ممكن تجاوبوني بعقولكم مش بعواطفكم ؟؟؟

الامريكان والياهود كشعب انا رأيي انو زينا زيهم والهم حق الحياة لإنوا بالآخر كل واحد منهم انسان وللإنسان الحق بالحياة بس احنا مشكلتنا مع حكومات الياهود والامريكان انهم بحاولوا يظلوا فارضين سيدتهم عالعرب …وبس

سويت انت بتأرجلي؟

لا ما بأرجل ليه؟؟؟؟ بنفخ بقربة مخزوقة … انا ما حكيت السبب الرئيسي انو بنغار منهم انا بحكي نقطة من بين مليون نقطة انو احنا مش عم بنستفيد منهم متل ما استفادو منا… وبعدين انا قصدي للي مش اذكياء كتير

طيب ماشي اليهود بيحاربونا وبيقتلونا … طيب مين الي عمل تفجيرات الراديسون ساس؟؟؟ مين الي عم بيغتال المسؤولين اللبنانين ؟؟؟ مين الي بيفجر في الدار البيضاء والرباط؟؟؟ مين الي فجر مبنى الشرطة الي بالسعودية ومين الي فجر مباني منطقة المحيا؟؟؟ يا ريت نفكر بهدول بس؟؟؟؟ ما حد يحكيلي انو اميركا كانت ورا هدول؟؟؟ بليز !

sweet november على فكرة نوفمبر قرب ايخلص و اليهود مو لازم نكرهم بس علي قاعدين ايسونه في فلسطين و لبنان اي لازم نكرهم و الامركان اذا مريت يم واحد امريكي في امريكا راح ايطالعك بنظرة مو شي بس تبي الصراحة لأ مو كل الامريكان بس فيبعضهم ما يشتغلون و شكرا

العفو طيب وازا خلص نوفمبر اصير سويت ديسمبر؟؟ ههه شكرا على مرورك

هلا احنا شو بدنا بالصحافة والاعلام انا سالت سؤال وما حد جاوبني جواب الغقل الي هو مش قادرين تحكوه اجوبتكم كانت عبارة عن اجوبة العواطف الي انا حافظتها وبعرفها… يا جماعة في عنا فرص كتير لحتى تبينا وتطورنا ليه ما بنستغلها احنا بنطالب بالديمقراطية واحنا لهلا ما بنعرف شو معناها ولا كيف نمارسها… وبصراحة وللي بيحكو انو مش مع الدول الي عملت سلام مع اسرائيل ومش عاجبهم بحكيلهم انو لو الاردن اومصر مش عاملة اتفاقية سلام شو بدو يكون حالنا قتل وارهاب وحياه صعبة ليه؟؟؟ هي الفلسطين وبعد 60 سنة من القتال شو طلع معهم؟؟ ولا شي قبل فترة لما صار السلام وعاشو فترة كويسة ما فيها لا قتال ولا حرب ليه ما كملوها عشان فتح وحماس والسيطرة وعملو انتفاضة تانية وخرب كل شي متى بدنا نصحى انو اسرائيل مش ممكن تفرط بشبر واحد من ارضها لحتى ترجع القدس!!! ونضل عايشين بالاوهام… هاد كلام العقل

صباح الخير للكل و بشكل خاص الك سويت…صرلي فترة عم راقب هالموضوع فضولي كان كبير ااعرف اراء الاخرين…انا رح احكي رايي…انا عن نفسي ما بكره امريكا بصورة عامة ممكن اني اكره توجه ما لسياستها و هيدا الشي ما بيسمحلي اكره كل الشعب لانو مو هو اللي حط هالسياسة و عذرا يعني انا لما بدي اجي اكره سياسة امريكا فلازم اكره قبلها كتير من العرب اللي كانوا مؤيدين لهيدي السياسة…اليهود كمان ما بكرههم ممكن اكره فكرة الاحتلال بس هم شعب متلنا متلهم و لو احنا كنا مكانهم كنا رح نعمل نفس الشي…بس طبعا هيدا ما بيبررلهم يقتلوا ناس بس يعني احنا كمان مو مقصرين…ما بعرف الموضوع كتير واسع و الكلام فيه بيطول…يعني نحنا شعب احبب فكرة انو نحنا مظلومين و قاعدين منشحد على هالفكرة بدل ما نقوم و نتحرك و نعمل و نخترع و نتعلم…هدول اليهود شوفوا وين وصلوا صار احلى و اجود نوعية لبس بيصنعها اليهود…بكل انحاء العالم الشركات العالمية و المتميزة بجودتها هي ليهود و نحن وين شو عنا ??و لا شي بس بنبكي…احنا العرب في حياتنا ما ممكن نتطور طالما عايشين بفكرةانو نحنا مظلومين و لو حاسين حالنا مظلومين ليش ما فينا نتوحد و ندافع عن حقوقنا??لانو نص العرب باع حقوقو برضاه كرمال هيك…و بيجي هلأ الناس بيسألوني ليش ما بتكرهي امريكا و اليهود…و شغلة كتير لفتت نظري مؤخرا موضة مهاجمة الناس على دينهم…انو احنا منكره امريكا و اوروبا عشان انهم مسيحين و منكره اسرائيل عشانهم يهود…ليش??ما هدول كمان اديان نزلها الله تعالى و سعرهم بسعرنا…المشكلة للا في دين و لا في شعوب بصورة عامة…المشكلة في عقولنا المتحجرة…لو كل واحد فينا بيفكر انا ليش بكره شي او شخص رح يلاقي انو ما بيعرف بس لمجرد سمع انو حدا غيرو بيكرهو هيدي سياستنا بالوقت اللي سياسة الغرب و اليهود التعلم و التطوير و الانتاج…
هيدا رأيي و طبعا كلامي يطول بهالموضوع بس ما بدي اطول عليكم بتمنى تكون فكرتي و صلتكم و شكرا الك سويت كتير بشهدلك بانك تمليكين مواضيع في قمة التميز و الحساسية …

