دخول

مش زابطة معك

ضايع..

قدامك طريق عم تمشي عليه بس مش عارف لوين!

في ترتيب حياة عم تعيش فيه بس..مش عارف شو بيجي بعدين !

فكرك رح ييجي يوم تكون مبسوط؟

لا...مش قصدي يوم تكون تضحك .ما انت دايما بتضحك

ومعظم الوقت هادي الضحكة اللي بترسمها على وجهك بتكون قناع لكل الضياع والارتباك والالم اللي فيك

بتضحك لانك مش عارف شو تعمل .بتضحك وجواك بدك تبكي بس مش قادر بين اصحابك بتكون ومش بينهم

مش هداك اللي قاعد لحالو هو الوحيد

انت اللي وحيد وانت بين كل الناس بتشعر انك لحالك وانت مع كل اصحابك

وبتضحك وبتمزح ..وبتحكي نكته وبعدين تسكت

وبترجع تلاحظ انك بعدك لوحدك

شغلت كل لحظة من وقتك بس بعدك لحالك

بالليل لما الدنيا تهدا والاصوات تنام بعدك بتلاقي حالك لحالك وبتخاف فبتروح تدفي حالك في فرشتك وبتجرب تنام

ومن التعب بتنام وبتصحى تاني يوم

وبتروح عالمدرسة او عالجامعة او عالشغل وبتاكل زي كل يوم وبتشرب وبتحكي وبتضحك زي دايما بس الفرق انو الشعور زاد عمره يوم وصار اعمق بيوم ويوم عن يوم بصير هالشعور فيك طبيعي بتتنفسه مع الهوا وبتصير تبقى مع اي حدا عشانك خايف تكون لحالك

اول فصل في الجامعة قلنالكم مش قادرين نفوت بالجو حكيتو كمان شوي بتتعودوا ومزبوط تعودنا ما نسال ليش او كيف الصوت اللي جواتنا بحكيلنا في شي احسن في شي تاني ... منخاف ومنرتبك ومنرجع نعمل شو تعودنا

بنرجع لروتين حياتنا لانو هناك في الروتين ما في شي بخوف وبيخلص اليوم وبيخلص الشهر وبتخلص السنة واحنا لسا فينا اشي بيقول النا لا..مش هادي الطريق

بس لسا ماشيين

فكركم وينتا رح نصحا؟؟؟

موضوع كتير حلو وعجبني لانو بينطبق علي وحياتك ..... دايما روتين واحد + ملل + دراسة +اكل + نوم يعني ما في شي جديد .. ومتى راح نصحة ؟؟؟؟؟؟ ممممممم والله ما بعرف يمكن لما نكبر تتغير حياتنا
للاسف ما رح نصحى هيك الدنيا!!!!!!!!!!!
والله كلامك صح كل يوم نفس اليوم الي قبله

مواضيع مقترحة


الحب شيء جميييييييييل
^&^ فـــــوائــد الــنـــوم فـي الــــــظــلام - ^&^
7 سبعة نصائح فعالة للحصول على بهجة وحلاوة الحياة
ماتت بسبب منتدى دي ون جي
شخص دمر جزء من حياتك!
...عندما يختلط الحبر بالاحلام
استخدم التطبيق