نكت دولية واحد متجوز كل يوم يرجع البيت يلاقي راجل في الطريق يضحك في وجهه و يقوله, زوج مخدوع

نكتة لبنانية :

واحد متجوز كل يوم يرجع البيت يلاقي راجل في الطريق يضحك في وجهه و يقوله, زوج مخدوع , و اليوم التاني نفس الحكاية و التالت و الرابع , و في يوم رجع البيت بدري من الشغل , قام فاتح الموضوع مع مراته و حكالها عن الراجل الغريب اللي بيقابله كل يوم , و هي تقوله تلاقيه مجنون او حاقد عليك و استمر الحكي الي الليل حتي نام الزوج , و تاني يوم و هو راجع من الشغل , قابل الراجل اياه و لقاه متنفخ العينين و بيقوله زوج مخدوع و كتير رغي كمان .



نكتة مصرية :

واحد أحول مصاحب اعرج , و كل يوم يتقابلوا و يحكوا مع بعض , و في يوم من الايام , راح الاحول يقابل صاحبه لقاه سليم بدون عرج , استغرب و قاله , ازاي راح العرج منك - صاحبه قاله : دي حكاية غريبة, في ناس حكولي عن جني غبي بيطلع ليهم في الحارة بتاعتهم بالليل في الضلمة و ( هاااااا, وقف عندك , معاك ايه ) الناس تترعب و تقوله علي الفلوس و الحاجات اللي معاهم , يقوم ( هاااااا , هاتها )
و الناس في الحارة بقوا متغاظين منه علي الاخر , قمت قلتلهم , خدوني ليه و مالكمش دعوه
و في الليل طلع لي الجني و ( هاااااااااا , وقف عندك , معاك ايه ؟ )
قلت له انا معاياعرج , قام قاللي ( عرج ايه ده ؟ , هااااااا , هاته ) و من ساعتها , انا خفيت و الجني بقي اعرج
الاحول , قال له يا عم خدني عنده انا كمان الله يخليك , و في الليل الاحول لقي جني اعرج طالع له و ( هااااااا , وقف عندك , معاك ايه ؟ ) الاحول معايا حول , الجني ( ايه الحول ده , هاااا , معايا عرج , خده ) .

نكتة مع اليهود :

واحد يهودي من ايام حارة اليهود في مصر , فاتح محل خردوات و معلق عليه يافطة ( خردوات كوهين و ولده و شركاهم ), قامت جت له ضرايب كبيرة علي المحل , قعد يكلم نفسه و يشتكي , واحد من اصحابه نصحه ( بلاش ولده , علي اليافطة دي , انت بتقوم الضرايب عليك ), تاني يوم شال اليافطة و حط يافطة مكتوب عليها ( خردوات كوهين وشركاه ) و مفيش فايده , الضرايب هي هي , اليهودي قاعد يكلم نفسه , مر عليه صاحبه , و ايه ياعم عملت ايه ؟ - اليهودي : مافيش فايدة , صاحبه ( يا عم انت بتعادي الضرايب , بلاش شركاه دي ) , تاني يوم صاحبه مر علي المحل لقاه مقفول , سأل عن كوهين , قالو له في المستشفي , راح يزوره , لقاه متدغدغ من الضرب , قاله ايه اللي حصل ؟ - اليهودي : الله يخرب بيتك , انت السبب , انا عملت بنصيحتك و كتبت علي اليافطة ( خردوات كوهين لا شريك له ) , قامت امة لا اله الا الله مدغدغاني من الضرب .


يا رب تكون النكت عجبتكوا , و عذرا علي الاطالة

لا تحرمونا من تعليقاتكم

جامدة اوى يا مان بتاعت اليهودى