وبعد الجيزه بشهر بتبلش المشاكل وامك حكت وحماتك حكت

الزواج ... كنت رح أخسر أعز أصدقائي من أجل موضوع متعلق بالزواج !!
يا شباب احنا ليش بدنا نتجوز ودابحين حالنا على الجيزه؟ طيب تعالو نحسبها بطريقه تانيه .. لو فرضنا انك بدك تتجوز اذا ما حد ساعدك في المصاريف وما كنت مستعد لمصاريف الجيزه راح تضطر تتداين وتبلش حياتك بالدين.
وبعد الجيزه بشهر بتبلش المشاكل وامك حكت وحماتك حكت وبنت عم جد أبو زوجتك بيتدخل بحياتك الزوجيه, واذا كنت مستأجر بيت وبينكسر عليك الايجار بتصير تفوت بيتك زي الحراميه من الشباك وبتتعربش على المواسير عشان ما يشوفك صاحب البيت .
ولما مرتك على خير تصير حامل بتبلش تتوحم وبتبطل تطبخ عشان ما بتتحمل ريحة الطبيخ وممكن تقومك بنص الليل من نومك عشان تحكيلك قوم اتحمم مش طايقه ريحتك وممكن تصحيك برضو بنص الليل تحكيلك قوم جاي عبالي منسف وطبعا انت بتقوم مفزوع تطبخ منسف بنص الليل عشان ما تطلع الوحمه عوجهه الولد .
ولما توصل حرمك المصون للشهر الثامن والتاسع لازم تطلع تتمشى معها وتمشيك يا مسخمط عشره كيلو عشان المشي بيسهل عمليه الولاده . ولما مرتك تخلف وتقوم بالسلامه بتبلش المعاناه وبتبلش تنقل بامبرز وسيريلاك وتحاميل وتجيب مناديل معطره عشان تشطيف البيبي والولد ارتفعت حرارته والأم لازم ترتاح عشان ما يجيها حمى النفاس
والولد لازم ينام في النص وطبعا ما بيخليك تنام طول الليل وبما إنه الأم تعبانه لازم تهز طولك وتقوم انت تسكت الولد ولما يبلش الولد يكبر بيبلش النق من امك انك لازم تجيب اخ لإبنك وبتنعاد نفس الإسطوانه
ولما تبلش تكبر انت بالعمر وتبلش تحوش شويه مصاري واولادك الخمسه يكبرو بتبلش بدك تدرسّهم, وطبعا لازم ولد او ولدين يرسبو بالتوجيهي, وولد لازم يطلع هامل ويحب بنت الجيران ويروح يعمل مشاكل وتصير انت يا مشحتف تلف بالمخافر تتكفل ابنك. وبنتك لما تتجوز وبعدين بطلع جوز بنتك بضرب بنتك وبتيجي تزعل وترجع عندك على البيت مع ست اولاد وبعدين ابنك الثاني بصير بده ....... الخ
والله يا إخوان انا تعبت من الموضوع فبقول بلاش من الجيزه وخلينا عزابيه احسن . وعرأي المثل إيدك ولا جميلة الناس

مواضيع مقترحة


دعاء لشباب قبل ما تعاكسو البنات ...ههههههه
هل هذا الامان الذي يريده نصر الله؟؟
تونسي يأمل دخول موسوعة غينيس بأكبر باقة ياسمين
همسات إيمانية
الرجل العنكبوت يسجل رقما قياسيا بإيرادات السينما في أمريكا الشمالية
للاهميه ... الرجااااء الدخوول