:: نيو عمّان - احدى مقالاتي ::

:: نيو عمّـــان ::

نلاحظ أن مشاريع البناء وإنشاء الأبراج وناطحات السحاب قد انتشرت داير ما يدور عمان، إضافة إلى أن المولات والمنتجعات السياحية أصبحت في كل مكان، حتى أنني فوجئت بثلاث مجمعات ضخمة ظهرت بجانب بيتي، أخاف أن استيقظ في يوم أجد عمارتنا وقد تحولت إلى برج على غفلة.

لا شك أن الحكومة الفاضلة تبذل جهداً عظيماً في تحسين الوضع الاقتصادي في البلد، ولكن من المستفيد؟

ألم تأخذ الحكومة بعين الاعتبار قابلية شعبنا الكريم لاستقبال هذا التطور المفاجئ؟ أم أنها ستمنع المواطنين الاردنيين الذين يسكنون الأحياء الفقيرة من دخول هذه الابراج والمولات الضخمة منعاً للاحراج، بحيث يقتصر دخول هذه الاماكن على العائلات فقط كما تفعل بعض المولات في الأردن، مع العلم أنه إذا أتى شاب مع صديقته فهم عائلة كريمة يجب احترامهما..!

ألا يُعتبر هذا تمييزاً رغم أن وسائل الاعلام تشجع الشباب على الاندماج في المجتمع وتحثهم على أن يكونوا عامِلاً مؤثراً ايجابياً فيه؟ في حين يتم منعهم من الدخول إلى أماكن الترفيه، مما يخلق لدى الشباب الحقد والشعور بالنقص. لماذا يحتاج الشاب الأردني إلى فيزا للدخول إلى المولات وأماكن الترفيه الراقية، هي أصعب من تلك التي يحتاجها للسفر إلى بلاد العجائب؟

حين تسأل مثل هذه الأسئلة، يجيبك البعض: ما همه شباب عمّان نَوَر، حسناً، إذا كانوا نَوَر فعلاً، فلماذا تلجأون إليهم أوقات الانتخابات، ولماذا تتوددون إليهم عند الحاجة، وعند عدم الحاجة تتجاهلون وجودهم؟ هل الشباب في نظر هؤلاء البعض هم أبناء الوزراء والنواب وكبار رؤوس الأموال فقط؟

أظننا في الأردن بحاجة إلى أبراج أعلى مما يشيّدون، وتطورٍ أسمى مما إليه يسعون، فنحن بحاجة إلى التغيير الداخلي، إلى التوعية بأسلوب عملي لا شفهي، نحن بحاجة إلى الظهور أمام العالم بثوب راقٍ، بمعاملةٍ تنمُّ عن وعيٍ في التفكير كي لا يصفون الشعب الأردني بالجامد وصعب التعامل.

أسامة الرمح

فنحن بحاجة إلى التغيير الداخلي، إلى التوعية بأسلوب عملي لا شفهي، نحن بحاجة إلى الظهور أمام العالم بثوب راقٍ، بمعاملةٍ تنمُّ عن وعيٍ في التفكير …يسلمووووو

الاردن او اي بلد اخر يحتاج الى التطوير والتغيير فيجب علينا تطوير المدن وحياتنما ايضا للتعامل مع باقي العالم كاناس متطورين ليس بالابراج وانما بعقولنا ايضا وهدا شي مهم جدا

كعادتك نجم متالق في كتاباتك…الموضوع كتير جميل و حساس بس للاسف يا اسامة لا احد من المعنيين مهتم…انا لا اتكلم على الاردن فقط…هاهي سوريا جارة الاردن تسير على نفس المنهج و الخطة…هم يفعلون هذا لاجل انفسهم لترفيه حياتهم و اولادهم…لا شي يفعلونه لاجلنا حتى انهم لا يروونا اننا بمثابة اطياف لهم…هذا البلد بيتهم و هذه المولات و المجمعات اماكن ترفيههم و نحن نترفه بآلامنا و احقادنا و الى الامام دوما

أشكرك على المقالة الرائعة , كلام سليم , لا نريد هذا “التطور” الكذاب , لأنه لا نستفيد من"التحسين" هذا فنحن لا نستفيد منه فعليا , بالنسبة أيضا لدخول المول “يعني لازم الواحد ييجي معاه بنت !!! في أيام معينة” , أخبرني شخص ما أن هناك بنات بسن المراهقة تكون تنتظر بجانب المول بانتظار شاب أو شباب يريدون دخول المول و في الأيام التي لا يسمح فيها إلا بال “couples” حتى تكون تذكرة دخوله إلى المول مقابل جلوسه معها و تقديم الدونات أو الكوكتييل لها و الجلوس و التعرف عليها !!! نحن بحاجة لتطوير فكرنا أولا , و حساب في مصلحة من تصب الأمور , ثم التطور “الحقيقي” بالعلم و بالمجالات الفعلية التي تثبت أننا نستحق أن نفتخر بها و نسعد بوجودها , و شكرا مرة أخرى

كلام رائع اسامة بس ما بتلاحظ انوا لازم كل انسان يعرف اولوياتة ويعرف شو الوا وشو علية

