ندوة خااااااصة للبنات بس

عايزين نفضفض لبعض شوية هو انتو هتفضلو لازقين فينا في كل حته كده ....!!!!!!!!

علياء : ازيكو ياجماعه ؟: انا كتبت الموضوع ده بناء علي التشريد اللي ملاحقنا في كل حته.... والموضوع ده في الحقيقة عبارة عن ندوة هتلقيها علينا الاستاذة الدكتورة الاسطي ام سيد رئيسة حركة قطيعه تقطع الرجالة وسنينهم

علياء : اتفضلي يا ام سيد .

[b]...................... بسم الله الرحمن الرحيم ...................[/b]

الي كل فتاه وكل امراة وكل وليه ...... متزعليش ولا تقهري نفسك يا ختي الرجالة ملهومش لازمة مالست يا حبة عيني بتشتغل وتشقي وتتعب وتربي العيال وتربي جوزها وياريته عاجب لا وبتاخد علي دماغها كمان ............ وكل شوية يقولو الست مكانها البيت و المفروض متشتغلش
ماهي لو قعدت في البيت المحروس جوزها مش هيلاحق مصاريف البيت ....... يبقي المفروض نقضي عليهم ونخلص .......!!!

واحدة ست كانت بتقشر البطاطس وبعدين حطيت الصينية علي جنب ورفعت ايديها .....
علياء : في واحدة ست عايزة تسال
ام سيد : اتفضلي يا ختي . ميييييييين ام حماده , ازيك يا وليه ؟ مبتبانيش ليه ؟ وازي جوزك وعيالك ياختي ؟

ام حمادة : كويسين ياختي . حمادة نجح وخد الدبلوم
ام سيد : مبروك
ام حمادة : الله يبارك فيكي ....... انا كنت عايزة اققول ان ياختي ضل راجل ولا ضل حيطة

ام سيد : اترزعي يا وليه جتك نيلة عليكي وعلي اللي يعرفك لا ياختي ضل حيطة علي الاقل الحيطة لا بتشخط وتزعق عمال علي بطال ولا متجوزاكي عشان الاكل وبس هم الرجالة كده همهم علي بطنهم امال بيقولو اققرب طريق لقلب الراجل معدته ليه والتليفزيون هرينا اعلانات سمنه وزيت ليه .......؟ عشان عارفين اللي فيها ..........

تصفيق حار لام سيد


واحدة تانية رفعت ايديها بنوته كده صغيرة ومسلوله تتشاف بالعافية من النوع اللي يخنق من كترة الرقة الزايدة ..........
علياء : في مداخلة تانية

ام سيد : اتفضلي يا عسل

الرقيقة : بصراحة يا طنط انا تعبت . كل ما اتخطب لواحد يسالني انتي انتي هبيتي قبل كده يا هبيبتي ولما اققوله اه يتغير ويتنرفز زي ما اكون ارتكبت كريمة . مبقتش عارفة ارد بعد كده باه ولا لا

ام سيد : لا يابنتي لا كريمة ولا حاجة هم الرجالة كده لازم يسالو السؤال الساذج ده
البت بتبقي شاحطة وفي العشرين واستحالة متكونش اعجبت ابدا بحد .......بس عشان الباب اللي يجيلك منه الريح سده واستريح
تقوم قيلاله ابدا يا حبيبي خلاص بقي ابلعها واسكت
يقولها لا مش مصدق مش معقول يا حبيبتي عمرك ما حبيتي قبل كده ؟
يادي النيلة : تقوم البت تنسحب من لسانها وقيلاله اعجبت بجاري...... بزميلي في الكلية. بعم جمعه بتاع الكازوزة
يقوم قالب الدنيا علي دماغها
طب بتسال من الاول ليه ....؟
انت هتحاسب البت علي تجارب حب وهمية من طرف واحد تجارب عبيطة يومين وتنسي وبعد كده البت تحتقر نفسها معقول انا كنت بحب المعفن ده ...!!!
بقولك ايه يا حلاوتهم بعد كده لو سالك قوليلو انت الحب الكبيييييييير وانت الكلب الكبير وانت اول حب في حياتي