ميرسي لورا ويا عيني عليك شكلك انت الي فهمت بالزبط انا شو بدي وجاوبتني عليه كل خاص جدا لهاي العقلية المتفتحة وفعلا متل ما حكيت احنا بس شاطرين بالبكاء على الاطلال… يعني احنا ضعاف احنا مكروهين مش نعمل شي لحتى نغير هاي النظرة لا كل مالنا عم بنزيد بغبائنا وتخلفنا يوم عن يوم… فعلا كم عدد اليهود؟؟؟ صارو ممتلكين سلاح نووي ومصانع وشركات حتى لو اميركا داعمتهم … في برنامج 24/24 بيجي على ام بي سي 4 جابو حجم استمثارات السعودية في اميركا وحدها 600 مليار دولار مبلغ خيالي وينو هاد المبلغ من اعادة اعمار العراق؟؟ من لبنان ؟؟ من الصومال الي مش عم بيلاقي ياكول؟؟؟ يا جماعة بجد انا مخزية انو انا عربية لا وانا بكره تخلفنا انا بحب اميركا لانها ناجحة وبحب اليهود لانهم ايد وحدة…
لورا انت روعة وردك كان اروع ويا ريت انو كل واحد يكون الو راي مش كلنا لانو فلان حكى هيك نمشي رواه كانا سوري يعني خرفان

الصراحة … موضوع ليس محل للنقاش … يجب على كل منا أن يبحث داخل نفسه هل يحبهم أو يكرهم والاسباب التي تدفعه لذلك … ان كان في داخل نفسه يكرهم لتقدمهم … فقد أخبرنا الله تعالى عن تقدمهم العلمي منذ اربعة عشر قرنا قال تعالى ( سنريهم اياتنا في الافاق و في انفسهم لعلهم يهتدون ) … موضوع اخر جيد للطرح هنا … انواع الكفار :frowning: كافر مقاتل , كافر معاهد , كافر ذمي , … ) أما عن معنى كلمة كافر : كفر الشي اي غطاه … و الكفر بمعنى انكار الحقيقة على عكس مايظنه الكثير من الناس فنقول كفر بالطاغوت او صبأ به بمعنى انه انكره و اما عن النظرة التي يجب ان يكون عليها المسلمين اتجاههم فلا يجوز للمسلم أن يقتل الا الكافر المقاتل فقط و في ذلك ادلة كثيرة من الكتاب و السنة وقد توعد النبي صلى الله عليه وسلم لمن يقتل أي نوع اخر من انواع الكفار بأنه لن يشم رائحة الجنة … حتى تكونوا على بينة … فالذي يقاتلك و يقاتل اخوانك انت مطالب أن تكرهه و تقاتله و اما غير ذلك فمطالب منك ان تدعوه للاسلام و ان تعامله بالحسنى و ان تسانده و تساعده … هذا هو دين الله تعالى " الاسلام " قال تعالى " لا اكراه في الدين " و قال تعالى ( ان الله لا ينهاكم عن الذين لم يقاتلوكم ان تبروهم … ) وعاد النبي صلى الله عليه وسلمجاره اليهودي لما مرض … ولم يجبره على الاسلام علما بان النبي كان أمير المدينة و قائدها صلى الله عليه وسلم … اذا علاقتنا بهم علاقة ودية قائمة على الرحمة و الدعوة بالهداية لما نعتقد بأنه دين الله الذي يجب أن يتبع على الارض من غير اكراه … أما المحتلين في ارض فلسطين الذين جاءوا من أجل محاربة الاسلام فقتالهم واجب و طردهم من ارض المسلمين واجب … وارى بانه لا بد لنا من العمل لخدمة الامة بدلا من انتقادها و يجب علينا مد يد العون الى اخواننا بدلا من تركهم يغرقون و نقول انظر الى حماس و فتح او الى العراقيين نعم هم على خطا كبير و لكن لا تشمت فيهم نفسك او احدا من الناس بل ادعوا الله الغفار أن يهديهم سبل الطريق القويم لتحرير فلسطين و كفانا تزقيفا لاعداء الامة … وارخ دعوانا ان الحمد لله رب العالمين … أخوكم محمد