وزي ما بيحكي (على قد الحافك مد اجريك ) لو كل واحد مشى على هاد الاساس رح يقدر يعيش مرتاح ومبسوط ورح يشوف اي تغير رح يكون لصالحوا ولغيروا بس يمكن بتفرق شوي من واحد لواحد وهاد الشي طبيعي جدا

وما في داعي لشباب عمان مشان يكون ضمن قائمة النيو انوا يروح على المول لاظهار المزيد من النفخة الكذابة( العرط)

والي ما معوا ما بيلزموا بعرف شباب مصروفوا اكتر من دخلوا ومستعد ياخد دين من حد تان مشان يحكوا عنوا الناس التانية انوا معوا ( اي شو هي المسخرة )

اخي التطور لازم نحن بلد نقع في مكان حساس من العالم التطور اصبح متطلب.... والله ما رح يجي حد يحكي لواحد من الشاب الي بنشوفهم اليوم بدنا نعمل تحديث لا شي لانوا الشب في النهاية ما بيعرف مصلحتوا اذا ما بيعرف شو بدوا

رح يفرق معوا التطور ولا لا

كل هدفوا يكون معوا دخان وحد يصرف علية

اخي الحبيب عندما يلجأ النواب الي الشباب او اي شخص هي محاولة لدب روح الانتماء في داخلة ولكي يشعر انة رجل يمكن ان يؤثر في بلدة وفي غيرة

.........

اشكر لك خاتمة الموضوع ( اجيت تكحلها عميتها )


لو الشباب ما بيعملو حركات مش ولا بد كان ارتاحو وما حدا منعهم من شي
ولعلمك في بعض البنات كمان لازم ينمنعو يدخلو المولات :slight_smile:

انا الي تعليق وفعلا كل مرة بدخل مكة مول بالتحديد منظر مخزي لشبابنا الي مستعد بيوس رجل البنت لحتى تدخلو وبس يدخل الله لا يورجيكم الي بيصير لمدة ساعتين واو اكثر وهو طبعا بيلف ما نزل عينو عن البنات الي موجودين في المول يعني ازا صدفة اجت عينك بعينو مش انو هو الي ينزل عينو ويختصر لا بيضل مبحلق فيكي وازا مش عاجبك طقي راسك بالحيط بجد وكل الي موجودين اعمارهم ما بتزيد عن 24 او 27 هاد ان طارت وطبعا بتلاقيه فاتح البلوتوث وعونو شمال ويمين ومستغربة كيف ما بيلقطو ههههه جد واقع هزيل وسخيف جدا والي بصراحة هاد هو همه لحتى يدخل المولات والمجمعات التجارية لا يضل بره احسنلو لحتى يعرف يحترم المكان الي بدو يدخلو … ومش غلط انو نبني ونعمر ونطور البلد لانو الحكومة عم بتعمل الي عليها فهلادور الشعب انو هو الي يمحي نظرة لعدم الاحراج من اي محل في عمان

مقالك رائع جداً عزيز اسامة متل العادة من رائع لأروع
بس صدقني أنا بأيد الحكومة بهيك موقف ، عمان الشرقية والله بحاجة لجدار فاصل متل جدار برلين وأكتر جبروت ، و90% من شباب البلد بحاجة لخدمة عسكرية غصبن عنهم او لو بأيدي خدمة العلم بعملها 3 سنوات متواصلة ، عمان الشرقية عم يصير فيها مواقف لاتخطر على عقل عاقل ، فعلا بحاجة لتطهير كامل عن بكرة أبيها

ماهو يا سويت كمان البنات لازم يستروا حالهم شوي. مو بس الحئ على الشباب. … فيري بيوتيفل نايس يا اسامة… ثانكس

مقالة جميلة جدا.كلنا بنسمع عن عمان الجديدة الي كلها ناطحات السحاب .والعرب هيك دائما همهم الوحيد هو المظاهر.وكمان اصبت لما حكيت عن الانتخابات.المترشح لو يلاقي يبوس رجل ها الفقير من شان يصوتلو بس بعدين لما ياخدو المناصب :المصلحةالشخصية فوق كل شيء وعبو كروشهم مصاري

no comment …

طيب انت لو بدك تنزل على الانتخابات ما بدك تجمع اصوات حتى من ناس ما بتعرفها؟؟؟ يمكن تحجاوبني انك ما حتنزل على الانتخابات عشان تقطع علي الي بدي احكيه … بحكي لاي واحد بدو شغلة لو صحلتلك واسطة بتتركها وما بتعمل فيها وبتستنى انو الشغلة تيجي لحالها؟؟؟ وانا بوافق مع نبيل على الي حكاه عمان الشرقية اصلا اهلها بيرفضو التطور لانهم مش قدو همه الي بيرفضو هاد العمار والتطور وراضين بالمنظر العشوائي الي ساكنين فيه… يعني فوق ما الحكومة عم بتحسن منظر البلد وجلب الاستثمار وايجاد فرص عمل للشباب الي عاميتهم ثقافة العيب الكل بدو مكتب وكرسي عشان حضرتو يشخص ويجعص!!!