مواصفات المواطن السوري

• بيفهم بالطب ويشخص المرض وبيوصفلك الدوا وبيفهم كمان بالنقاش والكهربا و تصليح السيارات و الطبخ والسياسة والطابة .
• بيحط الريموت كونترول في كيس نايلون حتى ما يتغبر .
• يوقف يحكي عالباب نص ساعة بعد انتهاء الزيارة والسلام .
• بخزانة المطبخ عندو عشرين قطرميز مربى فاضي منشان اذا احتاج يستخدمهم ومازال مصر على جمع المزيد.
• بيجي بعد الموعد بساعتين بدون ما يعتذر .
• بيحكي بصوت عالي بالمكالمة الدولية مشان التاني يسمعو.
• بيعتبر حالو أفضل واحد بالشراء والمفاصلة ثم يكتشف انو الشي في المحل اللي جنبو أرخص ومن غير مفاصلة .
• بيحتفظ بأكياس محلات اللبس و الأحذية وورق الهدايا تحت الفرشة لسنوات .
• عنده صينية مكسرات مقسمة لثلاث أو أربع أقسام منشان المزاج لكن لا يستخدمها .
• بيشتري قبل الافطار في رمضان مواد استهلاكية متوفرة عندو بالبيت .
• مستعد يقتل قتيل قبل الافطار في رمضان منشان ياخد الحلويات من البياع أول واحد .
• عنده منقل شوي للرحلات بيستخدمو مرة وحدة بالعيد .
• بيشيل طابع البريد من على الظرف لو الختم ماكان عليه .
• بيفكر انو أي حدا بيشتغل بالخليج بيغرف مصاري من غير حساب و أغنى واحد بالدنيا .
• بيكون مشغول بقيمة البخشيش طول العشا ... يا ترى 25 ولا 50 ؟؟؟؟
• بيخانق ساعة دفع الحساب بحرارة شديدة على انو هو اللي لازم يدفع .
• بيفرش شرشف التخت على طقم الكنبايات مشان ما يتوسخوا ، ولما بيجوه ضيوف بيترك الشرشف وما بيقيمه .
• اذا ركب تكسي طول الطريق بيتطلع عالعداد .
• وين ما رحت وترحل الابتسامة لا تغادر وجهه بالسراء والضراء و لكن لماذا يا ترى ؟؟؟
• دائما يعيش ضمن الحلم ولا يقبل أن يخرج مما يحلم .