منتدى خليك مبسوط "وليه منكونش مبسوطين"

منتدى خليك مبسوط .... وليه منكوش مبسوطين

ليه منكونش مبسوطين والحياه حلوه والشوارع فاضيه وواسعه والاسعار فى متناول الجميع مفيش حاجه اسمها محدودى الدخل ولا فى ناس تحت خط الفقر ولا حاجه وتدخل اى مصحله حكوميه تلاقى الموظفين وقفين ونار فى شغلهم من غير واسطه ومبيقبلوش رشاوى لعن الله الراشى والمرتشى

الحمد لله مفيش طوابير عيش ده حتى العيش بيجى لغايه الباب ، والاسعار بقت ايه حاجه محصلتش الحاجه برخص التراب زى ما بيقولوا

اما الحكومات بقت ايه حاجه تشرح القلب ربنا يخليهم لينا ياااااااااااااااااااااا...

علشان مطولش عليكوا

نيجى بقى لحالنا احنا الشباب وحط خط كبييييييييييييييييييير تحت الكلام اللى جاى ده

الشباب اللى عايز يتجوز بدل الواحده اتجوز اربعه وكان بيحلم بشقه جاب فيلا ، اللى كان مش لاقى شغل اتوظف لاء وايه بمرتب محصلش وبدل العربيه الواحده جايب عربيتين طبعا راكنهم فى جراج الفيلا بتاعته وبيختار اللى تعجبه كل يوم الصبح .

اما بقى الشباب اللى لسه بيدرسوا هيخلصوا دراسه وهيلاقوا الوظايف مستنياهم منين معرفش ؟!!

اما من الناحيه السياسيه : اصبحت الدول العربيه والاسلاميه هى ساده القوم اسكتوا بقينا من اوائل الامم الدول الاجنبيه والاروبيه بتعملنا الف حساب وبتخاف مننا ايه .لاء وايه مفيش خلافات بين العرب نهائيا حط خط تحت نهائيا ديه

الاهم من ده كله مبقاش فى حاجه اسمها اسرائيل وامريكا الواحد بدل ما يجيب خدام من الفلبين بنجبهم من اسرائيل وامريكا

اما بقى العراق وفلسطين وسوريا ولبنان وافغانستان وغيرهم تقدموا كتير وبلدهم بقت محصلتش

اما زياره المسجد الاقصى بقت حاجه سهله جدا جدا يارب ارزقنا فى صلاه فى المسجد الاقصى

بعد ده كله حد يقولى منبقاش مبسوطين ليه عايزه حد يقول منكونش مبسوطين ليه؟!!!!!!!!!!

شفتوا اخر الاحلام ايه السطور معجبهاش الكلام دخلت على بعض …

من كثر الانبساط ما بنقدر نعلق،كلام معقول يا مانو بس… ولا من غير بس.