واحدة تانية كانت قاعده علي 3 كراسي لوحدها ماشاء الله طن ونص رفعت ايديها انا افتكرت ان ده مش دراع دا واحدة قاعده علي كتفها ..........
علياء : في مداخلة من مجموعه سيدات
ام سيد : ايوة يا مدامات
المدامات : لا انا انسه
الانسات : انا احترت يا ام سيد مبقيتش عارفة الرجالة بيحبو التخان ولا الرفيعين واحد يقولي انا بحب التخان ضرفة باب اروح اتخن الاقي واحد تاني يقولي النا بحب العود الفرنساوي معرفش اخس تاني ..... انا احترت خلااااااااااص

ام سيد : يا بت الرجالة صنف نمرود تلاقي واحد يبص ويبحلق في التخان لكن هو بيحب الرفيعين وهيتجوز واحدة رفيعه وواحد تاني يبص للرفيعه وهو بيحب التخان ....... متخفيش سوقك ماشي
ام سيد في سرها : ابقي قابليني لو اتجوزتي

واحدة تانية رفعت ايديها

علياء : اتفضلي اسالي
المدام : لا يا ختي انا بسال علي دورة المية اصل ابني عايز يعمل حمام

علياء : منكم لله فاضحينا في كل حته التوالت جمب منتدي كلام بنات علي ايدك الشمال اوعي تغلطي وتدخلي كلام ولاد لحسن هناك حمام الرجالة ..........

واحدة تانية باين عليها الحزن ورفعت ايديها

ام سيد علي طول : اتفضلي ياختي فضفضي
الحزينة : انا احترت يام سيد خطيبي كل شوية يعجب بواحدة شكل ويخوني ويعلق صحباتي انا احترت والمشكلة اني بحبه وتعيط ...........

ام سيد : لا يابت بلاش كده ياكبدي يا بنتي قال يا مامن الرجال يا مامن الميه في الغربال ملهمش امان الواحد من دول بيبقي واقف مع خطيبته ولا مراته وعينه هتخرج من كترة البص علي اللي رايحة واللي جاية المصيبة ساعت بتبقي معاه قمر ويبص لواحده معفنه اللي خلي نور الشريف يطلق بوسي بعد 33 سنه جواز وحب هيخلي خطيبك يدوملك المصيبة ان الراجل يفضل يتفرج طول الليل علي القنوات الفضائية والمذيعات والستات ويقارن ويبص لمراته بارف كده يعني انت متجوزها كده ولاهي اللي متجوزة حسين فهمي ياخي ما الحال من بعضه ولا هو تنطيط علي الفاضي
بقولك ايه ؟ لو اتخنقتي من خطيبك اوي وفضل علي الحال ده اديني نمرته وانا اخلي نص بنات مصر يشتغلوه .........

رجب ......... حوش صاحبك عني .......... رجب

دي نغمة موبايل ام سيد

ام سيد : الووووووووووووو ميييييييييييين ؟
ابو سيد : انتي فين يا وليه ؟
ام سيد : انا ......انا ...........انا في منتدي الفكاهه والمرح ؟
ابوسيد : ميييييييين ؟ انا يا وليه مش محرج عليكي تطلعي برة من غير اذني ؟ انتي طالق ......
ام سيد : المنتدي ناداني يابو سيد
وتعيط وتمشي

علياء : هو في ايه ؟ ام سيد .........ام سيد .........الظاهر ان ام سيد في ظروف متوترة شوية ........
شكرا للحضور ......... الندوة انتهت

حلووووة

مواضيع مقترحة


فوازيييييييييير للصبح . ما هو الشئئ الذي كلما طال قصر ؟
أشهر 500 كلمة انجليزية
اروع ما فى الحياة
قلعة صلاح الدين الأيوبي بمصر
أروع الجنون جنون المرأة في الحب
حبك للمال غاية ام وسيلة!