و نقول انظر الى حماس و فتح او الى العراقيين نعم هم على خطا كبير و لكن لا تشمت فيهم نفسك او احدا من الناس بل ادعوا الله الغفار أن يهديهم سبل الطريق …
ومين حكى انو احنا عم نشمت فيهم همه الي فرجو العالم عليهم ولما نشوف شو بيعملو في بعض مين الي بدو يساعدهم ازا الي بايديهم السلطة همه الي عم بيقتلو الشعب شو ضل؟؟؟؟ حماس جوعت كل قطاع غزة وقاطع العالم هاي البقعة من العالم حد حس من حماس انو مش لازم يستمرو في قتل الغزاويين؟؟؟ ما حد يحكي انو اهل غزة مبسوطين بالوضع وبيستنو في فرج الله… المفروض ازا فعلا حماس بدها مصلحة الشعب لازم تترك السلطة اما متمسكة بالقوة بالحكم كانو شي كتير… والي بضحك انو الحكام بيعقدو على الكراسي وبيلزقو والشعب هو الي بيموت … وانا بدي اكره الي بيقتل اخوي العربي لازم اكره فتح وحماس الي بيقتلو ببعض من دون سبب ولازم اكره العراقيين الي كل يوم اكتر من 50 بريئ بيموت ولازم اكره الي في دارفورد والي في الصومال … بس عمري ما شفت يهودي قتل يهودي؟؟؟ اصلا همه عندهم دين اكتر منا ولو كان محرف عمرك شفت مسيحي حلف كذب بالله؟؟؟ بتلاقيه بيموت خوف ازا حكيتلو احلف وكان كاذب واكيد لكل قاعدة شواذ ولكن الاغلبية العظمى ايجابية بهاي النقطة بالذات… اسحاق رابين ( رئيس وزراء اسرائيل الي اغتالو ييغال عامير ) حكى مرة انو رح نبلش نخاف من العرب لما يصيرو يركبو الباص بالدور… يعني اعطى الحل للعرب واحنا ضاربين طناش … وفهمكم كفاية

أما المحتلين في ارض فلسطين الذين جاءوا من أجل محاربة الاسلام فقتالهم واجب و طردهم من ارض المسلمين واجب … عفوا بس اليهود ما احتلو فلسطين عشان يحاربو الاسلام همه حطو فلسطين بنص العالم العربي تا حتى يفرقو العرب على اساس انهم بيخوفو ويشتتوهم يعني لو كان اليهود بمنطقة تانية غير الضفة الغربية كنا حنحكي نفس الشي؟؟؟ لو كانو محتلين الباكستان كنا خفنا عليهم كمان للشعب الباكستاني؟؟؟؟؟

لي عوده سؤال منطقي ورائع

محمد كل هاد عم بتعود؟؟؟ شكلك ضعت ههههه

سؤال حلو-طبعا في هيك وفي زي ما في عرب كمان خونه وجواسيس- بس طبعا الي بيعمل فينا شيء ما منيح وباذينا او بياذي الي بنحبهم لازم نكرهم والا انا غلطانه

على فكرة طيب شو ممكن انسمي الي بيكونو عملاء لاسرائيل؟؟؟ والي بخبرو عن المقاومين سواء فلسطين او العراق؟؟؟؟ طيب بطبع اليهود خونة وبيخونو العهد طيب والي بيعمل هيك من العملاء؟؟؟ مش صارو متلهم؟؟ لو رحنا ورجعنا وحكينا 100 سنة بيطلع انو الي بيعملو وبيخلونا نكرهم فيه احنا بنعمل نفس الشي لحتى يكرهونا؟؟؟

ما حد يجي يجادلني ويحكيلي هدول نسبة بسيطة ان شاء الله واحد المهم بيعمل الي بيعملو!!!