مواقف طريفة

ماهو أطرف موقف في حياتك ؟

شو رأيكم يا زملاء انو كل شخص يقرا هالمقال يذكرلنا أطرف موقف صار معو ......!

طبعاً إذا ما في ازعاج..!؟

رح ابدأ من عندي أطرف موقف صار معي ذاكرتو هلاّ كان بامتحانات السّنة الماضية بالجامعة كان يومها عنا امتحان لغة انكليزيّة وبيني وبينكن ما كنت بعرف شكل الدكتور لأني ماحضرت ولا محاضرة اي كنت حس حالي ما في داعي احضرها وبعدين كانت كلها نظرية وبتملل المهم أنا وعم حل الأسئلة في سؤال مافهمت شو طالب منا الدكتور لهيك صار لازم اسألو رفعت راسي عن الورقة وصرت اتحزر اينى هو الدكتور من المراقبين الموجودين بالقاعة ولاّ شفت واحد عم ينتقل بين الطلاب قلت أكيد هيدا الدكتور رفعت ايدي وايجالعندي وقلي خير شو بتريدي..!؟

قلتلو دكتور هلاّ هيدا السؤال شو بتقصد فيه وبلّشت ناقشو وهو ساكت عم يسمع ويبتسم ويهز براسو قلت بيني وبين حالي معقول سؤالي بايخ لدرجة انو عم يستخف فيه راح قلي انت كم محاضرة مداومة .....!!!

ولي يامصيبتي اذا قلتلو ماني مداومة ولا محاضرة خفت يبطّّل يجاوبني رحت كذبت كذبة بيضا وقلتلو ماني متذكرة بالضبط بس مداومي منيح راح شو جاوبني ؟؟؟

لو مداومي كنت عرفت انو مو أنا الدكتور ...الدكتور هداك الواقف هنيك.....يلاّ رح ابعتلك ياه..!!!!!!!!!

الله لا يدوقها لحدا وانتو شو رح تخبرونا

عن جد قصة نهفة…