دخول

نهفة مع شب أردني

هالنهفة صارت معي ايام جامعتي بالاردن كنت جديد وبما اني بديت متأخر فصل (بسبب المفاضلة السورية المحترمة وسرعة نتائجها )كانت فترة الشتا وتغير التوقيت وبما اني كنت جديد ومابعرف ايمتى بيصير تغيير الاوقات لاني عايش بسعودية ومابيتغير التوقيت وماعجبتني بصراحة قنوات الاردن فما كنت تابع الاخبار فما دريت بهالعصلجة

واجا وقت محاضرتي ولما فتت لقيت دكتور تاني ووجوه تانية
الدكتور صار يطلع فيني وانا صافن فيه اخر شي قللي نعم شو بتريد ؟
رديت بعفوية وبدون قصد شو جابكم لهون sh:questio ؟
طبعا العالم صارت تضحك مابعرف ليش وقللي وهوه ماسك ضحكتو باينتك ملخبط يا ابني
رديت لاء مو ملخبط و ورجيتو جدولي
قام فات بالحيط و قللي فعلا والله هادا وقت محاضرتك وهون كمان .. غريب روح راجع الادارة اكيد في غلط
طلعنا على هالادارة لنشوف اخرتها وانا عم اضرب اخماس باسداس ومن مكان لمكان وصلت لعند سكرتيرة العميد و صارت تدقق الجداول ومابعرف شو و اتلبكت وعملت اتصالات وشو هالخطأ اللي صاير و بما انها امورة فانا حطيت رحالي و بلطت بمكتبها وصرت مابعرف شي بالجامعة بنوب sh:eye
بعد شوي خرمت على سيجارة( الله يرحم ايام الدخان) استأذنت منها وطلعت لبي نداء الكيف فشفت واحد من اللي بيحضرو معي و قلتلوا وينكم يا زلمة اختفيتو وحكيتلو القصة قللي يا زلمة تغير التوقيت و لما انت وصلت عالمحاضرة كنا مبلشين بالتانية:o طبعا وشي صار تلفزيون ملون

بس بعد هيك صفنت وصرت فكر انو فهمنا انا جديد ومابعرف بهالشغلة بس هالادارة ليه ما انتبهت واجا ببال واحد فيهم ؟؟
انا حللتها قلت بيجوز السكرتيرة كانت واقعة بدباديبي وغشمت حالها لانو صار بيننا فنجان قهوة و حكتلي عن حبيبها وعن قصص العميد و البنات اللي بيراجعوه :shlon: .. بس والله انا ما زحلئتها هيه لحالها حكت :tahakkom

مواضيع مقترحة


مفهوم السعادة
أعذروني . هذا العضو يعجبني ..؟؟
اكل البنات واكل الشباب
كيفيه التخلص من الكرش
فتاة هزت شابا بكلماتها!
لماذا حرم الله الذهب على الرجال؟؟
استخدم التطبيق