مغلوب على أمري : ام المشاكل

مغلوب على أمري : ام المشاكل ------ مشكلتي مع زوجتي .... أو مشكلتي مع لغتي ولهجتي .... مش عارف احدد بالضبط .... المهم هي أنها أم المشاكل .... منذ أول أيام زواجي .. وانا اواجه هذه المشكلة .... قال ايش ؟؟ انا كلامي دفش ... وزادت المشكله وتضاعفت بالذات بعد ولادة ابنتي غلا .... صار لازم أعد للعشره قبل ما أحكي ... آسف أبل ما أئول أي كلمه قدامها أصدي ادامها . مثلا .. لا يجب أن أقول يابه .. تعالي اقعدي جاي بحدي .. بل بابا تعي اعدي هون جنبي وهذا ما لا أجيده ... ولا أحسنه أبدا .. مثلا .. لما أشم ريحه بالبيت ... تلقائيا بحكي لمرتي ... تعالي شوفي ابنك .. شكله خا**ي على حاله وهاي بحد ذاتها جريمه .... كيف انا احكي هيك ؟؟؟؟ وتعلمت مصطلح جديد ... بدلا من كلمة خا**ي ... وهو ما يُُُُعرف بالكاكا ,وما ادراك ما الكاكا يعني لما لما واحد تحبك معه عالثقيل .. بيكون بده يعمل كاكا مش اشي ثاني .... تعددت الاسماء والفعل واحد .... والريحه كمان واحده .... ما بزبط أحكي أي مصطلح ثاني من اللي متعود عليهم أنا ... زي ابنك ش* على حاله ... ابنك كفتها على حاله ابنك خ*ي على حاله كلمة عمل كاكا بتغنيك عن أي مصطلح ثاني ... والمهم انه مصطلح مؤدب .. يعني الش** حرام .... بس الكاكا حلال شرعا ... الحمد لله وممكن انها الكاكا ما تنقض الوضوء عكس الش** ... بدي أسال شيخ ... قبل فترة .. وهي من المواقف التي أذكرها ... كنت جالسا لوحدي اشاهد التلفاز ... فجأة ناديت على غلا وقلت : يابه .. دشري الصوص اللي بايدك وتعي هون شوفي البس والفار عالتلفزون وكأنني قد خرجت من ملة الاسلام .... او قد اقترفت ذنبا واثما عظيما لا يُُُغتفر .. وأتيت كبيرة من الكبائر .. حيث أتت زوجتي ... تتوقد غضبا وقالت والشرر بقدح من عيونها ... ولو بايدها ساطور تناولتني فيه - شو هالحكي اللي بتعلمه للبنت ؟؟؟ - شو هو الحكي ؟؟؟ مش متذكر اني سبيت على حدا او حكيت اشي غلط ... - لا لا لا .. ما بيصير هيك .. هاي بنوته لازم تحكي معها بطريئه غير - طيب ممكن تفهميني أنا بايش غلطت - اوكي .... خد عندك ... اولا .. مو يابه .. بتئول بابا ( هاظا انا ) ثانيا .. دشري ؟؟ من وين جايبها هاي دشري ... ( من وين يعني .. من دكانة ابو سعيد) اول اتركي ثالثا ... شو الصوص هاي ؟؟؟؟ هاد اسمه تويتي ( وااو .. والله تشرفنا ... حي الله يا تويتي) رابعا .. تعي ؟؟؟؟ تعالي مو تعي خامسا .. البس والفار ؟؟؟؟؟ ما تئولي عمرك ما سمعت انهم توم اند جيري هسا دوري انا اعلل .... أولا .. انا من يوم ما اجيت عالدنيا وانا بعرف انه ابوي اسمه يابه ... بجوز لو قلت له بابا يحس بنقص برجولته !!! ثانيا ... دشري .. من دشر .. يدشر .. تدشيرا .... شو المشكله بدشري ؟؟؟؟ ثالثا ... هسا زمان وانا صغير اللي كنت اسرقهم من خم دار ابو ناجي كانو تويتيات مش صيصان ؟؟؟ الله أعلم طول عمري بعرف انه صوص ... هيك تعلمنا ... من أيام سحبة البلالين . رابعا ... لا تعليق خامسا ... هسا توم حياه الله شو هو ؟؟؟ كلب .. ولا أرنب .. مهو بس غانم ومن وجوه البسابسه كمان . وجيري ... والله فار .. مش مكتوب على باب جحره دايما ماوس .... هسا انا طلعت فلقر .... وافتقر للاتيكيت .. ودفش ... وأبصر ايش .... طلعت متهم اكثر من اسامه بن لادن . عشان هيك يا صحابي .. قررت اني آخذ دورات في اللغة الاتيكيتيه ... ولغة الكاكا والبيبي ( يعني زي الكاكا بس عالخفيف) عشان ما اتهم بالرجعية ... أو التخلف ... او اني بدي أخرب اخلاق بنتي

ملطوش من مكان بعييييييييييييييييييييييد

يا حرام مسكين الزلمة الله يعنيو على مرتو!!
بس برضو حلو الاتيكيت
… مشكور كتكوت

نصيحة يا مان جنس حوا كلمة حلوة بتبيعهم وبتشتريهم يعني البنت ما بتصدقك لو مهما حكيت بس احكيلها انتي حلوة بتكون انت هيك اصدق واحد في العالم حتى لو البنت كانت ملكة جمال البشاعة والشناعة شو بدك تعمل بتضحك عليها وبتمشي امورك

بس مو كل البنات هبايل على طول من كلمة وحدة ابصر شو بيصير فيهم وبرضو في شباب هيك البنات بيلعبوا بعقل الشباب لأنهم هبايل يعني في هيك وفي هيك…

هو الاتيكيت حلووو بس لو بدك تحكي على طبيعتك برضوا احلى ،، كتكوت احكي بطبيعتك وما يهمك حدا ههه

مع احترامي بس هادي الزوجة بدها عصاي تحرها فيها بعدين احنا ما في عنا هالاتيكيت هادا شو مالك انت احنا بالوطن العربي

قديييييييييييييييييييييييييييييييييييييييييييييييييييييييييييييييم