايع حليوة نص البنات بلفو وراه ( شب صح الصح على قولة الدواوين ) ، طول إنهاره طشيش من قرنه لقرنه ومو سائل عن حدا بالدنيا طموح وذكي وبعرف يتعامل مع الناس وطيوب وأبن عالم وناس بس بنفس الوقت حيه من تحت التبن ...
العنود :بنت مؤدبة وبنت عالم وناس حلوة وكرموشة لساتها بتقرا بالكتابقصدي بالمدارس وعندها شله طقع صبايا من الأخر ... أخر هماله الا هي الوحيده المعدله بينهم والوحيده الي ما عمرها حكت مع شب بستوني أو شب عادي وغير ابوها واخوهاا ما بتعرف طبعاً كما قال الشاعر ( العار ولا التار ) ....
بنبلش
الحلقة الأولى
في يوم من الأيام بطلع المارد على كوفي شوب المهم بكون قاعد مع بنت بتعرف عليها عن طريق مسد كول المهم شو بدكو بطول السلافه ما بتهمكم ...
بتيجي شلتها للبنت هاي بقعدوا مع المارد والبنت هاي ومن بينهم بتكون صاحبيتنا العنود ...
المهم كلمه من هون كلمه من هون كل الصبايا بيعجبوا بالمارد وبطلبوا منو أنهم يطلعوا معاه مره تانيه ...

والله بتروح أيام وبتيجي أيام وبصيروا شله وحده وبروحوا وبيجوا مع بعض بقوم المارد بترك البنت الأولى وبصاحب التانيه من نفس الشله وعادي بضلوا فرندز .... يا سيدي

طيب بتمرق سنه سنتين وهو بترك بنت وبصاحب بنت والعنود المسكينه لسه ما إجاها الدور
يا حزركم ليش لأنها بنت مؤدبه وما بدها ترتبط بش يتسلى فيها وغير هيك هيه ملتزمه دينياً وما بتأمن بالعلاقات ...

طيب بتمرق الأيام ليوم بحكي المارد مع العنود تلفون ويدور الحديث التالي :
المارد :ألوووووووو.
العنود :الووووووو.
المارد :كيفك يا مصديه ؟؟؟
العنود :والله ما غيرك المصدي يا معفن يا أجرب ( يا سيدي على الغزل)
المارد :شو الأخبار كيف إمتحاناتك ؟
العنود :ييييي تزكرنيش قرف قرف
المارد :بتهون هي أول 50 سنه صعبه
العنود :أه صح ماشي هو أنا لسه بدي أستنى 50 سنه
المارد :شو وراكي .
العنود :لأ ما وراي شي ما أنا إنخلقت بس مشان أدرس .
المارد :وله شو اكل ومرعى وقلة صنعه ...

العنود :سد حلقك هات من الأخر وقصر ؟؟؟
المارد :بدي احكي معك بموضوع جد .

يا ترى شو بدو يحكيلها ؟؟؟؟

بنكمل بالحلقة الثانيه

مواضيع مقترحة


فتاة وقع في حبها كل من رأها
اع ـــرفــي شــ خ ــــصـــيـــــتــــــكـ من لون شعرك .ღ
يوميّات اتنين مخطوبين ..الجـزء الثــامن
خطوبة تفحيط
نكت نكت واحد دماغه مليانه حشرات راح للدكتور قاله يادكتور عاوز اطّلع الحشرات اللى فى راسى
شوفوا راي الشباب باسامي البنات وراي البنات باسامي الشباب حلوووه لاتفوتكم